ਵਿਦੇਸ਼ ਰਹਿੰਦੇ ਪੰਜਾਬ ਦੇ ਕਬੱਡੀ ਪ੍ਰਮੋਟਰ ਦਾ ਕ+ਤ+ਲ
Punjabi, murder, abroad
ਵੀਓਪੀ ਬਿਊਰੋ- ਫਗਵਾੜਾ ਦੇ ਇੱਕ ਨੌਜਵਾਨ ਦੀ ਬੈਲਜੀਅਮ ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਹੈ। ਜਦੋਂ ਇਸ ਕਤਲ ਦੀ ਖ਼ਬਰ ਫਗਵਾੜਾ ਪਹੁੰਚੀ ਤਾਂ ਸੋਗ ਦੀ ਲਹਿਰ ਫੈਲ ਗਈ। ਮ੍ਰਿਤਕ ਦੀ ਪਛਾਣ ਕਬੱਡੀ ਪ੍ਰਮੋਟਰ ਅਤੇ ਸਮਾਜ ਸੇਵਕ ਬਖਤਾਵਰ ਸਿੰਘ ਬਾਜਵਾ ਉਰਫ਼ ਬਲੌਰਾ, ਵਾਸੀ ਹਦੀਆਬਾਦ, ਫਗਵਾੜਾ ਵਜੋਂ ਹੋਈ ਹੈ।
ਬਖਤਾਵਰ ਸਿੰਘ ਲੰਬੇ ਸਮੇਂ ਤੋਂ ਬੈਲਜੀਅਮ ਵਿੱਚ ਆਪਣਾ ਕਾਰੋਬਾਰ ਕਰ ਰਿਹਾ ਸੀ ਅਤੇ ਅਕਸਰ ਸਮਾਜ ਸੇਵਾ ਦੇ ਕੰਮ ਲਈ ਫਗਵਾੜਾ ਆਉਂਦਾ ਰਹਿੰਦਾ ਸੀ। ਮ੍ਰਿਤਕ ਦੇ ਪਰਿਵਾਰਕ ਮੈਂਬਰਾਂ ਅਨੁਸਾਰ, ਵੱਡੀ ਗਿਣਤੀ ਵਿੱਚ ਹਥਿਆਰਬੰਦ ਹਮਲਾਵਰ 8-10 ਗੱਡੀਆਂ ਵਿੱਚ ਉਸਦੇ ਘਰ ਆਏ ਅਤੇ ਉਸਨੂੰ ਗੋਲੀ ਮਾਰ ਦਿੱਤੀ। ਪਰਿਵਾਰਕ ਸੂਤਰਾਂ ਅਨੁਸਾਰ ਬਖਤਾਵਰ ਸਿੰਘ ਦਾ ਕਤਲ ਬੈਲਜੀਅਮ ਦੇ ਕਿਸੇ ਗੁਰਦੁਆਰਾ ਸਾਹਿਬ ਵਿੱਚ ਹੋਣ ਵਾਲੀਆਂ ਚੋਣਾਂ ਦੇ ਸਬੰਧ ਵਿੱਚ ਕੀਤਾ ਗਿਆ ਸੀ।
