Animal ਤੋਂ ਪਹਿਲਾਂ ਸੁਣਦਾ ਸੀ ਸਿੱਧੂ ਮੂਸੇਵਾਲਾ ਦੇ ਗੀਤ, ਤਾਂ ਹੀ ਇੰਨਾ ਜ਼ਬਰਦਸਤ ਪ੍ਰਫਾਰਮੈਂਸ ਦੇ ਸਕਿਆ: ਰਣਬੀਰ ਕਪੂਰ
ਵੀਓਪੀ ਬਿਊਰੋ – ਸੁਪਰਸਟਾਰ ਰਣਬੀਰ ਕਪੂਰ ਨੂੰ 69ਵੇਂ ਫਿਲਮਫੇਅਰ ਐਵਾਰਡਜ਼ ‘ਚ ਫਿਲਮ ‘Animal’ ਲਈ ਸਰਵੋਤਮ ਅਦਾਕਾਰ ਦਾ ਐਵਾਰਡ ਦਿੱਤਾ ਗਿਆ ਹੈ। ਹਾਲ ਹੀ ‘ਚ ਇਹ ਫਿਲਮ ਨੈੱਟਫਲਿਕਸ ‘ਤੇ ਰਿਲੀਜ਼ ਹੋਈ ਹੈ ਅਤੇ ਹੁਣ ਰਣਬੀਰ ਦੇ ਪ੍ਰਸ਼ੰਸਕ ਇਸ ਦੇ ਦੂਜੇ ਭਾਗ ਦਾ ਇੰਤਜ਼ਾਰ ਕਰ ਰਹੇ ਹਨ।
ਹਾਲ ਹੀ ‘ਚ ਇਕ ਇੰਟਰਵਿਊ ‘ਚ ਰਣਬੀਰ ਨੇ ਫਿਲਮ ਦੇ ਦੂਜੇ ਭਾਗ ਨਾਲ ਜੁੜੀਆਂ ਕੁਝ ਗੱਲਾਂ ਸਾਂਝੀਆਂ ਕੀਤੀਆਂ ਹਨ। ਅਭਿਨੇਤਾ ਨੇ ਨੈੱਟਫਲਿਕਸ ਇੰਡੀਆ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਕਿ ਫਿਲਮ ਦੇ ਨਿਰਮਾਣ ਦੌਰਾਨ ਵੀ ਕਿਸੇ ਨੂੰ ਇਸ ਦੀ ਕਹਾਣੀ ਬਾਰੇ ਪਤਾ ਨਹੀਂ ਸੀ।
ਇਸੇ ਇੰਟਰਵਿਊ ਦੌਰਾਨ ਰਣਬੀਰ ਕਪੂਰ ਨੇ ਦੱਸਿਆ ਕਿ ਐਨੀਮਲ ਫਿਲਮ ਵਿੱਚ ਪੰਜਾਬੀ ਸੰਗੀਤ ਹੀ ਵੱਧ ਹੈ। ਉਸ ਨੇ ਇਹ ਵੀ ਦਸਿਆ ਕਿ ਫਿਲਮ ਤੋਂ ਪਹਿਲਾਂ ਉਸਨੇ ਸਿੱਧੂ ਮੂਸੇ ਵਾਲਾ ਦੇ ਗੀਤ ਬਹੁਤ ਵੱਧ ਸੁਣੇ ਸਨ ਅਤੇ ਇਸ ਨਾਲ ਹੀ ਉਹ ਇੰਨੀ ਜਬਰਦਸਤ ਐਕਟਿੰਗ ਕਰ ਕੇ ਪ੍ਰਫਾਰਮੈਂਸ ਦੇ ਸਕਿਆ।
ਉਂਜ, ਉਸ ਨੇ ਮੈਨੂੰ ਇਸ ਦੇ ਦੂਜੇ ਭਾਗ ‘ਐਨੀਮਲ ਪਾਰਕ’ ਦੇ ਇਕ-ਦੋ ਦ੍ਰਿਸ਼ ਵੀ ਸੁਣਾਏ ਹਨ ਅਤੇ ਉਹ ਦ੍ਰਿਸ਼ ਬਹੁਤ ਰੋਮਾਂਚਕ ਹਨ। ਹੁਣ ਸੰਦੀਪ ਇਸ ਦੇ ਦੂਜੇ ਭਾਗ ਨੂੰ ਲੈ ਕੇ ਕਾਫੀ ਆਤਮਵਿਸ਼ਵਾਸ ਨਾਲ ਭਰੇ ਹੋਏ ਹਨ ਅਤੇ ਉਹ ਇਸ ਨੂੰ ਹੋਰ ਵੀ ਗੁੰਝਲਦਾਰ ਅਤੇ ਵੱਡੇ ਪੱਧਰ ‘ਤੇ ਡਾਰਕ ਬਣਾਉਣ ਜਾ ਰਹੇ ਹਨ।
