ਧੀ ਦੇ ਵਿਆਹ ਦੌਰਾਨ ਪੁੱਜਣ ਹੀ ਵਾਲੀ ਸੀ ਬਰਾਤ ਕਿ ਪਿਤਾ ਦੀ ਹੋ ਗਈ ਦਰਦਨਾਕ ਮੌ+ਤ, ਰਿਸ਼ਤੇਦਾਰ ਸੋਚਣ ਲੱਗੇ, ਵਿਆਹ ਦੀ ਵਧਾਈ ਦੇਈਏ ਜਾਂ ਪ੍ਰਗਟਾਈਏ ਮੌਤ ਦਾ ਦੁੱਖ
ਵੀਓਪੀ ਬਿਊਰੋ, ਫਰੀਦਕੋਟ : ਘਰ ਵਿਚ ਧੀ ਦੇ ਵਿਆਹ ਦੌਰਾਨ ਪਿਤਾ ਦੀ ਦਰਦਨਾਕ ਮੌਤ ਹੋਣ ਦੀ ਖਬਰ ਸਾਹਮਣੇ ਆਈ ਹੈ। ਵਿਆਹ ਦੀਆਂ ਖੁਸ਼ੀਆਂ ਉਸ ਸਮੇਂ ਮਾਤਮ ‘ਚ ਬਦਲ ਗਈਆਂ, ਜਦੋਂ ਬਰਾਤ ਆਉਣ ਤੋਂ ਪਹਿਲਾਂ ਹੀ ਪਿਤਾ ਦੀ ਮੌ+ਤ ਹੋ ਗਈ।
ਇਹ ਘਟਨਾ ਫਰੀਦਕੋਟ ਦੀ ਬਾਜ਼ੀਗਰ ਬਸਤੀ ਦੀ ਹੈ। ਮੌਕੇ ‘ਤੇ ਪਹੁੰਚਿਆ ਹਰ ਕੋਈ ਸੋਚ ਰਿਹਾ ਸੀ ਕਿ ਪਰਿਵਾਰ ਨੂੰ ਵਿਆਹ ਦੀ ਵਧਾਈ ਦੇਈਏ ਜਾਂ ਪਿਤਾ ਦੀ ਮੌਤ ‘ਤੇ ਦੁੱਖ ਪ੍ਰਗਟ ਕਰੀਏ।ਜਾਣਕਾਰੀ ਅਨੁਸਾਰ ਮ੍ਰਿਤਕ ਗੁਰਨੇਕ ਸਿੰਘ (58) ਨੂੰ ਅਚਾਨਕ ਦਿਲ ਦਾ ਦੌਰਾ ਪੈ ਗਿਆ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਮ੍ਰਿਤਕ ਦੇ ਪੁੱਤਰ ਨੇ ਦੱਸਿਆ ਕਿ ਉਸ ਦੀ ਭੈਣ ਦਾ ਵਿਆਹ ਸਮਾਗਮ ਚੱਲ ਰਿਹਾ ਸੀ ਕਿ ਇਸ ਦੌਰਾਨ ਉਨ੍ਹਾਂ ਦੇ ਪਿਤਾ ਦੀ ਅਚਾਨਕ ਮੌ+ਤ ਹੋ ਗਈ। ਬਰਾਤ ਵੀ ਆਪਣੇ ਘਰੋਂ ਨਿਕਲ ਚੁੱਕੀ ਸੀ। ਇਸ ‘ਤੇ ਪਰਿਵਾਰਕ ਮੈਂਬਰਾਂ ਨੇ ਬੜੀ ਹਿੰਮਤ ਨਾਲ ਬੇਟੀ ਦਾ ਵਿਆਹ ਕਰਵਾਇਆ ਅਤੇ ਧੀ ਦੀ ਡੋਲੀ ਤੁਰਨ ਤੋਂ ਬਾਅਦ ਹੀ ਪਿਤਾ ਦਾ ਅੰਤਿਮ ਸਸਕਾਰ ਕੀਤਾ ਗਿਆ।
