ਅਕਸਰ ਕਿਰਾਏ ਤੇ ਘਰ, ਜਾਂ ਫਿਰ ਹੋਰ ਜਰੂਰੀ ਵਸਤਾ ਮਿਲਦੀਆਂ ਇਹ ਸੁਣਿਆ ਹੋਵੇਗਾ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਹੁਣ ਤੁਹਾਡੀ ਪਰਸਨਲ ਜਰੂਰਤ ਵੀ ਕਿਰਾਏ ਤੇ ਹੀ ਪੂਰੀ ਹੋ ਸਕਦੀ ਹੈ ਹੁਣ ਕਿਰਾਏ ‘ਤੇ ‘ਗਰਲਫਰੈਂਡ’ ਦਾ ਆਫਰ ਵੀ ਸਾਹਮਣੇ ਆਇਆ ਹੈ। ਦਿੱਲੀ ਦੀ ਇੱਕ ਕੁੜੀ ਨੇ ਇੰਸਟਾਗ੍ਰਾਮ ‘ਤੇ ਰੇਟ ਲਿਸਟ ਦੇ ਨਾਲ ਇਸ ਆਫਰ ਨੂੰ ਪੋਸਟ ਕੀਤਾ ਹੈ। ਉਸ ਦੀ ਇਹ ਪੋਸਟ ਹੁਣ ਵਾਇਰਲ ਹੋ ਗਈ ਹੈ ਅਤੇ ਲੋਕ ਤਰ੍ਹਾਂ-ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ।
ਦਿਵਿਆ ਨਾਂ ਦੀ ਇਸ ਲੜਕੀ ਨੇ 1500 ਰੁਪਏ ਤੋਂ ਲੈ ਕੇ 10000 ਰੁਪਏ ਤੱਕ ਦੀਆਂ ਸਕੀਮਾਂ ਪੇਸ਼ ਕੀਤੀਆਂ ਹਨ। ਦਿਵਿਆ ਦਾ ਕਹਿਣਾ ਹੈ ਕਿ ਜੇਕਰ ਤੁਸੀਂ ਸਿੰਗਲ ਹੋ ਅਤੇ ਕਿਸੇ ਲੜਕੀ ਨਾਲ ਡੇਟ ‘ਤੇ ਜਾਣਾ ਚਾਹੁੰਦੇ ਹੋ, ਤਾਂ ਉਹ ਜਾਣ ਲਈ ਤਿਆਰ ਹੈ, ਤੁਹਾਨੂੰ ਬੱਸ ਇਸ ਦਾ ਕਿਰਾਇਆ ਅਦਾ ਕਰਨਾ ਹੋਵੇਗਾ। ਵਾਇਰਲ ਲੜਕੀ ਦੁਆਰਾ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ‘ਤੇ ਸ਼ੇਅਰ ਕੀਤੀ ਗਈ ਰੇਟ ਲਿਸਟ ਦੇ ਅਨੁਸਾਰ, ਇੱਕ ਕੌਫੀ ਡੇਟ ਲਈ ਤੁਹਾਨੂੰ 1500 ਰੁਪਏ ਦੇਣੇ ਪੈਣਗੇ, ਜਦੋਂ ਕਿ ਇੱਕ ਆਮ ਡੇਟ (ਡਿਨਰ ਅਤੇ ਫਿਲਮ) ਲਈ ਤੁਹਾਨੂੰ 2 ਹਜ਼ਾਰ ਰੁਪਏ ਦੇਣੇ ਹੋਣਗੇ। ਜੇਕਰ ਤੁਸੀਂ ਉਸ ਨੂੰ ਪਰਿਵਾਰ ਨਾਲ ਮਿਲਾਉਂਦੇ ਹੋ ਤਾਂ ਤੁਹਾਨੂੰ 3000 ਰੁਪਏ ਖਰਚ ਕਰਨੇ ਪੈਣਗੇ। ਜੇਕਰ ਤੁਸੀਂ ਕਿਸੇ ਵੀ ਸਮਾਗਮ ਵਿੱਚ ਸਾਥੀ ਨੂੰ ਲੈ ਕੇ ਜਾਣਾ ਚਾਹੁੰਦੇ ਹੋ ਤਾਂ ਇਹ 3500 ਰੁਪਏ ਹੈ। ਬਾਈਕ ਡੇਟ (ਹੱਥ ਫੜਨਾ ਆਦਿ) ਦਾ ਕਿਰਾਇਆ 4000 ਰੁਪਏ ਹੈ।
ਜੇਕਰ ਤੁਸੀਂ ਸੋਸ਼ਲ ਮੀਡੀਆ ‘ਤੇ ਡੇਟ ਦੀਆਂ ਤਸਵੀਰਾਂ ਪੋਸਟ ਕਰਦੇ ਹੋ ਤਾਂ ਤੁਹਾਨੂੰ 6,000 ਰੁਪਏ ਦੇਣੇ ਪੈਣਗੇ। ਐਡਵੈਂਚਰ ਡੇਟ ਲਈ ਕਿਰਾਇਆ 5,000 ਰੁਪਏ, ਘਰ ਵਿੱਚ ਇਕੱਠੇ ਖਾਣਾ ਬਣਾਉਣ ਲਈ 3,500 ਰੁਪਏ, ਸ਼ਾਪਿੰਗ ਡੇਟ ਲਈ 4,500 ਰੁਪਏ ਅਤੇ ਵੀਕੈਂਡ ‘ਤੇ ਦੋ ਦਿਨ ਇਕੱਠੇ ਘੁੰਮਣ ਲਈ 10,000 ਰੁਪਏ ਤੈਅ ਕੀਤੇ ਗਏ ਹਨ।
ਤਿੰਨ ਦਿਨ ਪਹਿਲਾਂ ਕੀਤੀ ਇਸ ਪੋਸਟ ‘ਤੇ ਲੋਕ ਤਰ੍ਹਾਂ-ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ। ਕੁਝ ਲੋਕਾਂ ਨੇ ਇਹ ਵੀ ਪੁੱਛਿਆ ਕਿ ਉਨ੍ਹਾਂ ਨੂੰ ਬਾਥਰੂਮ ਅਤੇ ਬਰਤਨ ਧੋਣ ਲਈ ਕਿੰਨਾ ਭੁਗਤਾਨ ਕਰਨਾ ਪਏਗਾ। ਇੰਸਟਾਗ੍ਰਾਮ ਤੋਂ ਇਲਾਵਾ ਐਕਸ ‘ਤੇ ਵੀ ਰੀਲ ਵਾਇਰਲ ਹੋਈ ਹੈ। ਕਈ ਲੋਕਾਂ ਨੇ ਘੁਟਾਲੇ ਦਾ ਖਦਸ਼ਾ ਜਤਾਇਆ ਜਦਕਿ ਕਈਆਂ ਨੇ ਇਸ ਨੂੰ ਹਨੀ ਟਰੈਪ ਦੱਸਿਆ।
