ਚੰਡੀਗੜ੍ਹ ਯੂਨੀਵਰਸਿਟੀ ਤੋਂ ਬਾਅਦ ਭੋਪਾਲ ਦੀ ਆਈਟੀਆਈ ਵਿਚ ਅਸ਼ਲੀਲ ਵੀਡੀਓ ਬਣਾਉਣ ਦਾ ਮਾਮਲਾ
ਚੰਡੀਗੜ੍ਹ (ਵੀਓਪੀ ਬਿਊਰੋ) ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਹੋਸਟਲ ਵਿਚ ਵਿਦਿਆਰਥਣਾਂ ਦੀਆਂ ਇਤਰਾਜ਼ਯੋਗ ਵੀਡੀਜ਼ ਬਣਾ ਕੇ ਵਾਇਰਲ ਕਰਨ ਦੇ ਮਾਮਲੇ ਤੋਂ ਬਾਅਦ ਭੋਪਾਲ ਦੀ ਗੋਵਿੰਦਪੁਰਾ ਸਥਿਤ ਆਈ.ਟੀ.ਆਈ ਵਿਵਾਦਾਂ ਦੇ ਘੇਰੇ ਵਿਚ ਆ ਗਈ ਹੈ। ਇਥੋਂ ਦੇ ਤਿੰਨ ਸਾਬਕਾ ਵਿਦਿਆਰਥੀਆਂ ਨੇ ਇਕ ਵਿਦਿਆਰਥਣ ਦੀ ਅਸ਼ਲੀਲ ਵੀਡੀਓ ਬਣਾ ਕੇ ਉਸ ਨੂੰ ਬਲੈਕਮੇਲ ਕੀਤਾ। ਇਸ ਮਾਮਲੇ ਵਿੱਚ ਅਸ਼ੋਕਾ ਗਾਰਡਨ ਪੁਲਸ ਨੇ ਤਿੰਨਾਂ ਖ਼ਿਲਾਫ਼ ਆਈਟੀ ਐਕਟ ਸਮੇਤ ਹੋਰ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ।
ਵਿਦਿਆਰਥਣ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਤੇ ਕਿਹਾ ਕਿ ਮੁਲਜ਼ਮ ਰਾਹੁਲ ਯਾਦਵ, ਖੁਸ਼ਬੂ ਅਤੇ ਅਯਾਨ ਆਈਟੀਆਈ ਤੋਂ ਪਾਸਆਊਟ ਹਨ। ਉਹ ਫਿਰ ਵੀ ਕੈਂਪਸ ਵਿੱਚ ਘੁੰਮਦੇ ਹਨ ਤੇ ਉਸ ਨੂੰ ਵੀਡੀਓ ਜ਼ਰੀਏ ਬਲੈਕਮੇਲ ਕਰਦੇ ਰਹੇ। ਪੁਲਿਸ ਜਾਂਚ ਵਿੱਚ ਜੁਟੀ ਹੋਈ ਹੈ। 2 ਮੁਲਜ਼ਮਾਂ ਨੂੰ ਵੀ ਹਿਰਾਸਤ ਵਿੱਚ ਲੈ ਲਿਆ ਹੈ।
ਪੀੜਤਾ ਨੇ ਦੱਸਿਆ ਕਿ ਉਹ ਪਿਪਲਾਨੀ ਦੀ ਰਹਿਣ ਵਾਲੀ ਹੈ ਤੇ ਇਥੇ ITI ਗੋਵਿੰਦਪੁਰਾ ਵਿਚ ਪੜ੍ਹ ਰਹੀ ਹੈ । 17 ਸਤੰਬਰ ਨੂੰ ਵਿਸ਼ਵਕਰਮਾ ਜਯੰਤੀ ਦਾ ਪ੍ਰੋਗਰਾਮ ਸੀ। ਉਹ ਕੱਪੜੇ ਬਦਲਣ ਲਈ ਪਖਾਨੇ ਵਿਚ ਗਈ। ਇਸ ਦੌਰਾਨ ਸਾਬਕਾ ਵਿਦਿਆਰਥੀ ਰਾਹੁਲ ਯਾਦਵ, ਖੁਸ਼ਬੂ ਠਾਕੁਰ ਅਤੇ ਅਯਾਨ ਨੇ ਉਸ ਦੀ ਵੀਡੀਓ ਬਣਾਈ।ਉਸ ਦੇ ਇਕ ਦੋਸਤ ਨੇ ਦੱਸਿਆ ਕਿ ਤਿੰਨਾਂ ਨੇ ਉਸ ਨੂੰ ਵੀਡੀਓ ਦਿਖਾਈ। ਉਸ ‘ਚ ਉਹ ਕੱਪੜੇ ਬਦਲਦੇ ਨਜ਼ਰ ਆ ਰਹੀ ਹੈ।
ਤਿੰਨੋਂ ਸਾਬਕਾ ਵਿਦਿਆਰਥੀਆਂ ਨੇ ਉਸ ਨੂੰ ਵੀਡੀਓ ਵਾਇਰਲ ਕਰਨ ਦੀ ਧਮਕੀ ਦਿੱਤੀ। ਅਜਿਹਾ ਨਾ ਕਰਨ ਲਈ ਪੈਸੇ ਮੰਗੋ। ਉਸ ਦੇ ਦੋਸਤ ਨੇ ਵੀਡੀਓ ਵਾਇਰਲ ਨਾ ਕਰਨ ਲਈ ਖੁਸ਼ਬੂ ਠਾਕੁਰ ਨੂੰ 500 ਰੁਪਏ ਦਿੱਤੇ। ਇਸ ਤੋਂ ਬਾਅਦ ਤਿੰਨੋਂ ਹੋਰ ਪੈਸੇ ਮੰਗ ਰਹੇ ਹਨ ਤੇ ਵੀਡੀਓ ਵਾਇਰਲ ਕਰਨ ਦੇ ਨਾਂ ਉਤੇ ਧਮਕਾਉਂਦੇ ਰਹੇ।
