𝙼𝙿 ਚੰਨੀ ਨੇ ਕੱਸਿਆ 𝙲𝙼 ਮਾਨ ‘ਤੇ ਤੰਜ, ਕਿਹਾ- ਕਰਜ਼ਾ ਲੈ ਲੈ ਪੰਜਾਬ ਨੂੰ ਕਰ’ਤਾ ਨੰਗ

𝙼𝙿 ਚੰਨੀ ਨੇ ਕੱਸਿਆ 𝙲𝙼 ਮਾਨ ‘ਤੇ ਤੰਜ, ਕਿਹਾ- ਕਰਜ਼ਾ ਲੈ ਲੈ ਪੰਜਾਬ ਨੂੰ ਕਰ’ਤਾ ਨੰਗ

ਜਲੰਧਰ (ਵੀਓਪੀ ਬਿਊਰੋ) ਪੰਜਾਬ ਸਰਕਾਰ ਵਿੱਤੀ ਐਮਰਜੈਂਸੀ ਵੱਲ ਵਧ ਰਹੀ ਹੈ ਤੇ ਕਰਜ਼ਾ ਲੈ ਲੈ ਕੇ ਪੰਜਾਬ ਨੂੰ ਲਗਾਤਾਰ ਕਰਜ਼ਾਈ ਬਣਾ ਰਹੀ ਹੈ।ਇਹ ਗੱਲ ਸਾਬਕਾ ਮੁੱਖ ਮੰਤਰੀ ਤੇ ਮੈਂਬਰ ਪਾਰਲੀਮੈਂਟ ਚਰਨਜੀਤ ਸਿੰਘ ਚੰਨੀ ਨੇ ਕਹੀ। ਚੰਨੀ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਵੱਖ ਵੱਖ ਵਿਭਾਗਾਂ ਨੂੰ ਪੱਤਰ ਜਾਰੀ ਕਰਕੇ ਸਾਰੇ ਫੰਡ ਵਾਪਸ ਮੰਗਵਾ ਲਏ ਹਨ ਜਦ ਕਿ ਸਰਕਾਰ ਇੱਕ ਹਜਾਰ ਕਰੋੜ ਰੁਪਏ ਦਾ ਹੋਰ ਕਰਜ਼ਾ ਲੈ ਰਹੀ ਹੈ।

ਉਨ੍ਹਾਂ ਕਿਹਾ ਕਿ ਪਹਿਲਾਂ ਤੋਂ ਆਰਥਿਕ ਕੰਗਾਲੀ ਵੱਲ ਵੱਧ ਰਹੇ ਪੰਜਾਬ ਦੇ ਸਿਰ ਹੋਰ ਕਰਜ਼ਾ ਚਾੜ੍ਹਿਆ ਜਾ ਰਿਹਾ ਹੈ ਤੇ ਪੰਜਾਬ ਦੀ ਆਰਥਿਕਤਾ ਨੂੰ ਖ਼ਤਮ ਕੀਤਾ ਜਾ ਰਿਹਾ ਹੈ। ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ ਕਿ ਪੰਜਾਬ ਵਿੱਚ ਆਰਥਿਕ ਐਮਰਜੈਂਸੀ ਵਰਗੇ ਹਾਲਾਤ ਬਣ ਚੁੱਕੇ ਹਨ, ਜਿਸਦੇ ਲਈ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਨਾਲ ਨਾਲ ਦਿੱਲੀ ਵਾਲੇ ਉਹ ਲੋਕ ਵੀ ਜਿੰਮੇਵਾਰ ਹਨ, ਜੋ ਸਰਕਾਰ ਨੂੰ ਚਲਾ ਰਹੇ ਹਨ।

ਉਹਨਾਂ ਕਿਹਾ ਕਿ ਸੂਬੇ ਦੇ ਵਿੱਤ ਪ੍ਰਿੰਸੀਪਲ ਸਕੱਤਰ ਵੱਲੋਂ ਵਿਭਾਗਾਂ ਤੋਂ ਪੇਸੇ ਵਾਪਸ ਮੰਗਣ ਦਾ ਜਾਰੀ ਕੀਤਾ ਗਿਆ ਅਜਿਹਾ ਪੱਤਰ ਪਹਿਲਾਂ ਕਦੇ ਸਾਹਮਣੇ ਨਹੀਂ ਆਇਆ।ਅਜਿਹਾ ਪੱਤਰ ਬੀਤੇ ਵਿੱਚ ਕਦੇ ਜਾਰੀ ਨਹੀਂ ਹੋਇਆ ਜਿਸ ਵਿੱਚ ਹਰੇਕ ਵਿਭਾਗ ਨੂੰ ਹਿਦਾਇਤ ਕੀਤੀ ਗਈ ਹੋਵੇ ਕਿ ਉਨਾਂ ਕੋਲ ਜਿੰਨਾਂ ਵੀ ਪੈਸਾ ਪਿਆ ਹੈ। ਉਹ ਪੰਜਾਬ ਸਰਕਾਰ ਦੇ ਵੱਖ ਵੱਖ ਹੈਡਾਂ /ਅਕਾਊਂਟੈਸ ਵਿੱਚ ਵਾਪਸ ਜਮਾਂ ਕਰਵਾਇਆ ਜਾਵੇ। ਇਸ ਪੱਤਰ ਤੋਂ ਸਪੱਸ਼ਟ ਹੈ ਕਿ ਪੰਜਾਬ ਸਰਕਾਰ ਦੇ ਖਜਾਨੇ ਦੇ ਹਾਲਾਤ ਵਿੱਤੀ ਐਮਰਜੈਂਸੀ ਦੇ ਸੰਕਟ ਵਾਲੇ ਬਣ ਗਏ ਹਨ।ਚੰਨੀ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਜਦੋਂ ਤੋਂ ਪੰਜਾਬ ਦੀ ਸੱਤਾ ਤੇ ਕਾਬਜ਼ ਹੋਈ ਹੈ ਉਦੋਂ ਤੋਂ ਹੀ ਲਗਾਤਾਰ ਕਰਜ਼ੇ ਲੈ ਕੇ ਸੂਬੇ ਨੁੰ ਚਲਾ ਰਹੀ ਹੈ ਜਦ ਕਿ ਸਰਕਾਰ ਵਿੱਚ ਸ਼ਾਮਲ ਨੇਤਾਵਾਂ ਸਮੇਤ ਦਿੱਲੀ ਤੋਂ ਸਰਕਾਰ ਚਲਾਉਣ ਵਾਲੇ ਨੇਤਾ ਇਹ ਪ੍ਰਚਾਰ ਕਰਦੇ ਸਨ ਕਿ ਉਹ ਪੰਜਾਬ ਨੂੰ ਆਰਥਿਕ ਪੱਖੋਂ ਮਜ਼ਬੂਤ ਬਣਾ ਦੇਣਗੇ।

ਉਹਨਾਂ ਕਿਹਾ ਕਿ ਮਾਈਨਿੰਗ ਸਮੇਤ ਹੋਰ ਵੱਖ ਵੱਖ ਵਸੀਲਿਆਂ ਤੋਂ ਕਰੋੜਾਂ ਰੁਪਏ ਪੰਜਾਬ ਦੇ ਖਜ਼ਾਨੇ ਵਿੱਚ ਭਰਨ ਦੇ ਦਾਵੇ ਕਰਨ ਵਾਲ ਇਹ ਨੇਤਾ ਅੱਜ ਪੰਜਾਬ ਦੇ ਖਜ਼ਾਨੇ ਨੂੰ ਖਾਲੀ ਗਏ ਹਨ ਤੇ ਪੰਜਾਬ ਨੂੰ ਲਗਾਤਾਰ ਕਰਜ਼ਾਈ ਬਣਾ ਰਹੇ ਹਨ।ਉਨਾ ਕਿਹਾ ਕਿ ਅਰਵਿੰਦ ਕੇਜਰੀਵਾਲ ਤੇ ਉਸਦੀ ਦਿੱਲੀ ਦੀ ਟੀਮ ਵਿੱਤੀ ਤੌਰ ‘ਤੇ ਪੰਜਾਬ ਨੂੰ ਬੇਪਰਵਾਹ ਹੋਕੇ ਦੋਵੇਂ ਹੱਥਾਂ ਨਾਲ ਲੁੱਟ ਰਹੇ ਹਨ।