ਪ੍ਰੇਮਿਕਾ ਦਾ ਕ+ਤ+ਲ ਕਰਕੇ ਲਾਸ਼ ਫਰਿੱਜ ‘ਚ ਬੰਦ ਕਰ ਗਿਆ ਪ੍ਰੇਮੀ, 10 ਮਹੀਨੇ ਬਾਅਦ ਖੁੱਲ੍ਹਿਆ ਭੇੇਦ
Love, murder, crime
ਵੀਓਪੀ ਬਿਊਰੋ – ਮੱਧ ਪ੍ਰਦੇਸ਼ ਦੇ ਦੇਵਾਸ ਵਿਖੇ ਵਰਿੰਦਾਵਨ ਧਾਮ ਕਾਲੋਨੀ ‘ਚ ਇਕ ਘਰ ਦੇ ਫਰਿੱਜ ‘ਚੋਂ ਇਕ ਔਰਤ ਦੀ ਲਾਸ਼ ਬਰਾਮਦ ਹੋਈ ਹੈ। ਪੁਲਿਸ ਨੇ ਤੁਰੰਤ ਕਾਰਵਾਈ ਕਰਦੇ ਹੋਏ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਮੁਲਜ਼ਮ ਦਾ ਨਾਂ ਸੰਜੇ ਪਾਟੀਦਾਰ ਹੈ, ਜਦਕਿ ਮ੍ਰਿਤਕ ਦੀ ਪਛਾਣ ਪਿੰਕੀ ਉਰਫ ਪ੍ਰਤਿਭਾ ਪ੍ਰਜਾਪਤੀ ਵਜੋਂ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੰਜੇ ਅਤੇ ਪਿੰਕੀ 5 ਸਾਲ ਤੋਂ ਰਿਲੇਸ਼ਨਸ਼ਿਪ ‘ਚ ਸਨ।
ਪਿੰਕੀ ਸੰਜੇ ‘ਤੇ ਵਿਆਹ ਲਈ ਦਬਾਅ ਬਣਾ ਰਹੀ ਸੀ। ਇਸ ਤੋਂ ਤੰਗ ਆ ਕੇ ਸੰਜੇ ਨੇ ਆਪਣੇ ਦੋਸਤ ਦੀ ਮਦਦ ਨਾਲ ਪਿੰਕੀ ਦਾ ਗਲਾ ਘੁੱਟ ਕੇ ਉਸ ਦੀ ਜਾਨ ਲੈ ਲਈ। ਕਤਲ ਪਿਛਲੇ ਸਾਲ ਮਾਰਚ ਵਿੱਚ ਕੀਤਾ ਗਿਆ ਸੀ ਅਤੇ ਫਿਰ ਉਸਦੀ ਲਾਸ਼ ਨੂੰ ਫਰਿੱਜ ਵਿੱਚ ਰੱਖਿਆ ਗਿਆ ਸੀ।
ਘਟਨਾ ਦੇ ਕੁਝ ਮਹੀਨਿਆਂ ਬਾਅਦ ਸੰਜੇ ਪਾਟੀਦਾਰ ਘਰ ਛੱਡ ਕੇ ਚਲਾ ਗਿਆ। ਹਾਲਾਂਕਿ ਉਸ ਨੇ ਮਾਸਟਰ ਬੈੱਡਰੂਮ ਅਤੇ ਸਟੱਡੀ ਰੂਮ ਨੂੰ ਖਾਲੀ ਨਹੀਂ ਕੀਤਾ ਅਤੇ ਤਾਲਾ ਲਗਾ ਦਿੱਤਾ। ਇਸ ਦੌਰਾਨ ਮਕਾਨ ਮਾਲਕ ਨੇ ਬਲਵੀਰ ਸਿੰਘ ਨੂੰ ਮਕਾਨ ਕਿਰਾਏ ’ਤੇ ਦੇ ਦਿੱਤਾ। ਜਦੋਂ ਕਾਫੀ ਦੇਰ ਤੱਕ ਸੰਜੇ ਨੇ ਕਮਰੇ ਖਾਲੀ ਨਹੀਂ ਕੀਤੇ ਤਾਂ ਕੁਝ ਦਿਨ ਪਹਿਲਾਂ ਮਕਾਨ ਮਾਲਕ ਨੇ ਆਪਣੇ ਨਵੇਂ ਕਿਰਾਏਦਾਰ ਨੂੰ ਤਾਲਾ ਤੋੜ ਕੇ ਸੰਜੇ ਦਾ ਸਾਮਾਨ ਬਾਹਰ ਰੱਖਣ ਲਈ ਕਿਹਾ।
ਵੀਰਵਾਰ ਨੂੰ ਬਲਵੀਰ ਨੇ ਤਾਲਾ ਤੋੜ ਕੇ ਸਾਮਾਨ ਇਕ ਪਾਸੇ ਰੱਖ ਦਿੱਤਾ। ਫਿਰ ਉਸ ਦੀ ਨਜ਼ਰ ਫਰਿੱਜ ‘ਤੇ ਪਈ। ਫਰਿੱਜ ਚਾਲੂ ਸੀ। ਬਲਵੀਰ ਨੇ ਸਵਿੱਚ ਬੰਦ ਕਰ ਦਿੱਤਾ। ਫਰਿੱਜ ਬੰਦ ਕਰਨ ਤੋਂ ਬਾਅਦ ਲਾਸ਼ ਸੜਨ ਲੱਗੀ। ਜਿਸ ਕਾਰਨ ਬਦਬੂ ਆਉਣ ਲੱਗੀ। ਅਗਲੇ ਦਿਨ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ।
ਜਦੋਂ ਪੁਲਿਸ ਨੇ ਫਰਿੱਜ ਖੋਲ੍ਹਿਆ ਤਾਂ ਅੰਦਰ ਪਿੰਕੀ ਦੀ ਲਾਸ਼ ਪਈ ਸੀ। ਇਹ ਦੇਖ ਹਰ ਕੋਈ ਹੈਰਾਨ ਰਹਿ ਗਿਆ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਕਤਲ ਕੇਸ ਵਿੱਚ ਸੰਜੇ ਪਾਟੀਦਾਰ ਦਾ ਨਾਮ ਆਇਆ ਸੀ। ਪੁਲਿਸ ਨੇ ਤੁਰੰਤ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਇਸ ਦੌਰਾਨ ਪੁਲਿਸ ਨੇ ਸੰਜੇ ਨੂੰ ਗ੍ਰਿਫਤਾਰ ਕਰ ਲਿਆ
ਪੁਲਿਸ ਨੇ ਸੰਜੇ ਤੋਂ ਘੰਟਿਆਂ ਤੱਕ ਪੁੱਛਗਿੱਛ ਕੀਤੀ। ਐਸਪੀ ਪੁਨੀਤ ਗਹਿਲੋਦ ਨੇ ਦੱਸਿਆ ਕਿ ਮੁਲਜ਼ਮ ਉਜੈਨ ਜ਼ਿਲ੍ਹੇ ਦੇ ਇੰਗੋਰੀਆ ਥਾਣਾ ਖੇਤਰ ਦੇ ਪਿੰਡ ਮੋਲਾਨਾ ਦਾ ਰਹਿਣ ਵਾਲਾ ਹੈ। ਸੰਜੇ ਨੇ ਆਪਣੇ ਸਾਥੀ ਵਿਨੋਦ ਦਵੇ ਨਾਲ ਮਿਲ ਕੇ ਇਸ ਕਤਲ ਨੂੰ ਅੰਜਾਮ ਦਿੱਤਾ ਸੀ। ਵਿਨੋਦ ਰਾਜਸਥਾਨ ਦੇ ਟੋਂਕ ਜ਼ਿਲ੍ਹੇ ਵਿੱਚ ਕਿਸੇ ਅਪਰਾਧ ਦੇ ਮਾਮਲੇ ਵਿੱਚ ਜੇਲ੍ਹ ਵਿੱਚ ਹੈ।
