ਜਲਦ ਵਿਆਹ ਦੇ ਬੰਧਨ ‘ਚ ਬੱਝਣ ਜਾ ਰਹੀ ਹੈ ਪੀ.ਵੀ. ਸਿੰਧੂ, ਜਾਣੋ ਕਿਸ ਨਾਲ ਲਵੇਗੀ ਸੱਤ ਫੇਰੇ
ਦਿੱਲੀ (ਵੀਓਪੀ ਬਿਊਰੋ) ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਬੈਡਮਿੰਟਨ ਖਿਡਾਰਨ ਪੀਵੀ ਸਿੰਧੂ ਬਹੁਤ ਜਲਦ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੀ ਹੈ। ਇਸ ਗੱਲ ਦੀ ਪੁਸ਼ਟੀ ਉਸ ਦੇ ਪਿਤਾ ਪੀਵੀ ਰਮਨਾ ਨੇ ਕੀਤੀ। ਉਸ ਨੇ ਦੱਸਿਆ ਕਿ ਇਹ ਸਭ ਕੁਝ ਮਹੀਨਾ ਪਹਿਲਾਂ ਹੀ ਤੈਅ ਹੋ ਗਿਆ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਸਿੰਧੂ 22 ਦਸੰਬਰ ਨੂੰ ਉਦੈਪੁਰ ਵਿੱਚ ਵੈਂਕਟ ਦੱਤਾ ਸਾਈਂ ਨਾਲ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਕਰੇਗੀ। ਸਿੰਧੂ ਦਾ ਹੋਣ ਵਾਲਾ ਪਤੀ ਹੈਦਰਾਬਾਦ ਦਾ ਰਹਿਣ ਵਾਲਾ ਹੈ। ਉਹ ਪੋਸੀਡੇਕਸ ਟੈਕਨਾਲੋਜੀ ਦੇ ਕਾਰਜਕਾਰੀ ਨਿਰਦੇਸ਼ਕ ਹਨ।
ਸਿੰਧੂ ਦੇ ਪਿਤਾ ਪੀਵੀ ਰਮਨਾ ਨੇ ਕਿਹਾ- ਦੋਵੇਂ ਪਰਿਵਾਰ ਇਕ-ਦੂਜੇ ਨੂੰ ਜਾਣਦੇ ਸਨ ਪਰ ਸਭ ਕੁਝ ਇਕ ਮਹੀਨੇ ਪਹਿਲਾਂ ਹੀ ਤੈਅ ਹੋ ਗਿਆ ਸੀ। ਇਹ ਸਿਰਫ ਸੰਭਵ ਸਮਾਂ ਸੀ ਕਿਉਂਕਿ ਉਸ ਦਾ (ਸਿੰਧੂ) ਦਾ ਸਮਾਂ ਜਨਵਰੀ ਤੋਂ ਬਹੁਤ ਵਿਅਸਤ ਹੋਣ ਵਾਲਾ ਹੈ।
29 ਸਾਲਾ ਖਿਡਾਰਨ ਨੇ ਐਤਵਾਰ ਨੂੰ ਸਈਅਦ ਮੋਦੀ ਇੰਟਰਨੈਸ਼ਨਲ ਬੈਡਮਿੰਟਨ ਦੇ ਫਾਈਨਲ ‘ਚ ਚੀਨ ਦੀ ਵੂ ਲੁਓ ਯੂ ਨੂੰ ਹਰਾ ਕੇ ਮਹਿਲਾ ਸਿੰਗਲ ਦਾ ਖਿਤਾਬ ਜਿੱਤਿਆ। ਲਖਨਊ ‘ਚ ਖੇਡੇ ਗਏ ਫਾਈਨਲ ਮੁਕਾਬਲੇ ‘ਚ ਸਾਬਕਾ ਵਿਸ਼ਵ ਚੈਂਪੀਅਨ ਨੇ ਚੀਨ ਦੇ ਵੂ ਲੁਓ ਯੂ ਨੂੰ 21-14, 21-16 ਨਾਲ ਹਰਾ ਕੇ ਤੀਜੀ ਵਾਰ ਇਸ ਟੂਰਨਾਮੈਂਟ ਦੀ ਟਰਾਫੀ ‘ਤੇ ਕਬਜ਼ਾ ਕੀਤਾ। ਉਹ ਇਸ ਤੋਂ ਪਹਿਲਾਂ 2017 ਅਤੇ 2022 ਵਿੱਚ ਵੀ ਟਰਾਫੀ ਜਿੱਤ ਚੁੱਕੀ ਹੈ। ਸਿੰਧੂ ਨੇ ਦੋ ਸਾਲ ਚਾਰ ਮਹੀਨਿਆਂ ਦੇ ਵਕਫ਼ੇ ਤੋਂ ਬਾਅਦ ਪੋਡੀਅਮ ਦਾ ਸਿਖਰ ਸਥਾਨ ਹਾਸਲ ਕੀਤਾ। ਉਸਨੇ ਜੁਲਾਈ 2022 ਵਿੱਚ ਸਿੰਗਾਪੁਰ ਓਪਨ ਵਿੱਚ ਆਪਣਾ ਆਖਰੀ ਖਿਤਾਬ ਜਿੱਤਿਆ ਸੀ। ਇਸ ਸਾਲ ਉਹ ਮਈ ਵਿੱਚ ਮਲੇਸ਼ੀਆ ਮਾਸਟਰਸ ਸੁਪਰ 500 ਦੇ ਫਾਈਨਲ ਵਿੱਚ ਵੀ ਪਹੁੰਚੀ ਸੀ।
ਕੌਣ ਹੈ ਸਿੰਧੂ ਦਾ ਪਤੀ
29 ਸਾਲ ਦੀ ਪੀਵੀ ਸਿੰਧੂ ਨੇ ਵੈਂਕਟ ਦੱਤਾ ਸਾਈਂ ਨੂੰ ਆਪਣਾ ਜੀਵਨ ਸਾਥੀ ਚੁਣਿਆ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਵੈਂਕਟ ਦੱਤਾ ਸਾਈ ਕੌਣ ਹੈ ਅਤੇ ਉਹ ਕੀ ਕੰਮ ਕਰਦਾ ਹੈ? ਕਰੋੜਾਂ ਰੁਪਏ ਕਮਾਉਣ ਵਾਲੇ ਵੈਂਕਟ ਦੱਤਾ ਸਾਈਂ ਦੀ ਕਹਾਣੀ ਵੀ ਬਹੁਤ ਦਿਲਚਸਪ ਹੈ। ਪੀਵੀ ਸਿੱਧੂ ਆਉਣ ਵਾਲੇ ਟੂਰਨਾਮੈਂਟ ਲਈ ਜਨਵਰੀ ਤੋਂ ਆਪਣੀ ਸਿਖਲਾਈ ਸ਼ੁਰੂ ਕਰਨ ਜਾ ਰਹੀ ਹੈ। ਪੀਵੀ ਸਿੰਧੂ ਦੇ ਪਰਿਵਾਰਕ ਮੈਂਬਰਾਂ ਨੇ ਮੀਡੀਆ ਨੂੰ ਇਹ ਜਾਣਕਾਰੀ ਦਿੱਤੀ।
ਵੈਂਕਟ ਦੱਤਾ ਸਾਈਂ ਹੈਦਰਾਬਾਦ ਦਾ ਰਹਿਣ ਵਾਲਾ ਹੈ ਅਤੇ ਉਸੇ ਸ਼ਹਿਰ ਵਿੱਚ ਸਥਿਤ ਪੋਸੀਡੇਕਸ ਟੈਕਨੋਲੋਜੀਜ਼ ਵਿੱਚ ਕਾਰਜਕਾਰੀ ਨਿਰਦੇਸ਼ਕ ਦਾ ਅਹੁਦਾ ਸੰਭਾਲਦਾ ਹੈ। ਉਹ ਇੱਕ ਤਜਰਬੇਕਾਰ ਉਦਯੋਗਪਤੀ ਹੈ ਜਿਸ ਨੇ ਵਿੱਤ, ਡੇਟਾ ਵਿਗਿਆਨ ਅਤੇ ਸੰਪਤੀ ਪ੍ਰਬੰਧਨ ਦੇ ਖੇਤਰਾਂ ਵਿੱਚ ਆਪਣੀ ਪਛਾਣ ਬਣਾਈ ਹੈ। ਉਸਦੀ ਵਿਦਿਅਕ ਯਾਤਰਾ ਵਿੱਚ FLAME ਯੂਨੀਵਰਸਿਟੀ ਤੋਂ ਲੇਖਾ ਅਤੇ ਵਿੱਤ ਵਿੱਚ BBA ਅਤੇ ਇੰਟਰਨੈਸ਼ਨਲ ਇੰਸਟੀਚਿਊਟ ਆਫ਼ ਇਨਫਰਮੇਸ਼ਨ ਟੈਕਨਾਲੋਜੀ ਬੰਗਲੌਰ ਤੋਂ ਡੇਟਾ ਸਾਇੰਸ ਅਤੇ ਮਸ਼ੀਨ ਲਰਨਿੰਗ ਵਿੱਚ ਮਾਸਟਰ ਡਿਗਰੀ ਸ਼ਾਮਲ ਹੈ।
