ਲੱਗੇ ਰਹਿ ਗਏ ਟੈਂਟ, ਸਜਿਆ ਰਹਿ ਗਿਆ ਮੰਡਪ…ਪੁਲਿਸ ਨੇ ਲਾੜਾ ਲਿਆ ਚੱਕ
ਵੀਓਪੀ ਬਿਊਰੋ, ਤਰਨਤਾਰਨ-ਤਰਨਤਾਰਨ ਵਿਚ ਇਕ ਪਰਿਵਾਰ ਵੱਲੋਂ ਕੁੜੀ ਦੇ ਵਿਆਹ ਦੀਆਂ ਕੀਤੀਆਂ ਗਈਆਂ ਤਿਆਰੀਆਂ ਧਰੀਆਂ ਧਰਾਈਆਂ ਰਹਿ ਗਈਆਂ। ਪੁਲਿਸ ਨੇ ਲਾੜੇ ਦੇ ਨਾਲ ਨਾਲ ਉਸ ਦੇ ਪਰਿਵਾਰ ਨੂੰ ਵੀ ਚੱਕ ਲਿਆ। ਮਾਮਲੇ ਵਿਚ ਕੁੜੀ ਵਾਲਿਆਂ ਵੱਲੋਂ ਥਾਣੇ ਬਾਹਰ ਧਰਨਾ ਵੀ ਦਿੱਤਾ ਗਿਆ।
ਮਾਮਲਾ ਦਰਅਸਲ ਇਹ ਹੈ ਕਿ ਤਰਨਤਾਰਨ ਵਿਖੇ ਦੋ ਪਰਿਵਾਰਾਂ ਵਿਚ ਮੁੰਡੇ ਕੁੜੀ ਦਾ ਵਿਆਹ ਕਰਨ ਦਾ ਫੈਸਲਾ ਹੋਇਆ। ਕੁੜੀ ਵਾਲਿਆਂ ਵੱਲੋਂ ਮੁੰਡੇ ਨੂੰ ਸ਼ਗਨ ਤਕ ਲਾ ਦਿੱਤਾ ਗਿਆ। ਉਪਰੰਤ ਰਿਜ਼ੋਰਟ ਵਿਚ ਟੈਂਟ ਲੱਗ ਗਏ। ਮੰਡਪ ਸਜ ਗਿਆ। ਤਿਆਰੀਆਂ ਮੁਕੰਮਲ ਹੋ ਗਈਆਂ ਪਰ ਲਾੜਾ ਬਰਾਤ ਲੈ ਕੇ ਨਾ ਪੁੱਜਾ। ਮੁੰਡੇ ਵਾਲਿਆਂ ਵੱਲੋਂ ਦਾਜ ਵਿਚ ਗੱਡੀ ਦੀ ਮੰਗ ਕੀਤੀ ਜਾ ਰਹੀ ਸੀ।
ਬਰਾਤ ਨਾ ਪੁੱਜੀ ਤਾਂ ਕੁੜੀ ਵਾਲਿਆਂ ਵੱਲੋਂ ਕਿਸਾਨ ਸੰਘਰਸ਼ ਕਮੇਟੀ ਨਾਲ ਮਿਲ ਕੇ ਥਾਣਾ ਸਿਟੀ ਤਰਨਤਾਰਨ ਵਿਖੇ ਧਰਨਾ ਲਾ ਕੇ ਇਨਸਾਫ ਦੀ ਗੁਹਾਰ ਲਾਈ ਗਈ ਤਾਂ ਪੁਲਿਸ ਨੇ ਮਾਮਲਾ ਦਰਜ ਕਰ ਕੇ ਲਾੜੇ ਸਮੇਤ ਉਸ ਦੇ ਪਰਿਵਾਰ ਨੂੰ ਗ੍ਰਿਫ਼ਤਾਰ ਕਰ ਲਿਆ।
