ਯੂਪੀ ਵਿੱਚ ਕਈ ਦਿਨਾਂ ਤੋਂ ਇੱਕ ਅਜੀਬ ਮਾਮਲਾ ਚਰਚਾ ਵਿੱਚ ਹੈ। ਫਤਿਹਪੁਰ ਜ਼ਿਲ੍ਹੇ ਦੇ ਰਹਿਣ ਵਾਲੇ ਇੱਕ ਨੌਜਵਾਨ ਨੂੰ ਇੱਕ ਸੱਪ ਵਾਰ-ਵਾਰ ਡੰਗ ਮਾਰ ਰਿਹਾ ਹੈ। ਇੱਕ ਨੌਜਵਾਨ ਨੂੰ 34 ਦਿਨਾਂ ‘ਚ 6 ਵਾਰ ਸੱਪ ਨੇ ਡੰਗ ਲਿਆ ਹੈ। ਇਕ ਹਫਤੇ ਬਾਅਦ ਸ਼ੁੱਕਰਵਾਰ ਨੂੰ ਇੱਕ ਵਾਰ ਫਿਰ ਸੱਪ ਨੇ ਉਸ ਨੂੰ ਡੰਗ ਲਿਆ। 7ਵੀਂ ਵਾਰ ਸੱਪ ਦੇ ਡੰਗਣ ਕਾਰਨ ਨੌਜਵਾਨ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਉਸ ਦਾ ਹਸਪਤਾਲ ‘ਚ ਇਲਾਜ ਚੱਲ ਰਿਹਾ ਹੈ। ਅਕਸਰ ਫਿਲਮਾਂ ਵਿੱਚ ਦੇਖਿਆ ਹੁੰਦਾ ਹੈ ਕਿ ਆਪਣਾ ਬਦਲਾ ਲੈਣ ਲਈ ਸੱਪ ਕਿਸੇ ਇਨਸਾਨ ਨੂੰ ਉਸ ਸਮੇਂ ਤੱਕ ਪਿੱਛਾ ਕਰਦਾ ਹੈ ਜਦੋਂ ਤੱਕ ਉਹ ਮਰ ਨਾ ਜਾਏ, ਪਰ ਅਸੀਂ ਤੁਹਾਨੁੰ ਫਿਲਮਾਂ ਦੀ ਨਹੀਂ ਅਸਲੀ ਕਹਾਣੀ ਸੁਣਾਉਂਣ ਜਾ ਰਹੇ ਹਾਂ ਜਿਸ ਵਿਚ ਇਕ ਨੌਜਵਾਨ ਨੂੰ ਸੱਪ ਵਾਰ-ਵਾਰ ਦੁਸ਼ਮਣੀ ਕੱਢਣ ਲਈ ਡੱਸ ਰਿਹਾ ਹੈ ਅਤੇ ਹਰ ਵਾਰ ਉਹ ਨੌਜਵਾਨ ਬਚ ਜਾਂਦਾ ਹੈ।
ਨੌਜਵਾਨ ਵਿਕਾਸ ਦਿਵੇਦੀ ਹੈ, ਜੋ ਫਤਿਹਪੁਰ ਜ਼ਿਲ੍ਹੇ ਦੇ ਮਾਲਵਾਨ ਥਾਣਾ ਖੇਤਰ ਦੇ ਪਿੰਡ ਸੌਰਾ ਦਾ ਰਹਿਣ ਵਾਲਾ ਹੈ। ਹਰ ਵਾਰ ਸੱਪ ਦੇ ਡੰਗਣ ‘ਤੇ ਵਿਕਾਸ ਨੂੰ ਗੰਭੀਰ ਹਾਲਤ ‘ਚ ਹਸਪਤਾਲ ਦਾਖਲ ਕਰਵਾਇਆ ਜਾਂਦਾ ਹੈ ਅਤੇ ਇਲਾਜ ਤੋਂ ਬਾਅਦ ਉਹ ਠੀਕ ਹੋ ਕੇ ਘਰ ਚਲਾ ਜਾਂਦਾ ਹੈ। ਜਦੋਂ ਵਿਕਾਸ ਨੂੰ ਛੇਵੀਂ ਵਾਰ ਸੱਪ ਨੇ ਡੰਗਿਆ ਤਾਂ ਉਸ ਨੇ ਆਪਣੇ ਸੁਪਨੇ ਬਾਰੇ ਦੱਸਿਆ। ਉਸਦਾ ਦਾਅਵਾ ਹੈ ਕਿ ਉਸ ਨੇ ਆਪਣੇ ਸੁਪਨੇ ਵਿੱਚ ਉਹੀ ਸੱਪ ਦੇਖਿਆ ਸੀ, ਕਿ ਸੱਪ ਉਸਨੂੰ 9 ਵਾਰ ਡੰਗੇਗਾ ਅਤੇ 9ਵੀਂ ਵਾਰ ਉਸਨੂੰ ਕੋਈ ਨਹੀਂ ਬਚਾ ਸਕੇਗਾ।
ਦੱਸ ਦਈਏ ਕਿ ਜਦੋਂ ਵੀ ਵਿਕਾਸ ਨੂੰ ਸੱਪ ਨੇ ਡੰਗ ਮਾਰਦਾ ਹੈ ਤਾਂ ਉਸ ਦੇ ਪਰਿਵਾਰ ਵਾਲੇ ਉਸ ਨੂੰ ਨਿੱਜੀ ਹਸਪਤਾਲ ‘ਚ ਦਾਖਲ ਕਰਵਾਉਂਦੇ ਹਨ। ਵਿਕਾਸ ਦਾ ਦਾਅਵਾ ਹੈ ਕਿ ਜਦੋਂ ਵੀ ਉਸ ਨੂੰ ਸੱਪ ਨੇ ਡੰਗਿਆ ਹੈ, ਉਹ ਸ਼ਨੀਵਾਰ ਜਾਂ ਐਤਵਾਰ ਰਿਹਾ ਹੈ। ਸੱਪ ਦੇ ਡੰਗਣ ਤੋਂ ਪਹਿਲਾਂ ਉਸ ਨੂੰ ਅਹਿਸਾਸ ਹੁੰਦਾ ਹੈ ਕਿ ਉਸ ਨਾਲ ਕੁਝ ਹੋਣ ਵਾਲਾ ਹੈ।ਵਿਕਾਸ ਦਾ ਇਲਾਜ ਕਰ ਰਹੇ ਡਾਕਟਰ ਵੀ ਇਸ ਘਟਨਾ ਤੋਂ ਹੈਰਾਨ ਹਨ। ਕਿਹਾ ਜਾਂਦਾ ਹੈ ਕਿ ਉਸ ਨੂੰ ਵਾਰ-ਵਾਰ ਉਹੀ ਦਵਾਈ ਦਿੱਤੀ ਜਾਂਦੀ ਹੈ ਅਤੇ ਉਹ ਠੀਕ ਹੋ ਜਾਂਦਾ ਹੈ। ਪਰ ਵਾਰ-ਵਾਰ ਸੱਪ ਦੇ ਡੰਗਣ ਦੀ ਘਟਨਾ ਸੱਚਮੁੱਚ ਹੈਰਾਨੀਜਨਕ ਹੈ।
