ਵਾਘਾ ਬਾਰਡਰ ਜਾਂਦੇ ਸਮੇਂ ਗੱਡੀ ਅੱਗੇ ਲਾ ਕੇ ਰੋਕੀ ਬੱਸ, ਸ਼ਰਧਾਲੂਆਂ ਨਾਲ ਕੀਤੀ ਗਾਲੀ-ਗਲੌਚ ਤੇ ਹੱਥੋਪਾਈ
ਬੱਸ ‘ਚ ਸਵਾਰ ਸਨ 45 ਸ਼ਰਧਾਲੂ; ਦਿਵਿਆਂਗ ਵਿਅਕਤੀ ਨਾਲ ਵੀ ਕੀਤੀ ਧੱਕਾਮੁੱਕੀ
ਅੰਮ੍ਰਿਤਸਰ (ਸੰਜਣੀ/ਕੋਮਲ) ਅੰਮ੍ਰਿਤਸਰ ਦਿਹਾਤੀ ਦੇ ਥਾਣਾ ਘਰਿੰਢਾ ਦੀ ਪੁਲਿਸ ਨੇ ‘ਮੁੱਖ ਮੰਤਰੀ ਤੀਰਥ ਯਾਤਰਾ’ ਲਈ ਜਾ ਰਹੀ ਬੱਸ ‘ਤੇ ਹਮਲਾ ਕਰਨ ਅਤੇ ਸ਼ਰਧਾਲੂਆਂ ਨਾਲ ਬਦਸਲੂਕੀ ਕਰਨ ਦੇ ਦੋਸ਼ ਹੇਠ ਦੋ ਅਣਪਛਾਤੇ ਨੌਜਵਾਨਾਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ।
ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਮੁਤਾਬਕ, ਜਦੋਂ ਤੀਰਥ ਯਾਤਰਾ ਬੱਸ ਵਾਘਾ ਬਾਰਡਰ ਵੱਲ ਜਾ ਰਹੀ ਸੀ ਤਾਂ ਦੋ ਨੌਜਵਾਨਾਂ ਨੇ ਆਪਣੀ ਗੱਡੀ ਬੱਸ ਦੇ ਅੱਗੇ ਲਗਾ ਕੇ ਉਸ ਦਾ ਰਸਤਾ ਰੋਕ ਲਿਆ। ਇਸ ਤੋਂ ਬਾਅਦ ਮੁਲਜ਼ਮਾਂ ਨੇ ਬੱਸ ਚਾਲਕ ਅਤੇ ਸਵਾਰੀਆਂ ਨਾਲ ਗਾਲੀ-ਗਲੌਚ ਕਰਦਿਆਂ ਹੱਥੋਪਾਈ ਸ਼ੁਰੂ ਕਰ ਦਿੱਤੀ। ਦੋਸ਼ ਹੈ ਕਿ ਹਮਲਾਵਰਾਂ ਨੇ ਆਪਣੀ ਗੱਡੀ ਵਿੱਚੋਂ ਬੇਸਬਾਲ ਅਤੇ ਗੰਡਾਸਾ ਕੱਢ ਕੇ ਸ਼ਰਧਾਲੂਆਂ ‘ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ।
