ਜੋ ਕੰਮ ਛੇ ਸਾਲਾਂ ਵਿਚ ਪੁਲਿਸ ਨੇ ਨਾ ਕੀਤਾ, ਸੀਐਮ ਦੇ ਦਖਲ ਮਗਰੋਂ ਦੋ ਘੰਟਿਆਂ ਵਿਚ ਕਰਨਾ ਪਿਆ,
ਵੀਓਪੀ ਬਿਊਰੋ, ਪਟਿਆਲ਼ਾ- ਜੋ ਕੰਮ ਪੰਜਾਬ ਪੁਲਿਸ 6 ਸਾਲਾਂ ਵਿੱਚ ਨਹੀਂ ਕਰ ਸਕੀ, ਉਹ ਕੰਮ CM ਭਗਵੰਤ ਮਾਨ ਦੇ ਦਖਲ ਤੋਂ ਬਾਅਦ ਉਸੇ ਪੁਲਿਸ ਨੇ 2 ਘੰਟਿਆਂ ਵਿੱਚ ਕਰ ਦਿੱਤਾ ਹੈ। ਦਰਅਸਲ ਮਾਮਲਾ ਚੋਰੀ ਹੋਈ ਬਾਈਕ ਮਾਲਕ ਨੂੰ ਵਾਪਸ ਕਰਨ ਦਾ ਹੈ। ਸਾਲ 2017 ਵਿੱਚ ਅਵਤਾਰ ਸਿੰਘ ਵਾਸੀ ਖਮਾਣੋਂ ਦੀ ਬਾਈਕ ਬੱਸੀ ਪਠਾਣਾਂ ਤੋਂ ਚੋਰੀ ਹੋ ਗਈ ਸੀ। ਸਾਲ 2019 ਵਿੱਚ ਇਸ ਬਾਈਕ ਨੂੰ ਹੁਸ਼ਿਆਰਪੁਰ ਪੁਲਿਸ ਨੇ ਬਰਾਮਦ ਕਰ ਲਿਆ ਸੀ ਪਰ 6 ਸਾਲਾਂ ਵਿੱਚ ਵੀ ਇਹ ਬਾਈਕ ਮਾਲਕ ਤਕ ਨਹੀਂ ਪਹੁੰਚੀ।
ਕਈ ਸਾਲ ਇੱਧਰ-ਉੱਧਰ ਘੁੰਮਣ ਤੋਂ ਬਾਅਦ ਇਹ ਬਜ਼ੁਰਗ ਥੱਕ ਕੇ ਆਪਣੇ ਘਰ ਬੈਠ ਗਿਆ। ਬੀਤੀ 7 ਦਸੰਬਰ ਨੂੰ ਅਚਾਨਕ ਜਦੋਂ ਸੀਐਮ ਭਗਵੰਤ ਮਾਨ ਬੱਸੀ ਪਠਾਣਾਂ ਦੀ ਅਚਨਚੇਤ ਚੈਕਿੰਗ ਲਈ ਆਏ ਤਾਂ ਉਨ੍ਹਾਂ ਦੀ ਮੁਲਾਕਾਤ ਇਸ ਬਜ਼ੁਰਗ ਨਾਲ ਹੋਈ। ਬਜ਼ੁਰਗ ਨੇ ਆਪਣੀ ਕਹਾਣੀ ਸੁਣਾਈ। 2 ਘੰਟੇ ਬਾਅਦ ਉਸ ਨੂੰ ਫੋਨ ਆਇਆ ਤੇ ਬਾਈਕ ਵਾਪਸ ਦੇਣ ਲਈ ਕਿਹਾ ਗਿਆ। ਇੰਨਾਂ ਹੀ ਨਹੀਂ, ਛੇ ਸਾਲ ਥਾਣਿਆਂ ਦੇ ਗੇੜੇ ਮਾਰ ਕੇ ਥੱਕ ਚੁੱਕੇ ਜੋੜੇ ਨੂੰ ਉਨ੍ਹਾਂ ਦੀ ਬਾਈਕ ਦੇਣ ਲਈ ਪੁਲਿਸ ਘਰ ਤਕ ਆਈ। ਪੁਲਿਸ ਮੁਲਾਜ਼ਮ ਘਰ ਆ ਕੇ ਬਾਈਕ ਸੌਂਪ ਕੇ ਗਏ। ਬਾਈਕ ਮਿਲਣ ‘ਤੇ ਪਰਿਵਾਰ ‘ਚ ਖੁਸ਼ੀ ਦਾ ਮਾਹੌਲ ਹੈ।
ਉਨ੍ਹਾਂ ਕਿਹਾ ਕਿ ਅਜਿਹੇ ਮੁੱਖ ਮੰਤਰੀ ਦੀ ਲੋੜ ਹੈ ਜੋ ਤੁਰੰਤ ਕੰਮ ਕਰੇ। ਇੱਕ ਹੋਰ ਵਿਅਕਤੀ ਖੇਡ ਸਮਾਗਮ ਵਿੱਚ ਸਪੀਕਰ ਦੀ ਪ੍ਰਵਾਨਗੀ ਲਈ ਸ਼ਾਮ ਵੇਲੇ ਕੇਂਦਰ ਵਿੱਚ ਪਹੁੰਚਿਆ ਸੀ। ਜਿਸ ਨੂੰ ਮੁੱਖ ਮੰਤਰੀ ਨਾਲ ਮੁਲਾਕਾਤ ਤੋਂ ਬਾਅਦ ਮਨਜ਼ੂਰੀ ਮਿਲ ਗਈ ਹੈ।
