ਪੰਜਾਬ ਦੇ ਇਸ ਪਿੰਡ ‘ਚ ਹਾਲੇ ਵੀ ਨਹੀਂ ਹੋਈ ਪੰਚਾਇਤੀ ਚੋਣ, ਲੋਕਾਂ ਨੇ ਵੋਟਾਂ ਪੁਆਉਣ ਆਈ ਟੀਮ ਬੇਰੰਗ ਮੋੜੀ

ਪੰਜਾਬ ਦੇ ਇਸ ਪਿੰਡ ‘ਚ ਹਾਲੇ ਵੀ ਨਹੀਂ ਹੋਈ ਪੰਚਾਇਤੀ ਚੋਣ, ਲੋਕਾਂ ਨੇ ਵੋਟਾਂ ਪੁਆਉਣ ਆਈ ਟੀਮ ਬੇਰੰਗ ਮੋੜੀ

ਵੀਓਪੀ ਬਿਊਰੋ- Punjab, news ਪੰਜਾਬ ਦੇ ਸਰਹੱਦੀ ਜ਼ਿਲ੍ਹਾ ਫਿਰੋਜ਼ਪੁਰ ਦੇ ਕਸਬਾ ਮਮਦੋਟ ਦੇ ਪਿੰਡ ਲਖਮੀਰ ਕੇ ਉਤਾੜ ਵਿੱਚ ਹਾਲੇ ਤੱਕ ਵੀ ਪੰਚਾਇਤੀ ਚੋਣਾਂ ਸਿਰੇ ਨਹੀਂ ਚੜੀਆਂ। 23 ਫਰਵਰੀ ਨੂੰ ਇੱਕ ਵਾਰ ਫਿਰ ਪੰਚਾਇਤੀ ਚੋਣ ਰੱਦ ਹੋ ਗਈਆਂ ਅਤੇ ਇਲੈਕਸ਼ਨ ਲਈ ਆਈ ਟੀਮ ਖਾਲੀ ਡੱਬੇ ਲੈ ਬੇਰੰਗ ਮੁੜ ਗਈ। ਇਸ ਪਿੰਡ ਦੇ ਕਈ ਲੋਕਾਂ ਨੇ ਬੂਥ ਦੇ ਬਾਹਰ ਧਰਨਾ ਲਗਾ ਦਿੱਤਾ ਅਤੇ ਕਿਹਾ ਕਿ ਉਨ੍ਹਾਂ ਦੀਆਂ ਕਰੀਬ 441 ਵੋਟਾਂ ਕੱਟ ਦਿੱਤੀਆਂ ਗਈਆਂ ਹਨ। ਉੱਥੇ ਹੀ ਦੂਜੀ ਧਿਰ ਨੇ ਕਿਹਾ ਕਿ ਧੱਕੇਸ਼ਾਹੀ ਕਰ ਕੇ ਸਾਡੇ ਪਿੰਡ ਵਿੱਚ ਪੰਚਾਇਤੀ ਚੋਣ ਨਹੀਂ ਹੋਣ ਦਿੱਤੀ ਜਾ ਰਹੀ।

ਦੂਸਰੇ ਪਾਸੇ ਰਿਟਰਨਿੰਗ ਅਫਸਰ ਨੇ ਦੱਸਿਆ ਕਿ ਅੱਜ ਫਿਰ ਬੂਥ ਦੇ ਬਾਹਰ ਧਰਨਾ ਲੱਗਣ ਕਾਰਨ ਇਲੈਕਸ਼ਨ ਰੱਦ ਹੋ ਗਿਆ ਹੈ। ਦੁਬਾਰਾ ਜਦੋਂ ਇਲੈਕਸ਼ਨ ਕਮਿਸ਼ਨ ਵੱਲੋਂ ਨੋਟੀਫਿਕੇਸ਼ਨ ਜਾਰੀ ਹੋਵੇਗਾ ਉਸ ਤੋਂ ਬਾਅਦ ਇਥੇ ਇਲੈਕਸ਼ਨ ਕਰਾਇਆ ਜਾਵੇਗਾ।

ਜਾਣਕਾਰੀ ਮੁਤਾਬਕ ਫਿਰੋਜ਼ਪੁਰ ਦੇ ਕਸਬਾ ਮਮਦੋਟ ਦੇ ਪਿੰਡ ਲਖਮੀਰ ਕੇ ਉਤਾੜ ਵਿੱਚ 15 ਅਕਤੂਬਰ ਨੂੰ ਪੰਚਾਇਤੀ ਚੋਣ ਕਰਵਾਈ ਜਾ ਰਹੀ ਸੀ। ਜਿਸ ਦੌਰਾਨ ਪਿੰਡ ਦੇ ਇੱਕ ਹਿੱਸੇ ਵੱਲੋਂ ਬੂਥ ਦੇ ਬਾਹਰ ਧਰਨਾ ਲਗਾ ਦਿੱਤਾ ਗਿਆ ਸੀ। ਜਿਨ੍ਹਾਂ ਆਰੋਪ ਸੀ ਕਿ ਉਨ੍ਹਾਂ ਦੀਆਂ 441 ਵੋਟਾਂ ਕੱਟੀਆਂ ਗਈਆਂ ਜਿਸ ਤੋਂ ਬਾਅਦ ਪ੍ਰਸਾਸਨ ਨੇ ਇਸ ਪਿੰਡ ਦਾ ਇਲੈਕਸ਼ਨ ਰੱਦ ਕਰ ਦਿੱਤਾ ਸੀ। ਅਤੇ ਅੱਜ ਇੱਕ ਵਾਰ ਫਿਰ ਜਾਨੀ ਕਿ 23 ਫਰਵਰੀ ਨੂੰ ਪ੍ਰਸਾਸਨ ਵੱਲੋਂ ਫਿਰ ਇਲੈਕਸ਼ਨ ਕਰਾਉਣ ਲਈ ਟੀਮਾਂ ਭੇਜੀਆਂ ਪਰ ਇਸ ਵਾਰ ਵੀ ਧਰਨਾ ਲੱਗਣ ਕਾਰਨ ਟੀਮਾਂ ਨੂੰ ਖਾਲੀ ਬਕਸੇ ਲੈ ਬੇਰੰਗ ਮੁੜਨਾ ਪਿਆ।

ਉਥੇ ਹੀ ਦੂਸਰੇ ਪਾਸੇ ਪਿੰਡ ਦੀ ਦੂਸਰੀ ਧਿਰ ਨਾਲ ਨੇ ਕਿਹਾ ਇਹ ਧਰਨਾ ਨਜਾਇਜ਼ ਤੌਰ ‘ਤੇ ਲਗਾ ਕੇ ਬੈਠੇ ਹਨ। ਕਿਉਂਕਿ ਇਹਨਾਂ ਵਿਚੋਂ ਕਈ ਲੋਕਾਂ ਦੀਆਂ ਵੋਟਾਂ ਨਗਰ ਪੰਚਾਇਤਾਂ ਬੋਲ ਰਹੀਆਂ ਹਨ। ਪਰ ਕੁੱਝ ਲੋਕ ਆਪਣੇ ਫਾਇਦੇ ਲਈ ਪੂਰੇ ਮਾਹੌਲ ਖਰਾਬ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਜਿਸ ਵੱਲ ਪ੍ਰਸਾਸਨ ਨੂੰ ਧਿਆਨ ਦੇਣਾਂ ਚਾਹੀਦਾ ਹੈ।

ਦੂਸਰੇ ਪਾਸੇ ਰਿਟਰਨਿੰਗ ਅਫਸਰ ਨੇ ਦੱਸਿਆ ਕਿ ਅੱਜ ਫਿਰ ਬੂਥ ਦੇ ਬਾਹਰ ਧਰਨਾ ਲੱਗਣ ਕਾਰਨ ਇਲੈਕਸ਼ਨ ਰੱਦ ਹੋ ਗਿਆ ਹੈ। ਅਤੇ ਦੁਬਾਰਾ ਜਦੋਂ ਇਲੈਕਸ਼ਨ ਕਮਿਸ਼ਨ ਵੱਲੋਂ ਨੋਟੀਫਿਕੇਸ਼ਨ ਜਾਰੀ ਹੋਵੇਗਾ ਉਸ ਤੋਂ ਬਾਅਦ ਇਥੇ ਇਲੈਕਸ਼ਨ ਕਰਾਇਆ ਜਾਵੇਗਾ।