ਅਸੀਂ ਅਕਸਰ ਹੀ ਆਨਲਾਈਨ ਖਾਨ ਪੀਣ ਦੀਆਂ ਚੀਜ਼ਾਂ ਮੰਗਵਾ ਕੇ ਖਾਣਾ ਪਸੰਦ ਕਰਦੇ ਹਾਂ ਪਰ ਇਹ ਆਨਲਾਈਨ ਮੰਗਵਾਈਆਂ ਚੀਜ਼ਾਂ ਕਈ ਵਾਰ ਪਰੇਸ਼ਾਨੀ ਵੀ ਖੜੀ ਕਰ ਸਕਦੀਆਂ ਨੇਕੁਝ ਦਿਨ ਪਹਿਲਾ ਹੀ ਆਨਲਾਈਨ ਮੰਗਵਾਈ ਆਈਸਕਰੀਮ ਵਿੱਚੋਂ ਉੱਗਲੀ ਮਿਲਣ ਦੀ ਘਟਨਾ ਸਾਹਮਣੇ ਆਈ ਸੀ ਇਸ ਘਟਨਾ ਦੇ ਕੁਝ ਹੀ ਦਿਨ ਬਾਅਦ ਇੱਕ ਹੋਰ ਅਜਿਹੀ ਘਟਨਾ ਸਾਹਮਣੇ ਆਈ ਹੈ ਜਿਸਨੇ ਸਭ ਦੇ ਹੋਸ਼ ਉਡਾ ਦਿਤੇ ਨੇ ਇਸੇ ਤਰ੍ਹਾਂ ਦੀ ਘਟਨਾ ਹੋਈ ਹੈ ਨੋਇਡਾ ਦੀ ਰਹਿਣ ਵਾਲੀ ਇਕ ਔਰਤ ਨੇ ਇਕ ਕੰਪਨੀ ਤੋਂ ਵਨੀਲਾ ਫਲੇਵਰ ਵਾਲੀ ਆਈਸਕ੍ਰੀਮ ਮੰਗਵਾਈ। ਔਰਤ ਦਾ ਦਾਅਵਾ ਹੈ ਕਿ ਉਸ ਨੂੰ ਦਿੱਤੇ ਗਏ ਆਈਸਕ੍ਰੀਮ ਦੇ ਡੱਬੇ ਵਿੱਚ ਕੰਨਖਜੂਰਾ ਮਿਲਿਆ ਹੈ। ਮਹਿਲਾ ਨੇ ਸ਼ਨਿਚਰਵਾਰ ਨੂੰ ਇਸ ਬਾਰੇ ਸੋਸ਼ਲ ਮੀਡੀਆ ‘ਤੇ ਸਬੰਧਤ ਆਈਸਕ੍ਰੀਮ ਕੰਪਨੀ ਦੇ ਨਾਲ-ਨਾਲ ਹੋਰ ਏਜੰਸੀਆਂ ਨੂੰ ਸ਼ਿਕਾਇਤ ਕੀਤੀ ਹੈ।
ਦਰਅਸਲ ਨੋਇਡਾ ਸੈਕਟਰ-12 ‘ਚ ਰਹਿਣ ਵਾਲੀ ਇਕ ਔਰਤ ਨੇ ਦੱਸਿਆ ਕਿ ਸ਼ਨੀਵਾਰ ਨੂੰ ਉਸ ਦੇ ਬੱਚਿਆਂ ਨੇ ਆਈਸਕ੍ਰੀਮ ਖਾਣ ਦੀ ਜ਼ਿੱਦ ਕੀਤੀ। ਬਹੁਤ ਗਰਮੀ ਸੀ, ਇਸ ਲਈ ਉਸਨੇ ਇੱਕ ਔਨਲਾਈਨ ਡਿਲੀਵਰੀ ਸਾਈਟ ਰਾਹੀਂ ਇੱਕ ਕੰਪਨੀ ਦੀ ਵਨੀਲਾ ਮੈਜਿਕ ਆਈਸਕ੍ਰੀਮ 195 ਰੁਪਏ ਵਿੱਚ ਆਰਡਰ ਕੀਤੀ।
ਜਦੋਂ ਉਨ੍ਹਾਂ ਨੇ ਇਸ ਨੂੰ ਖੋਲ੍ਹਿਆ ਤਾਂ ਉਨ੍ਹਾਂ ਨੇ ਇਸ ਦੇ ਅੰਦਰ ਕੰਨਖਜੂਰਾ ਸੀ। ਇਹ ਦੇਖ ਕੇ ਉਹ ਬਹੁਤ ਘਬਰਾ ਗਈ। ਇਸ ਤੋਂ ਤੁਰੰਤ ਬਾਅਦ ਉਸ ਨੇ ਸਾਮਾਨ ਦੀ ਡਿਲੀਵਰੀ ਕਰਨ ਵਾਲੀ ਕੰਪਨੀ ਕੋਲ ਸ਼ਿਕਾਇਤ ਦਰਜ ਕਰਵਾਈ। ਜਿਸ ‘ਤੇ ਉਸ ਨੂੰ ਕੰਪਨੀ ਵੱਲੋਂ ਰੁਪਏ ਵਾਪਸ ਵੀ ਦਿੱਤੇ ਗਏ। ਪੀੜਤ ਔਰਤ ਨੇ ਆਈਸਕ੍ਰੀਮ ਦੇ ਡੱਬੇ ਦੀ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰ ਦਿੱਤੀ। ਜਿਸ ‘ਚ ਉਹ ਆਈਸਕ੍ਰੀਮ ਦੇ ਡੱਬੇ ‘ਚ ਕੰਨਖਜੂਰਾ ਦਿਖਾ ਰਹੀ ਹੈ।
