ਅੰਤਰਰਾਸ਼ਟਰੀ ਯਾਤਰੀਆਂ ਲਈ ਆਸਟਰੇਲੀਆ ਵੱਲੋਂ ਚੇਤਾਵਨੀ, ਕਹੀ ਵੱਡੀ ਗੱਲ
ਸਿਡਨੀ (ਵੀਓਪੀ ਬਿਊਰੋ) Australia, flight, warring
ਅੰਤਰਰਾਸ਼ਟਰੀ ਯਾਤਰੀਆਂ ਲਈ ਆਸਟਰੇਲੀਆ ਨੇ ਐਮਰਜੈਂਸੀ ਚੇਤਾਵਨੀ ਜਾਰੀ ਕੀਤੀ ਹੈ। ਅੰਤਰਰਾਸ਼ਟਰੀ ਯਾਤਰੀਆਂ ਨੂੰ ਚੇਤਾਵਨੀ ਦਿਤੀ ਗਈ ਹੈ ਕਿ ਸਟਾਫ਼ ਦੀ ਹੜਤਾਲ ਕਾਰਨ ਆਸਟਰੇਲੀਆ ਦੇ ਪ੍ਰਮੁੱਖ ਹਵਾਈ ਅੱਡਿਆਂ ’ਤੇ ਵਿਘਨ ਪੈਣ ਦੀ ਸੰਭਾਵਨਾ ਹੈ।
ਆਸਟਰੇਲੀਆ ਦੇ ਨਿਊਜ਼ ਚੈਨਲ ਅਨੁਸਾਰ ਸਿਡਨੀ, ਮੈਲਬੌਰਨ ਅਤੇ ਬ੍ਰਿਸਬੇਨ ਹਵਾਈ ਅੱਡਿਆਂ ’ਤੇ ਹਵਾਬਾਜ਼ੀ ਸੇਵਾ ਕੰਪਨੀ ਡਾਇਨਾਡਾ ਦੇ 1,000 ਤੋਂ ਵੱਧ ਜ਼ਮੀਨੀ ਸਟਾਫ਼ ਨੇ ਚੱਲ ਰਹੇ ਤਨਖ਼ਾਹ ਵਿਵਾਦ ਵਿਚਕਾਰ ਸ਼ੁੱਕਰਵਾਰ ਨੂੰ ਚਾਰ ਘੰਟੇ ਕੰਮ ਬੰਦ ਰਖਿਆ।
ਆਸਟਰੇਲੀਆ ਦੀ ਝੰਡਾ ਵਾਹਕ ਕੰਪਨੀ ਕਵਾਂਟਸ ਨੇ ਕਿਹਾ ਕਿ ਉਸ ਦੀਆਂ ਘਰੇਲੂ ਸੇਵਾਵਾਂ ਪ੍ਰਭਾਵਿਤ ਨਹੀਂ ਹੋਣਗੀਆਂ ਪਰ ਉਸ ਨੇ ਸਿਡਨੀ ਤੋਂ ਅੰਤਰਰਾਸ਼ਟਰੀ ਉਡਾਣਾਂ ਲਈ ਵਿਕਲਪਿਕ ਪ੍ਰਬੰਧ ਕੀਤੇ ਹਨ। 20 ਪ੍ਰਮੁੱਖ ਅੰਤਰਰਾਸ਼ਟਰੀ ਕੈਰੀਅਰ ਆਸਟਰੇਲੀਆ ਵਿਚ ਅੰਤਰਰਾਸ਼ਟਰੀ ਕਾਰਜਾਂ ਲਈ ਜ਼ਮੀਨੀ ਹੈਂਡਲਿੰਗ ਲਈ ਡਨਾਟਾ ਨਾਲ ਇਕਰਾਰਨਾਮਾ ਕਰਦੇ ਹਨ। ਟਰਾਂਸਪੋਰਟ ਵਰਕਰਜ਼ ਯੂਨੀਅਨ ਦੇ ਰਾਸ਼ਟਰੀ ਸਕੱਤਰ ਮਾਈਕਲ ਕੇਨ ਨੇ ਕਿਹਾ ਕਿ ਤਨਖ਼ਾਹ ਸਮਝੌਤੇ ’ਤੇ ਇਕ ਸਾਲ ਤੋਂ ਵੱਧ ਸਮੇਂ ਦੀ ਗੱਲਬਾਤ ਤੋਂ ਬਾਅਦ ਉਦਯੋਗਿਕ ਕਾਰਵਾਈ ਆਖ਼ਰੀ ਉਪਾਅ ਵਜੋਂ ਕੀਤੀ ਗਈ ਹੈ। ਉਸ ਨੇ ਕਿਹਾ, ‘ਅੱਜ ਵਿਘਨ ਪੈਣਗੇ।’
ਇਹ ਉਦਯੋਗਿਕ ਕਾਰਵਾਈ ਦੀ ਪ੍ਰਕਿਰਤੀ ਹੈ। ਉਸ ਨੇ ਦਸਿਆ, ‘ਸਿਡਨੀ ਹਵਾਈ ਅੱਡੇ, ਮੈਲਬੌਰਨ ਹਵਾਈ ਅੱਡੇ, ਬ੍ਰਿਸਬੇਨ ਹਵਾਈ ਅੱਡੇ ’ਤੇ ਵਿਘਨ ਪੈਣਗੇ ਅਤੇ ਉਡਾਣਾਂ ਵਿਚ ਦੇਰੀ ਹੋਵੇਗੀ।’ ਸਿਡਨੀ ਹਵਾਈ ਅੱਡੇ ਨੇ ਕਿਹਾ ਕਿ ਉਹ ਏਅਰਲਾਈਨਾਂ ਦੀ ਮਦਦ ਲਈ ਤਿਆਰ ਹੈ ਤਾਂ ਜੋ ਹੜਤਾਲ ਦੇ ਪ੍ਰਭਾਵ ਨੂੰ ਘੱਟ ਕੀਤਾ ਜਾ ਸਕੇ ਅਤੇ ਯਾਤਰੀਆਂ ਨੂੰ ਸਲਾਹ ਦਿਤੀ ਜਾਂਦੀ ਹੈ ਕਿ ਉਹ ਅਪਣੀਆਂ ਏਅਰਲਾਈਨਾਂ ਦੇ ਕਿਸੇ ਵੀ ਸੰਦੇਸ਼ ਵਲ ਧਿਆਨ ਦੇਣ।
