ਜਲੰਧਰ (ਵੀਓਪੀ ਬਿਊਰੋ) ਪੰਜਾਬ ਦੇ ਜਲੰਧਰ ਵਿੱਚ ਲੁਟੇਰੇ ਇੰਨੇ ਨਿਡਰ ਹੋ ਗਏ ਹਨ ਕਿ ਉਨ੍ਹਾਂ ਨੇ ਦਿਨ ਚੜ੍ਹਦੇ ਹੀ ਭਾਰਗਵ ਕੈਂਪ ਵਿੱਚ ਵਿਜੇ ਜਵੈਲਰਜ਼ ਨਾਮ ਦੀ ਇੱਕ ਦੁਕਾਨ ਨੂੰ ਬੰਦੂਕ ਦੀ ਨੋਕ ‘ਤੇ ਲੁੱਟ ਲਿਆ। ਤਿੰਨ ਲੁਟੇਰੇ ਸਵੇਰੇ 10:45 ਵਜੇ ਦੁਕਾਨ ਵਿੱਚ ਦਾਖਲ ਹੋਏ ਅਤੇ ਅੰਦਰ ਬੈਠੇ ਇੱਕ ਨੌਜਵਾਨ ਦੇ ਸਿਰ ‘ਤੇ ਪਿਸਤੌਲ ਤਾਣ ਦਿੱਤੀ।
ਬਾਕੀਆਂ ਨੇ ਸ਼ੀਸ਼ਾ ਤੋੜ ਦਿੱਤਾ ਅਤੇ ਵੱਡੀ ਮਾਤਰਾ ਵਿੱਚ ਗਹਿਣੇ ਚੋਰੀ ਕਰ ਲਏ। ਇਸ ਦੌਰਾਨ, ਇੱਕ ਲੁਟੇਰੇ ਨੇ ਨੌਜਵਾਨ ‘ਤੇ ਪਿਸਤੌਲ ਅਤੇ ਤੇਜ਼ਧਾਰ ਹਥਿਆਰ ਤਾਣ ਦਿੱਤੇ, ਉਸਨੂੰ ਧਮਕੀ ਦਿੱਤੀ ਕਿ ਉਹ ਫ਼ੋਨ ਦਾ ਇਸਤੇਮਾਲ ਨਾ ਕਰੇ।
ਘਟਨਾ ਦੀ ਜਾਣਕਾਰੀ ਮਿਲਣ ‘ਤੇ ਮੌਕੇ ‘ਤੇ ਪੁੱਜੇ ਹਰਵਿੰਦਰ ਸਿੰਘ ਗਿੱਲ (ਏਡੀਸੀਪੀ) ਨੇ ਦੱਸਿਆ ਕੀ ਲੁੱਟ ਦੀ ਰਕਮ ਬਾਰੇ ਇਸ ਸਮੇਂ ਅੰਦਾਜ਼ਾ ਲਗਾਉਣਾ ਅਸੰਭਵ ਹੈ।
ਦੁਕਾਨ ਦੇ ਮਾਲਕ ਦੀਪਕ ਨੇ ਦੱਸਿਆ ਕਿ ਉਸਦਾ ਭਤੀਜਾ ਦੁਕਾਨ ਦੇ ਅੰਦਰ ਸੀ ਅਤੇ ਆਉਂਦਿਆਂ ਹੀ ਇੱਕ ਲੁਟੇਰੇ ਨੇ ਉਸਦੇ ਸੈਰ ਤੇ ਪਿਸਟਲ ਤਾਂ ਦਿੱਤੀ | ਫਿਲਹਾਲ ਨੁਕਸਾਨ ਦੀ ਦਾ ਪਤਾ ਲਗਾਉਣਾ ਮੁਸ਼ਕਲ ਹੈ।
ਮੌਕੇ ‘ਤੇ ਪੁੱਜੇ ਰਾਜ ਕੁਮਾਰ (ਕੌਂਸਲਰ) ਕੋਲੋਂ ਜਦੋਂ ਇਸ ਬਾਰੇ ਪੁਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਲੁੱਟ-ਖੋਹ ਦੀਆਂ ਘਟਨਾਵਾਂ ਕਾਫ਼ੀ ਸਮੇਂ ਤੋਂ ਹੋ ਰਹੀਆਂ ਹਨ, ਪਰ ਪੰਜਾਬ ਸਰਕਾਰ ਇਨ੍ਹਾਂ ਵਿਰੁੱਧ ਸਖ਼ਤੀ ਨਾਲ ਕਾਰਵਾਈ ਕਰ ਰਹੀ ਹੈ।
