ਮੋਗਾ-ਕੋਟਕਪੂਰਾ ਬਾਈਪਾਸ ‘ਤੇ ਟੈਂਪੂ ਟਰੈਵਲਜ਼ ਤੇ ਟਰੈਕਟਰ-ਟਰਾਲੀ ਦੀ ਜ਼ਬਰਦਸਤ ਟੱਕਰ, 14 ਜਣੇ ਜ਼ਖਮੀ
ਵੀਓਪੀ ਬਿਊਰੋ – ਮੋਗਾ ਕੋਟਕਪੂਰਾ ਬਾਈਪਾਸ ‘ਤੇ ਟੈਂਪੂ ਟਰੈਵਲਜ਼ ਅਤੇ ਟਰੈਕਟਰ-ਟਰਾਲੀ ਦੀ ਆਪਸ ‘ਚ ਟੱਕਰ ਹੋ ਗਈ। ਹਾਦਸੇ ‘ਚ 13 ਤੋਂ 14 ਲੋਕ ਜ਼ਖਮੀ ਹੋ ਗਏ। ਇਸ ਦੌਰਾਨ ਟਰੈਕਟਰ ਟਰਾਲੀ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ।
ਜਾਣਕਾਰੀ ਅਨੁਸਾਰ ਐਸਬੀਐਸ ਨਗਰ ਤੋਂ 13-14 ਵਿਅਕਤੀ ਇੱਕ ਟੈਂਪੂ ਟਰੈਵਲਰ ਵਿੱਚ ਸਵਾਰ ਹੋ ਕੇ ਮੁਕਤਸਰ ਸਾਹਿਬ ਮੱਥਾ ਟੇਕਣ ਲਈ ਗਏ ਸਨ। ਸੋਮਵਾਰ ਸ਼ਾਮ ਨੂੰ ਮੁਕਤਸਰ ਤੋਂ ਵਾਪਸ ਐਸ.ਬੀ.ਐਸ.ਨਗਰ ਜਾ ਰਹੇ ਸਨ ਤਾਂ ਮੋਗਾ ਖੇਤਰ ਦੇ ਬਾਈਪਾਸ ‘ਤੇ ਅਚਾਨਕ ਹਾਦਸਾ ਵਾਪਰ ਗਿਆ।
