ਸ੍ਰੀ ਮੁਕਤਸਰ ਸਾਹਿਬ ਦੇ ਇੱਕ ਸਟਾਲ ‘ਤੇ ਆਂਡੇ ਵੇਚਣ ਵਾਲੇ ਨੂੰ ਕਾਰ ਮਾਲਕ ਬਿਨਾਂ ਪੈਸੇ ਦਿੱਤੇ ਫਰਾਰ ਹੋ ਗਿਆ। ਕਾਰ ਮਾਲਕ ਨੇ ਦੁਕਾਨ ਅੱਗੇ ਆਪਣੀ ਕਾਰ ਰੋਕ ਕੇ ਆਂਡੇ ਦੀਆਂ 6 ਟਰੇਆਂ ਲੈ ਲਈਆਂ ਪਰ ਉਸ ਦੇ ਪੈਸੇ ਨਹੀਂ ਦਿੱਤੇ। ਇਸ ਘਟਨਾ ਦੀ ਵੀਡੀਓ ਨੇੜੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਵੀਡੀਓ ਹੁਣ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਗਿੱਦੜਬਾਹਾ ਖੇਤਰ ਵਿੱਚ ਮੁਕਤਸਰ-ਬਠਿੰਡਾ ਮੁੱਖ ਸੜਕ ਤੇ ਪੈਂਦੇ ਪਿੰਡ ਭਲਾਈਆਣਾ ਵਿੱਚ ਇੱਕ ਵਿਅਕਤੀ ਸਟਾਲ ਲਗਾ ਕੇ ਦੇਸੀ ਅੰਡੇ ਵੇਚਦਾ ਹੈ। ਉਸ ਨੇ ਦੱਸਿਆ ਕਿ ਐਤਵਾਰ ਨੂੰ ਸ਼ਾਮ ਕਰੀਬ 7 ਵਜੇ ਕੁਝ ਵਿਅਕਤੀ ਇੱਕ ਕਾਰ ਵਿੱਚ ਆਏ।
ਇਕ ਵਿਅਕਤੀ ਉਸ ਤੋਂ ਹੇਠਾਂ ਉਤਰਿਆ ਅਤੇ ਆਂਡੇ ਦੀਆਂ 6 ਟਰੇਆਂ ਮੰਗੀਆਂ। ਆਂਡਿਆਂ ਦੀ ਟਰੇਅ ਆਪਣੀ ਕਾਰ ਵਿੱਚ ਰੱਖਣ ਤੋਂ ਬਾਅਦ ਉਹ ਬਿਨਾਂ ਪੈਸੇ ਦਿੱਤੇ ਉੱਥੋਂ ਕਾਰ ਵਿੱਚ ਬੈਠ ਕੇ ਫਰਾਰ ਹੋ ਗਏ।
ਜਦੋਂ ਸਟਾਲ ‘ਤੇ ਖੜ੍ਹਾ ਵਿਅਕਤੀ ਪੈਸੇ ਲੈਣ ਲਈ ਕਾਰ ਕੋਲ ਪਹੁੰਚਿਆ ਤਾਂ ਕਾਰ ਸਵਾਰਾਂ ਨੇ ਦੁਕਾਨਦਾਰ ਨੂੰ ਆਨਲਾਈਨ ਪੇਮੈਂਟ ਕਰਨ ਲਈ ਕਿਹਾ ਅਤੇ ਕੁਝ ਹੋਰ ਸਾਮਾਨ ਵੀ ਮੰਗ ਲਿਆ।
ਦੁਕਾਨਦਾਰ ਪਿੱਛੇ ਮੁੜਿਆ, QR ਕੋਡ ਲਿਆ ਅਤੇ ਕਾਰ ਵੱਲ ਵਧਿਆ, ਕੁਝ ਦੇਰ ਵਿੱਚ ਹੀ ਡਰਾਈਵਰ ਆਪਣੀ ਕਾਰ ਸਟਾਰਟ ਕਰਕੇ ਉੱਥੋਂ ਭੱਜ ਗਿਆ। ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।ਜਦੋਂ ਵੀਡੀਓ ਵਾਇਰਲ ਹੋਈ ਲੋਕਾਂ ਦੀਆਂ ਲਾਹਨਤਾਂ ਪਾਈਆ ਤਾਂ ਗੱਡੀ ਭਜਾਉਣ ਵਾਲੇ ਦਾ ਕਹਿਣਾ ਸੀ ਕਿ ਓਹਨਾ ਨੇ ਪੈਸੇ ਪਾਂ ਦਿੱਤੇ ਸਨ ਪਰ ਪੈਸੇ ਵਾਪਿਸ ਆ ਗਏ ਸਨ।
