ਭਾਜਪਾ ਦੇ ਮੁੱਖ ਮੰਤਰੀ ਦਾ ਬੋਲਿਆ ਹੰਕਾਰ, ਅਖੇ- ਸ਼ੂਦਰਾਂ ਦਾ ਕੰਮ ਬ੍ਰਾਹਮਣਾਂ ਦੀ ਸੇਵਾ ਕਰਨਾ
ਅਸਾਮ (ਵੀਓਪੀ ਬਿਊਰੋ) ਅਸਾਮ ਦੇ ਮੁੱਖ ਮੰਤਰੀ ਹਿਮਾਂਤਾ ਬਿਸਵਾ ਸ਼ਰਮਾ ਨੇ ਵੀਰਵਾਰ (28 ਦਸੰਬਰ) ਨੂੰ ਇੰਸਟਾਗ੍ਰਾਮ ‘ਤੇ ਭਗਵਦ ਗੀਤਾ ਦੀ ਇੱਕ ਆਇਤ ਪੋਸਟ ਕੀਤੀ। ਇਸ ਵਿੱਚ ਲਿਖਿਆ ਸੀ- ਗੀਤਾ ਅਨੁਸਾਰ ਸ਼ੂਦਰਾਂ ਦਾ ਕਰਤੱਵ ਬਾਕੀ ਤਿੰਨ ਜਾਤਾਂ-ਬ੍ਰਾਹਮਣ, ਖੱਤਰੀ ਅਤੇ ਵੈਸ਼ ਦੀ ਸੇਵਾ ਕਰਨਾ ਹੈ।
ਅਸਾਮ ਵਿੱਚ ਭਾਜਪਾ ਦੀ ਸਰਕਾਰ ਹੈ ਅਤੇ ਅਜਿਹੇ ਵਿਚ ਭਾਜਪਾ ਵੱਲੋਂ ਆਏ ਅਜਿਹੇ ਬਿਆਨ ਕਰ ਕੇ ਵਿਰੋਧੀ ਇਸ ਬਿਆਨ ਦੀ ਕਾਫੀ ਆਲੋਚਨਾ ਕਰ ਰਹੇ ਹਨ। ਏਆਈਐਮਆਈਐਮ ਦੇ ਮੁਖੀ ਅਸਦੁਦੀਨ ਓਵੈਸੀ ਸਮੇਤ ਕਈ ਨੇਤਾਵਾਂ ਨੇ ਉਨ੍ਹਾਂ ਨੂੰ ਨਿਸ਼ਾਨਾ ਬਣਾਇਆ ਅਤੇ ਜਾਤੀ ਵੰਡ ਨੂੰ ਉਤਸ਼ਾਹਿਤ ਕਰਨ ਦਾ ਦੋਸ਼ ਲਗਾਇਆ।
ਵੀਰਵਾਰ ਰਾਤ ਨੂੰ, ਅਸਾਮ ਦੇ ਮੁੱਖ ਮੰਤਰੀ ਨੇ ਐਕਸ ‘ਤੇ ਇਕ ਹੋਰ ਪੋਸਟ ਕੀਤੀ. ਇਸ ਵਿੱਚ ਲਿਖਿਆ ਸੀ ਕਿ ਮੇਰੀ ਟੀਮ ਦੇ ਇੱਕ ਮੈਂਬਰ ਨੇ ਗੀਤਾ ਦੇ 18ਵੇਂ ਅਧਿਆਏ ਦੀ 44ਵੀਂ ਆਇਤ ਦਾ ਇੱਕ ਆਇਤ ਗਲਤ ਅਨੁਵਾਦ ਨਾਲ ਪੋਸਟ ਕੀਤਾ ਹੈ।
ਸੀਐਮ ਸ਼ਰਮਾ ਨੇ ਲਿਖਿਆ ਕਿ ਉਨ੍ਹਾਂ ਨੂੰ ਗਲਤੀ ਦਾ ਅਹਿਸਾਸ ਹੁੰਦੇ ਹੀ ਇਸ ਪੋਸਟ ਨੂੰ ਹਟਾ ਦਿੱਤਾ ਗਿਆ। ਜੇਕਰ ਕਿਸੇ ਨੂੰ ਠੇਸ ਪਹੁੰਚੀ ਹੈ ਤਾਂ ਮੈਂ ਦਿਲੋਂ ਮੁਆਫੀ ਮੰਗਦਾ ਹਾਂ।
