ਗੈਰੀ ਸੰਧੂ ਨੇ ਦਰਸ਼ਕਾਂ ਨੂੰ ਦਿਖਾਈ ਮਿਡਲ ਫਿੰਗਰ, ਅਗਲੇ ਨੇ ਸਟੇਜ ‘ਤੇ ਚੜ੍ਹ ਕੇ ਮਾਰੇ ਥੱਪੜ
ਵੀਓਪੀ ਬਿਊਰੋ- ਪੰਜਾਬੀ ਕਲਾਕਾਰ ਗੈਰੀ ਸੰਧੂ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਦਰਅਸਲ, ਹਾਲ ਹੀ ‘ਚ ਆਸਟ੍ਰੇਲੀਆ ‘ਚ ਲਾਈਵ ਸ਼ੋਅ ਦੌਰਾਨ ਹੋਈ ਤਕਰਾਰ ਤੋਂ ਬਾਅਦ ਗੈਰੀ ਸੰਧੂ ‘ਤੇ ਇਕ ਵਿਅਕਤੀ ਨੇ ਹਮਲਾ ਕਰ ਦਿੱਤਾ ਸੀ। ਇਸ ਵੀਡੀਓ ਨੂੰ ਦੇਖ ਕੇ ਉਸਦੇ ਪ੍ਰਸ਼ੰਸਕ ਬਹੁਤ ਦੁਖੀ ਹਨ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਦੀਆਂ ਪ੍ਰਤੀਕਿਰਿਆਵਾਂ ਵੀ ਸਾਹਮਣੇ ਆ ਰਹੀਆਂ ਹਨ।
ਹਾਲਾਂਕਿ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋ ਸਕੀ ਹੈ ਕਿ ਇਹ ਹਮਲਾ ਹੈ ਜਾਂ ਪ੍ਰਸ਼ੰਸਕਾਂ ਵੱਲੋਂ ਜੱਫੀ ਪਾਉਣ ਦੀ ਕੋਸ਼ਿਸ਼। ਇਸ ਵੀਡੀਓ ਨੂੰ ਇਕ ਇੰਸਟਾਗ੍ਰਾਮ ਹੈਂਡਲ ‘ਤੇ ਸ਼ੇਅਰ ਕੀਤਾ ਗਿਆ ਹੈ। ਜਿਸ ਕਾਰਨ ਹਰ ਪਾਸੇ ਦਹਿਸ਼ਤ ਦਾ ਮਾਹੌਲ ਹੈ। ਨਿਊ ਸਾਊਥ ਵੇਲਜ਼ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਦੋਸ਼ੀ ਨੂੰ ਤੁਰੰਤ ਗ੍ਰਿਫਤਾਰ ਕਰ ਲਿਆ। ਇਸ ਘਟਨਾ ਬਾਰੇ ਨਾ ਤਾਂ ਕਲਾਕਾਰ ਅਤੇ ਨਾ ਹੀ ਉਨ੍ਹਾਂ ਦੀ ਟੀਮ ਨੇ ਅਜੇ ਤੱਕ ਕੋਈ ਬਿਆਨ ਦਿੱਤਾ ਹੈ।
ਦਰਅਸਲ ਇੱਕ ਸ਼ੋ ਦੌਰਾਨ ਗੈਰੀ ਸੰਧੂ ਜਦ ਸਟੇਜ ‘ਤੇ ਪਰਫੋਰਮ ਕਰ ਰਹੇ ਹੁੰਦੇ ਹਨ ਤਾਂ ਇੱਕ ਦਰਸ਼ਕ ਉਹਨਾਂ ਬਾਰੇ ਕੁਝ ਟਿੱਪਣੀ ਕਰਦਾ ਹੈ ਤਾਂ ਇਸ ਦੇ ਜਵਾਬ ਵਿੱਚ ਕਲਾਕਾਰ ਗੈਰੀ ਸੰਧੂ ਵੀ ਉਸ ਨੂੰ ਰਿਪਲਾਈ ਕਰਦਾ ਹੋਇਆ ਗਾਣਾ ਗਾਉਂਦਾ ਹੈ। ਪਰ ਇਸੇ ਦੌਰਾਨ ਹੀ ਗੈਰੀ ਸੰਧੂ ਦਰਸ਼ਕਾਂ ਵੱਲ ਆਪਣੀ ਮਿਡਲ ਫਿੰਗਰ ਵੀ ਕਰਕੇ ਦਿਖਾਉਂਦਾ ਹੈ। ਇਸ ਤੋਂ ਬਾਅਦ ਜੋ ਵੀਡੀਓ ਨਾਲ ਚਲਦੀ ਹੈ ਉਸ ਵਿੱਚ ਇੱਕ ਦਰਸ਼ਕ ਸਟੇਜ ‘ਤੇ ਆ ਕੇ ਗੈਰੀ ਸੰਧੂ ਨੂੰ ਗਲੇ ਤੋਂ ਫੜਿਆ ਦਿਖਾਈ ਦਿੰਦਾ ਹੈ ਜਿਸ ਨੂੰ ਬਾਅਦ ਕੀ ਸੁਰੱਖਿਆ ਕਰਮਚਾਰੀ ਫੜ ਕੇ ਦੂਰ ਲਏ ਜਾਂਦੇ ਹਨ।
