ਚਲਦੀ ਸਕੂਟੀ ਨੂੰ ਲੱਗੀ ਅੱਗ, ਟੈਂਕੀ ਫਟਣ ਕਾਰਨ ਬੁਰੀ ਤਰ੍ਹਾਂ ਝੁਲਸ ਗਈ ਸਕੂਟੀ ਸਵਾਰ ਕੁੜੀ, ਹੋਈ ਮੌ+ਤ
ਵੀਓਪੀ ਬਿਊਰੋ, ਨੈਸ਼ਨਲ : ਚੱਲਦੀ ਸਕੂਟੀ ਨੂੰ ਅੱਗ ਲੱਗਣ ਕਾਰਨ ਇਸ ਉਤੇ ਸਵਾਰ ਕੁੜੀ ਦੀ ਸੜ ਕੇ ਮੌ+ਤ ਹੋ ਗਈ। ਉਹ ਉੱਤਰਾਖੰਡ ‘ਚ ਸੁਵਾਖੋਲੀ-ਭਵਾਨ ਨਗੁਣ ਮੋਟਰ ਮਾਰਗ ’ਤੇ ਭਵਾਨ ਦੇ ਨਜ਼ਦੀਕ ਸਕੂਟੀ ਉਤੇ ਜਾ ਰਹੀ ਸੀ ਕਿ ਹਾਦਸਾ ਵਾਪਰ ਗਿਆ। ਕੁੜੀ ਚਿਨਆਲੀਸੌੜ ਉੱਤਰਕਾਸ਼ੀ ਦੀ ਰਹਿਣ ਵਾਲੀ ਸੀ, ਜੋ ਦੇਹਰਾਦੂਨ ’ਚ ਰਹਿ ਕੇ ਫਾਰਮੇਸੀ ਦੀ ਪੜ੍ਹਾਈ ਕਰ ਰਹੀ ਸੀ।
ਪੁਲਿਸ ਮੁਤਾਬਕ ਸੋਮਵਾਰ ਚਿਨਆਲੀਸੌੜ ਉੱਤਰਕਾਸ਼ੀ ਵਾਸੀ 25 ਸਾਲਾ ਰੰਜਨਾ ਦੇਹਰਾਦੂਨ ਤੋਂ ਆਪਣੀ ਸਕੂਟੀ ’ਤੇ ਘਰ ਜਾ ਰਹੀ ਸੀ। ਸੁਵਾਖੋਲੀ-ਭਵਾਨ ਨਗੁਣ ਮੋਟਰ ਮਾਰਗ ’ਤੇ ਭਵਾਨ ਦੇ ਨਜ਼ਦੀਕ ਉਸ ਦੀ ਸਕੂਟੀ ’ਚ ਅਚਾਨਕ ਅੱਗ ਲੱਗ ਗਈ। ਥਤਯੂੜ ਦੇ ਥਾਣਾ ਇੰਚਾਰਜ ਸ਼ਾਂਤੀ ਪ੍ਰਸਾਦ ਚਮੋਲੀ ਨੇ ਕਿਹਾ ਕਿ ਲੜਕੀ ਸਕੂਟੀ ’ਚ ਹਲਕੀ ਅੱਗ ਲੱਗਣ ’ਤੇ ਇਸ ਨੂੰ ਸੜਕ ਕਿਨਾਰੇ ਖੜ੍ਹਾ ਕੇ ਦੇਖਣ ਲੱਗੀ ਤਾਂ ਅਚਾਨਕ ਪੈਟਰੋਲ ਦੀ ਟੈਂਕੀ ਫੱਟ ਗਈ ਤੇ ਕੁੜੀ ਬੁਰੀ ਤਰ੍ਹਾਂ ਨਾਲ ਝੁਲਸ ਗਈ। ਕੁੜੀ ਨੂੰ ਹਸਪਤਾਲ ਲੈ ਕੇ ਗਏ ਤਾਂ ਉਥੇ ਕੰਮ ਕਰ ਰਹੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿ+ਤਕ ਐਲਾਨ ਦਿੱਤਾ।
