ਸਮੁੰਦਰ ਕੰਢੇ ਯੋਗਾ ਕਰਦੀ ਹੀਰੋਇਨ ਪਾਣੀ ‘ਚ ਰੁੜੀ, ਕਈ ਕਿਲੋਮੀਟਰ ਦੂਰੋਂ ਮਿਲੀ ਲਾ++ਸ਼
ਵੀਓਪੀ ਬਿਊਰੋ – ਰੂਸੀ ਅਭਿਨੇਤਰੀ ਕੈਮਿਲਾ ਬੇਲਾਤਸਕਾਇਆ ਦਾ ਹਾਲ ਹੀ ਵਿੱਚ ਦੇਹਾਂਤ ਹੋ ਗਿਆ ਹੈ। 24 ਸਾਲਾ ਅਦਾਕਾਰਾ ਛੁੱਟੀਆਂ ਮਨਾਉਣ ਲਈ ਥਾਈਲੈਂਡ ਗਈ ਸੀ, ਜਿੱਥੇ ਯੋਗਾ ਕਰਦੇ ਸਮੇਂ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਈ।
ਕੈਮਿਲਾ ਥਾਈਲੈਂਡ ਦੇ ਕੋਹ ਸਾਮੂਈ ਟਾਪੂ ‘ਤੇ ਆਪਣੇ ਬੁਆਏਫ੍ਰੈਂਡ ਨਾਲ ਸਮਾਂ ਬਿਤਾਉਣ ਗਈ ਸੀ। ਮੈਟਰੋ ਦੀਆਂ ਰਿਪੋਰਟਾਂ ‘ਚ ਮੌਕੇ ‘ਤੇ ਮੌਜੂਦ ਚਸ਼ਮਦੀਦਾਂ ਦੇ ਹਵਾਲੇ ਨਾਲ ਕਿਹਾ ਜਾ ਰਿਹਾ ਹੈ ਕਿ ਕੈਮਿਲਾ ਚੱਟਾਨਾਂ ‘ਤੇ ਬੈਠ ਕੇ ਯੋਗਾ ਕਰ ਰਹੀ ਸੀ। ਉਹ ਯੋਗਾ ਕਰ ਰਹੀ ਸੀ ਕਿ ਅਚਾਨਕ ਤੇਜ਼ ਰਫ਼ਤਾਰ ਨਾਲ ਆ ਰਹੀਆਂ ਲਹਿਰਾਂ ਨਾਲ ਟਕਰਾ ਗਈ। ਆਸ-ਪਾਸ ਦੇ ਲੋਕਾਂ ਨੇ ਉਨ੍ਹਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਵਹਾਅ ਤੇਜ਼ ਹੋਣ ਕਾਰਨ ਉਨ੍ਹਾਂ ਨੂੰ ਬਚਾਇਆ ਨਹੀਂ ਜਾ ਸਕਿਆ।
ਕੈਮਿਲਾ ਦੀ ਮੌਤ ਤੋਂ ਬਾਅਦ ਉਸ ਨਾਲ ਵਾਪਰੀ ਦਰਦਨਾਕ ਘਟਨਾ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਕੈਮਿਲਾ ਯੋਗਾ ਮੈਟ ‘ਤੇ ਬੈਠੀ ਹੋਈ ਹੈ। ਕੁਝ ਸਮੇਂ ਬਾਅਦ, ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਉਹ ਤੇਜ਼ ਲਹਿਰਾਂ ਤੋਂ ਬਚਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਪਰ ਉਹ ਵਹਾਅ ਵਿੱਚ ਰੁੜ੍ਹ ਗਈ। ਕੈਮੀਲਾ ਲੰਬੇ ਸਮੇਂ ਤੱਕ ਲਹਿਰਾਂ ਦੇ ਵਿਰੁੱਧ ਸੰਘਰਸ਼ ਕਰਦੀ ਹੈ ਪਰ ਫਿਰ ਡੁੱਬ ਜਾਂਦੀ ਹੈ।
ਅਭਿਨੇਤਰੀ ਦੀ ਲਾਸ਼ ਘਟਨਾ ਵਾਲੀ ਥਾਂ ਤੋਂ ਕੁਝ ਕਿਲੋਮੀਟਰ ਦੂਰ ਮਿਲੀ। ਸਾਮੂਈ ਬਚਾਅ ਕੇਂਦਰ ਦੇ ਮੁਖੀ ਚੇਨਾਪੋਰਨ ਸੁਬਰਾਪ੍ਰਾਸਰਟ ਨੇ ਕਿਹਾ ਕਿ ਬੀਚ ‘ਤੇ ਕਈ ਥਾਵਾਂ ‘ਤੇ ਖਤਰੇ ਦੇ ਸੰਕੇਤ ਬਣਾਏ ਗਏ ਹਨ। ਥਾਂ-ਥਾਂ ਲੱਗੇ ਲਾਲ ਝੰਡੇ ਇਹ ਦਰਸਾਉਂਦੇ ਹਨ ਕਿ ਇਹ ਖ਼ਤਰਨਾਕ ਥਾਵਾਂ ਹਨ। ਜਿਸ ਸਥਾਨ ‘ਤੇ ਇਹ ਘਟਨਾ ਵਾਪਰੀ ਹੈ, ਉਥੇ ਚੇਤਾਵਨੀ ਵੀ ਲਗਾਈ ਗਈ ਹੈ। ਉਨ੍ਹਾਂ ਥਾਵਾਂ ‘ਤੇ ਤੈਰਾਕੀ ਅਤੇ ਹੋਰ ਗਤੀਵਿਧੀਆਂ ਦੀ ਮਨਾਹੀ ਹੈ।
ਉਹ ਥਾਂ ਜਿੱਥੇ ਉਸ ਦੀ ਮੌਤ ਹੋਈ, ਉਹ ਉਸ ਦੀ ਜ਼ਿੰਦਗੀ ਦੀ ਸਭ ਤੋਂ ਪਸੰਦੀਦਾ ਥਾਂ ਸੀ। ਕੈਮੀਲਾ ਨੇ ਆਪਣੀ ਮੌਤ ਤੋਂ ਕੁਝ ਘੰਟੇ ਪਹਿਲਾਂ ਇੱਕ ਸੋਸ਼ਲ ਮੀਡੀਆ ਪੋਸਟ ਕੀਤੀ ਸੀ। ਇਸ ਪੋਸਟ ‘ਚ ਉਨ੍ਹਾਂ ਨੇ ਆਪਣੀ ਮੌਤ ਦੇ ਸਥਾਨ ਨੂੰ ਦੁਨੀਆ ਦੀ ਸਭ ਤੋਂ ਖੂਬਸੂਰਤ ਜਗ੍ਹਾ ਦੱਸਿਆ ਸੀ।
