ਦੋਸਤਾਂ ਨਾਲ ਸ਼ਰਤ ਲਾ ਕੇ ਠੰਢ ‘ਚ ਨਹਾਉਣਾ ਗੱਭਰੂ ਨੂੰ ਪਿਆ ਮਹਿੰਗਾ, ਪਾਣੀ ਉੱਪਰ ਪਾਉਂਦੇ ਹੀ ਹੋ ਗਿਆ ਬੇਹੋਸ਼, ਸੰਗਰੂਰ ਤੋਂ ਸਾਹਮਣੇ ਆਇਆ ਮਾਮਲਾ
ਵੀਓਪੀ ਬਿਊਰੋ – ਸੰਗਰੂਰ ਦੇ ਭਵਾਨੀਗੜ੍ਹ ਨੇੜਲੇ ਇੱਕ ਪਿੰਡ ਤੋਂ ਅਨੌਖਾ ਹੀ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ ਨੌਜਵਾਨ ਨੂੰ ਠੰਢ ਵਿੱਚ ਨਹਾਉਣਾ ਮਹਿੰਗਾ ਪੈ ਗਿਆ ਹੈ ਅਤੇ ਇਸ ਸ਼ਰਤ ਕਾਰਨ ਉਸ ਨੂੰ ਹਸਪਤਾਲ ਦਾਖਲ ਕਰਵਾਉਣਾ ਪਿਆ।
ਦਰਅਸਲ ਇੱਥੇ ਇਕ ਨੌਜਵਾਨ ਨੇ ਆਪਣੇ ਦੋਸਤਾਂ ਨਾਲ ਸ਼ਰਤ ਲਗਾਈ ਹੋਈ ਸੀ ਕਿ ਉਹ ਸਵੇਰੇ ਉੱਠ ਕੇ ਠੰਢੇ ਪਾਣੀ ਨਾਲ ਨਹਾਵੇਗਾ।
ਸ਼ਰਤ ਇਹ ਸੀ ਕਿ ਨੌਜਵਾਨ ਰਾਤ ਭਰ ਬਾਹਰ ਰੱਖੇ ਠੰਢੇ ਪਾਣੀ ਨਾਲ ਸਵੇਰੇ ਦੇ ਸਮੇਂ ਨਹਾਵੇਗਾ ਅਤੇ ਫਿਰ ਨਹਾ ਕੇ ਭੰਗੜਾ ਪਾਵੇਗਾ। ਪਰ ਇਸ ਤਰ੍ਹਾਂ ਦੀ ਹਰਕਤ ਕਰਨ ਕਰ ਕੇ ਉਹ ਆਪਣੀ ਜਾਨ ਨੂੰ ਮੁਸੀਬਤ ਵਿੱਚ ਪਾ ਬੈਠਾ।
ਜਿਵੇਂ ਹੀ ਨੌਜਵਾਨ ਨੇ ਆਪਣੇ ਸਰੀਰ ਉੱਪਰ ਠੰਢਾ ਪਾਣੀ ਪਾਇਆ ਤਾਂ ਉਹ ਬੇਹੋਸ਼ ਹੋ ਗਿਆ।
ਬੋਹੇਸ਼ੀ ਦੀ ਹਾਲਤ ‘ਚ ਨੌਜਵਾਨ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਅਤੇ ਘਰ ਵਾਲਿਆਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ। ਡਾਕਟਰਾਂ ਨੇ ਕਿਹਾ ਕਿ ਫਿਲਹਾਲ ਨੌਜਵਾਨ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ ।
