NDRF ਨੇ ਬਾਂਦੀਕੁਈ, ਦੌਸਾ ਵਿੱਚ ਇੱਕ ਬੋਰਵੈੱਲ ਦੇ ਕੋਲ ਇੱਕ ਟੋਏ ਵਿੱਚ ਫਸੀ 2 ਸਾਲ ਦੀ ਮਾਸੂਮ ਬੱਚੀ ਨੂੰ ਕਰੀਬ 17 ਘੰਟਿਆਂ ਤੱਕ ਸੁਰੰਗ ਪੁੱਟ ਕੇ ਸੁਰੱਖਿਅਤ ਬਾਹਰ ਕੱਢ ਲਿਆ ਹੈ। ਬੁੱਧਵਾਰ ਸ਼ਾਮ 5 ਵਜੇ ਟੋਏ ‘ਚ ਡਿੱਗੀ ਬੱਚੀ ਨੂੰ ਵੀਰਵਾਰ ਸਵੇਰੇ ਕਰੀਬ 10.10 ਵਜੇ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਬੱਚੀ ਨੂੰ ਬਚਾਉਣ ਲਈ ਐਨਡੀਆਰਐਫ ਦੀਆਂ ਟੀਮਾਂ 12 ਘੰਟੇ ਤੱਕ ਲਗਾਤਾਰ ਪੁੱਟਦੀਆਂ ਰਹੀਆਂ।
ਇਸ ਤੋਂ ਬਾਅਦ ਅੱਜ ਸਵੇਰੇ ਟੀਮ ਪਾਈਪ ਰਾਹੀਂ ਲੜਕੀ ਤੱਕ ਪਹੁੰਚੀ। ਟੀਮਾਂ ਨੇ ਜਿਵੇਂ ਹੀ ਨੀਰੂ ਗੁਰਜਰ (2) ਨੂੰ ਬਾਹਰ ਕੱਢਿਆ ਤਾਂ ਪੂਰਾ ਇਲਾਕਾ ਵੰਦੇ ਮਾਤਰਮ ਦੇ ਨਾਅਰਿਆਂ ਨਾਲ ਗੂੰਜ ਉੱਠਿਆ। ਮਾਸੂਮ ਬੱਚੀ ਨੂੰ ਬਾਂਦੀਕੁਈ ਹਸਪਤਾਲ ਲਿਜਾਇਆ ਗਿਆ ਹੈ। ਫਿਲਹਾਲ ਉਸ ਦੀ ਹਾਲਤ ਠੀਕ ਦੱਸੀ ਜਾ ਰਹੀ ਹੈ।ਇਹ ਹਾਦਸਾ ਬੁੱਧਵਾਰ ਸ਼ਾਮ ਕਰੀਬ 5 ਵਜੇ ਜੋਧਪੁਰੀਆ ਪਿੰਡ ‘ਚ ਵਾਪਰਿਆ। ਇੱਥੇ ਖੇਤ ‘ਚ ਖੇਡਦੇ ਸਮੇਂ ਮਾਸੂਮ ਬੱਚੀ ਕਰੀਬ 35 ਫੁੱਟ ਡੂੰਘੇ ਟੋਏ ‘ਚ ਡਿੱਗ ਗਈ ਸੀ।
