‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਦੀ ਇਸ ਐਕਟਰਸ ਨੇ ਲਾਇਆ ਦੋਸ਼, ਕਹਿੰਦੀ- ਮੇਰੇ ਬੁੱਲਾਂ ਦੀ ਤਾਰੀਫ਼ ਕਰ ਕੇ ਕਹਿੰਦਾ ਸੀ ਬੜੇ ਲਾਲ ਨੇ, ਦਿਲ ਕਰਦਾ…
ਮੁੰਬਈ (ਵੀਓਪੀ ਬਿਊਰੋ) ਟੀਵੀ ਸੀਰੀਅਲ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਇਕ ਵਾਰ ਫਿਰ ਸੁਰਖੀਆਂ ‘ਚ ਹੈ। ਇਸ ਸੀਰੀਅਲ ‘ਚ ਮਿਸਿਜ਼ ਸੋਡੀ ਦਾ ਕਿਰਦਾਰ ਨਿਭਾਅ ਰਹੀ ਅਭਿਨੇਤਰੀ ਜੈਨੀਫਰ ਨੇ ਸ਼ੋਅ ਦੇ ਨਿਰਮਾਤਾ ਅਸਿਤ ਮੋਦੀ ‘ਤੇ ਯੌਨ ਸ਼ੋਸ਼ਣ ਦਾ ਦੋਸ਼ ਲਗਾਉਂਦੇ ਹੋਏ ਸਨਸਨੀਖੇਜ਼ ਖੁਲਾਸਾ ਕੀਤਾ ਹੈ। ਅਦਾਕਾਰਾ ਦਾ ਕਹਿਣਾ ਹੈ ਕਿ ਅਸਿਤ ਮੋਦੀ ਦੀਆਂ ਕੁਝ ਟਿੱਪਣੀਆਂ ਉਸ ਨੂੰ ਬੇਚੈਨ ਕਰਦੀਆਂ ਸਨ।
ਜੈਨੀਫਰ ਮੁਤਾਬਕ ਉਹ 2019 ‘ਚ ਤਾਰਕ ਮਹਿਤਾ ਦੀ ਟੀਮ ਦੀ ਸ਼ੂਟਿੰਗ ਲਈ ਸਿੰਗਾਪੁਰ ਗਈ ਸੀ, ਫਿਰ ਉਸ ਦਾ ਕਹਿਣਾ ਹੈ ਕਿ ਅਸਿਤ ਮੋਦੀ ਨੇ ਉਸ ਨੂੰ ਕਿਹਾ ਕਿ ਜੈਨੀਫਰ, ਤੇਰੇ ਬੁੱਲ੍ਹ ਬਹੁਤ ਚੰਗੇ ਲੱਗ ਰਹੇ ਹਨ, ਇਹ ਬਹੁਤ ਲਾਲ ਨੇ, ਲੱਗਦਾ ਹੈ ਕਿ ਮੈਂ ਇਨ੍ਹਾਂ ਨੂੰ ਚੁੰਮ ਲਵਾਂ, ਇਹ ਸੁਣ ਕੇ ਜੈਨੀਫਰ ਦੰਗ ਰਹਿ ਗਈ ਸੀ। ਅਦਾਕਾਰਾ ਨੇ ਟੀਮ ਨੂੰ ਪਹਿਲਾਂ ਹੀ ਦੱਸ ਦਿੱਤਾ ਸੀ ਕਿ ਮੈਨੂੰ ਵਿਆਹ ਦੀ ਵਰ੍ਹੇਗੰਢ ‘ਤੇ ਅੱਧੇ ਦਿਨ ਦੀ ਛੁੱਟੀ ਚਾਹੀਦੀ ਹੈ, ਮੇਰੀ ਬੇਟੀ ਵੀ ਹੋਲੀ ਲਈ ਮੇਰਾ ਇੰਤਜ਼ਾਰ ਕਰ ਰਹੀ ਸੀ, ਪਰ ਨਿਰਮਾਤਾਵਾਂ ਨੇ ਮੈਨੂੰ ਜਾਣ ਨਹੀਂ ਦਿੱਤਾ ਅਤੇ ਜਤਿਨ ਨੇ ਮੇਰੀ ਕਾਰ ਵੀ ਰੋਕ ਦਿੱਤੀ।
ਇਸ ਤੋਂ ਪਹਿਲਾਂ ਵਨੇਹਾ ਮਹਿਤਾ ਉਸ ਸਮੇਂ ਸੁਰਖੀਆਂ ਵਿੱਚ ਆਈ ਜਦੋਂ ਉਸਨੇ ਦੋਸ਼ ਲਾਇਆ ਸੀ ਕਿ ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ ਦੇ ਨਿਰਮਾਤਾਵਾਂ ਨੇ ਪਿਛਲੇ ਛੇ ਮਹੀਨਿਆਂ ਤੋਂ ਉਸਦੇ ਬਕਾਏ ਕਲੀਅਰ ਨਹੀਂ ਕੀਤੇ ਜੋ ਉਸਨੇ ਉਨ੍ਹਾਂ ਨਾਲ ਕੰਮ ਕੀਤਾ ਸੀ। ਅੰਜਲੀ ਮਹਿਤਾ ਦੀ ਭੂਮਿਕਾ ਨਿਭਾਉਣ ਵਾਲੀ ਅਦਾਕਾਰਾ ਨੇ 12 ਸਾਲਾਂ ਤੱਕ ਸ਼ੋਅ ਵਿੱਚ ਕੰਮ ਕਰਨ ਤੋਂ ਬਾਅਦ 2020 ਵਿੱਚ ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ ਛੱਡ ਦਿੱਤਾ ਸੀ। ਉਸ ਦੀ ਇੰਟਰਵਿਊ ਦੇ ਵਾਇਰਲ ਹੋਣ ਤੋਂ ਬਾਅਦ, ਪ੍ਰੋਡਕਸ਼ਨ ਹਾਊਸ ਨੇ ਉਸ ਦੇ ਦੋਸ਼ਾਂ ਦਾ ਖੰਡਨ ਕਰਨ ਲਈ ਇੱਕ ਬਿਆਨ ਜਾਰੀ ਕੀਤਾ ਸੀ।
