37 ਸਾਲ ਪਹਿਲਾਂ ਲਈ ਸੀ 2 ਰੁਪਏ ਦੀ ਰਿਸ਼ਵਤ, ਹੁਣ ਜਾ ਕੇ ਅਦਾਲਤ ਨੇ ਮੁਲਜ਼ਮਾਂ ਨੂੰ ਕਰ’ਤਾ ਬਰੀ
ਬਿਹਾਰ (ਵੀਓਪੀ ਬਿਊਰੋ) ਬਿਹਾਰ ਦੇ ਬੇਗੂਸਰਾਏ ਵਿੱਚ 37 ਸਾਲ ਪੁਰਾਣੇ ਇੱਕ ਮਾਮਲੇ ਵਿੱਚ ਵਿਜੀਲੈਂਸ ਅਦਾਲਤ ਨੇ ਆਖਰਕਾਰ ਪੰਜ ਪੁਲਿਸ ਮੁਲਾਜ਼ਮਾਂ ਨੂੰ ਬਰੀ ਕਰ ਦਿੱਤਾ ਹੈ। ਪੁਲਿਸ ਮੁਲਾਜ਼ਮਾਂ ’ਤੇ ਵਾਹਨ ਮਾਲਕਾਂ ਤੋਂ ਦੋ-ਦੋ ਰੁਪਏ ਦੀ ਵਸੂਲੀ ਕਰਨ ਦਾ ਦੋਸ਼ ਸੀ। ਐੱਸ.ਪੀ ਨੇ ਖੁਦ ਪੁਲਿਸ ਵਾਲਿਆਂ ਨੂੰ ਨੋਟ ਇਕੱਠੇ ਕਰਦੇ ਹੋਏ ਫੜ ਲਿਆ।
ਇਸ ਤੋਂ ਬਾਅਦ ਬੇਗੂਸਰਾਏ ਦੇ ਮੁਫਾਸਿਲ ਥਾਣੇ ‘ਚ ਪੁਲਿਸ ਕਰਮਚਾਰੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ। ਇਸ ਕੇਸ ਵਿੱਚ 37 ਸਾਲਾਂ ਬਾਅਦ ਫੈਸਲਾ ਆਇਆ ਹੈ ਅਤੇ ਭਾਗਲਪੁਰ ਦੀ ਵਿਜੀਲੈਂਸ ਅਦਾਲਤ ਨੇ ਸਾਰੇ ਮੁਲਜ਼ਮਾਂ ਨੂੰ ਬਰੀ ਕਰ ਦਿੱਤਾ ਹੈ। ਇਸ ਕੇਸ ਵਿੱਚ ਇਸਤਗਾਸਾ ਪੱਖ ਵੱਲੋਂ ਕੋਈ ਸਬੂਤ ਜਾਂ ਗਵਾਹ ਪੇਸ਼ ਨਹੀਂ ਕੀਤਾ ਜਾ ਸਕਿਆ। ਅਜਿਹਾ ਕੋਈ ਸਬੂਤ ਅਦਾਲਤ ਦੇ ਸਾਹਮਣੇ ਨਹੀਂ ਆਇਆ ਜੋ ਸਾਬਤ ਕਰ ਸਕੇ ਕਿ ਦੋਸ਼ੀ ਇਸ ਘਟਨਾ ਵਿਚ ਸ਼ਾਮਲ ਸੀ।
ਇਸ ਤੋਂ ਬਾਅਦ ਅਦਾਲਤ ਨੇ ਸਬੂਤਾਂ ਦੀ ਘਾਟ ਕਾਰਨ ਸਾਰੇ ਮੁਲਜ਼ਮਾਂ ਨੂੰ ਬਰੀ ਕਰ ਦਿੱਤਾ। ਇਸ ਮਾਮਲੇ ‘ਚ ਬਰੀ ਕੀਤੇ ਗਏ ਪੁਲਿਸ ਮੁਲਾਜ਼ਮ ਯੁਗੇਸ਼ਵਰ ਮਹਤੋ, ਕੈਲਾਸ਼ ਸ਼ਰਮਾ, ਰਾਮ ਬਾਲਕ ਰਾਏ, ਰਾਮਰਤਨ ਸ਼ਰਮਾ ਅਤੇ ਗਿਆਨੀ ਸ਼ੰਕਰ ਸਿੰਘ ਹਨ।
