Viral Video… ਦੋਸਤਾਂ ਨਾਲ ਪਟਾਕੇ ‘ਤੇ ਬੈਠਣ ਦੀ ਲਾ ਲਈ ਸ਼ਰਤ, ਧਮਾਕੇ ਤੋਂ ਬਾਅਦ ਮੌ××ਤ
https://x.com/vishaltiwari89/status/1853397875566272831?t=_kS5bFqmwL2lTNpYNBvkgA&s=19
ਵੀਓਪੀ ਬਿਊਰੋ – ਬੈਂਗਲੁਰੂ ‘ਚ ਦਿਲ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਪਟਾਕਿਆਂ ਦੇ ਡੱਬੇ ‘ਤੇ ਬੈਠਣ ਤੋਂ ਬਾਅਦ ਹੋਏ ਧਮਾਕੇ ‘ਚ 32 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ। ਪੁਲਿਸ ਮੁਤਾਬਕ ਪੀੜਤ ਦੇ ਦੋਸਤਾਂ ਨੇ ਸ਼ਰਤ ਰੱਖੀ ਸੀ ਕਿ ਜੇਕਰ ਉਹ ਪਟਾਕਿਆਂ ਦੇ ਡੱਬਿਆਂ ਦੇ ਉੱਪਰ ਬੈਠਦਾ ਹੈ ਤਾਂ ਉਹ ਉਸ ਨੂੰ ਆਟੋਰਿਕਸ਼ਾ ਖਰੀਦ ਕੇ ਦੇਣਗੇ।
ਇਸ ਘਟਨਾ ਦੀ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ। ਪੁਲਿਸ ਮੁਤਾਬਕ ਮ੍ਰਿਤਕ ਦੀ ਪਛਾਣ 32 ਸਾਲਾ ਸ਼ਬਰਿਸ਼ ਵਜੋਂ ਹੋਈ ਹੈ। 31 ਅਕਤੂਬਰ ਨੂੰ ਸ਼ਬਰਿਸ਼ ਅਤੇ ਉਸਦੇ ਦੋਸਤਾਂ ਨਾਲ ਦੀਵਾਲੀ ਮਨਾ ਰਿਹਾ ਸੀ ਅਤੇ ਕਥਿਤ ਤੌਰ ‘ਤੇ ਸ਼ਰਾਬ ਪੀ ਰਿਹਾ ਸੀ। ਸ਼ਬਰਿਸ਼ ਦੇ ਦੋਸਤਾਂ ਨੇ ਉਸ ਨੂੰ ਪਟਾਕਿਆਂ ਦੇ ਡੱਬੇ ‘ਤੇ ਬੈਠਣ ਦੀ ਚੁਣੌਤੀ ਦਿੱਤੀ। ਉਸ ਨੂੰ ਕਿਹਾ ਕਿ ਜੇਕਰ ਉਹ ਇਹ ਬਾਜ਼ੀ ਜਿੱਤ ਜਾਂਦਾ ਹੈ ਤਾਂ ਉਹ ਉਸ ਨੂੰ ਇਨਾਮ ਵਜੋਂ ਇੱਕ ਆਟੋਰਿਕਸ਼ਾ ਖਰੀਦ ਕੇ ਦੇਣਗੇ। ਬੇਰੁਜ਼ਗਾਰ ਸ਼ਬਰਿਸ਼ ਨੇ ਇਸ ਚੁਣੌਤੀ ਨੂੰ ਸਵੀਕਾਰ ਕਰ ਲਿਆ।
ਇਲਾਕੇ ਦੇ ਸੀਸੀਟੀਵੀ ਫੁਟੇਜ ਵਿੱਚ ਸ਼ਬਰਿਸ਼ ਦੇ ਦੋਸਤ ਪਟਾਕੇ ਦੇ ਡੱਬੇ ਨੂੰ ਅੱਗ ਲਾਉਣ ਤੋਂ ਬਾਅਦ ਉਥੋਂ ਭੱਜਦੇ ਨਜ਼ਰ ਆ ਰਹੇ ਹਨ। ਵੀਡੀਓ ‘ਚ ਅੱਗੇ ਦੇਖਿਆ ਜਾ ਸਕਦਾ ਹੈ ਕਿ ਡੱਬਾ ਫਟ ਗਿਆ ਅਤੇ ਸ਼ਬਰਿਸ਼ ਜ਼ਮੀਨ ‘ਤੇ ਡਿੱਗ ਕੇ ਬੇਹੋਸ਼ ਹੋ ਗਿਆ। ਇਸ ਦੌਰਾਨ ਉਸ ਦੇ ਦੋਸਤਾਂ ਨੇ ਉਸ ਨੂੰ ਘੇਰ ਲਿਆ। ਉਹ ਗੰਭੀਰ ਜ਼ਖਮੀ ਹੋ ਗਿਆ ਅਤੇ ਉਸਦੇ ਦੋਸਤ ਉਸਨੂੰ ਹਸਪਤਾਲ ਲੈ ਗਏ। ਹਾਲਾਂਕਿ, ਸ਼ਬਰਿਸ਼ ਬਚ ਨਹੀਂ ਸਕਿਆ ਅਤੇ 2 ਨਵੰਬਰ ਨੂੰ ਉਸ ਦੀ ਮੌਤ ਹੋ ਗਈ। ਪੁਲਿਸ ਨੇ ਸ਼ਬਰਿਸ਼ ਦੀ ਮੌਤ ਦੇ ਸਬੰਧ ਵਿਚ ਛੇ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਉਨ੍ਹਾਂ ‘ਤੇ ਕਤਲ ਦਾ ਦੋਸ਼ ਲਗਾਇਆ ਹੈ।
