ਬਠਿੰਡਾ ਦਾ ਮੋਚੀ ਕਰਦਾ ਸੀ ਪਾਕਿਸਤਾਨ ਲਈ ਜਾਸੂਸੀ, ਕੁੜੀ ਦੇ ਚੱਕਰ ‘ਚ ਹੋਇਆ ਗ੍ਰਿਫ਼ਤਾਰ
ਬਠਿੰਡਾ (ਵੀਓਪੀ ਬਿਊਰੋ) Punjab, bathinda, news ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਪਹਿਲਾਂ ਹੀ ਪਹਿਲਗਾਮ ਹਮਲੇ ਦੇ ਕਾਰਨ ਤਲਖੀ ਵਧੀ ਹੋਈ ਹੈ, ਉਸ ਤੋਂ ਉੱਪਰ ਵੀ ਹੋਰ ਹੋਰ ਖਬਰਾਂ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਹੁਣ ਭਾਰਤੀ ਫੌਜ ਨੇ ਬਠਿੰਡਾ ਦੇ ਸੁਨੀਲ ਕੁਮਾਰ ਨੂੰ ਫੜਿਆ ਜੋ ਪਾਕਿਸਤਾਨ ਲਈ ਜਾਸੂਸੀ ਕਰ ਰਿਹਾ ਸੀ।
ਬਠਿੰਡਾ ਵਿੱਚ ਮੋਚੀ ਦਾ ਕੰਮ ਕਰਨ ਵਾਲੇ ਸੁਨੀਲ ਕੁਮਾਰ ਨਾਮ ਦੇ ਇੱਕ ਵਿਅਕਤੀ ਨੂੰ ਫੌਜ ਦੀ ਜਾਸੂਸੀ ਕਰਨ ਦੇ ਦੋਸ਼ ਵਿੱਚ ਬਠਿੰਡਾ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਹ ਬਠਿੰਡਾ ਦੇ ਬੇਅੰਤ ਨਗਰ ਦਾ ਰਹਿਣ ਵਾਲਾ ਹੈ।
ਇਹ ਖੁਲਾਸਾ ਹੋਇਆ ਹੈ ਕਿ ਸੁਨੀਲ ਕੁਮਾਰ ਇੱਕ ਅਣਜਾਣ ਪਾਕਿਸਤਾਨੀ ਕੁੜੀ ਦੇ ਸੰਪਰਕ ਵਿੱਚ ਸੀ ਅਤੇ ਅਕਸਰ ਉਸ ਨਾਲ ਫ਼ੋਨ ‘ਤੇ ਗੱਲ ਕਰਦਾ ਸੀ।
ਉਸ ਵਿਰੁੱਧ ਬਠਿੰਡਾ ਪੁਲਿਸ ਸਟੇਸ਼ਨ ਕੈਂਟ ਵਿਖੇ ਧਾਰਾ 152 ਬੀਐਨਐਸ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ ਅਤੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
