ਦੇਸ਼ ਦੇ ਇਨ੍ਹਾਂ ਸੂਬਿਆਂ ਵਿਚ ਅੱਜ ਸ਼ੁਰੂ ਹੋਣਗੀਆਂ 5G ਇੰਟਰਨੈਟ ਸੇਵਾਵਾਂ
ਨੈਸ਼ਨਲ (ਵੀਓਪੀ ਬਿਊਰੋ) ਦੇਸ਼ ਵਿਚ ਸ਼ਨਿਚਰਵਾਰ ਤੋਂ 5G ਇੰਟਰਨੈਟ ਸੇਵਾਵਾਂ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ। ਦੇਸ਼ ਵਾਸੀਆਂ ਨੂੰ ਹਾਈ ਸਪੀਡ ਇੰਟਰਨੈਟ ਦਾ ਨਵਾਂ ਤਜਰਬਾ ਮਿਲੇਗਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ‘ਇੰਡੀਆ ਮੋਬਾਈਲ ਕਾਂਗਰਸ-2022’ ਦੇ ਉਦਘਾਟਨ ਮੌਕੇ 5G ਇੰਟਰਨੈੱਟ ਲਾਂਚ ਕਰਨਗੇ । ਦੇਸ਼ ਦੀਆਂ ਤਿੰਨ ਸਭ ਤੋਂ ਵੱਡੀਆਂ ਟੈਲੀਕਾਮ ਕੰਪਨੀਆਂ ਪ੍ਰੋਗਰਾਮ ਵਿਚ ਪ੍ਰਧਾਨ ਮੰਤਰੀ ਮੋਦੀ ਦੇ ਸਾਹਮਣੇ 5G ਇੰਟਰਨੈਟ ਦਾ ਇੱਕੋ-ਇੱਕ ਡੈਮੋ ਪ੍ਰਦਰਸ਼ਿਤ ਕਰਨਗੀਆਂ । ਰਿਲਾਇੰਸ JIO ਮੁੰਬਈ ਦੇ ਸਕੂਲ ਅਧਿਆਪਕਾਂ ਨੂੰ ਮਹਾਰਾਸ਼ਟਰ, ਗੁਜਰਾਤ ਅਤੇ ਉੜੀਸਾ ਦੇ ਵਿਦਿਆਰਥੀਆਂ ਨਾਲ 5G ਨੈੱਟਵਰਕ ਨਾਲ ਜੋੜੇਗਾ । ਇਸ ਵਿੱਚ ਅਧਿਆਪਕ ਔਗਮੈਂਟੇਡ ਰਿਐਲਿਟੀ ਦੀ ਵਰਤੋਂ ਕਰਕੇ ਮੀਲਾਂ ਦੂਰ ਬੈਠੇ ਵਿਦਿਆਰਥੀਆਂ ਨੂੰ ਪੜ੍ਹਾਉਣਗੇ।
ਏਅਰਟੈੱਲ ਦੇ ਡੈਮੋ ਵਿੱਚ ਉੱਤਰ ਪ੍ਰਦੇਸ਼ ਦੀ ਇੱਕ ਵਿਦਿਆਰਥਣ ਵਰਚੁਅਲ ਰਿਐਲਿਟੀ ਅਤੇ ਔਗਮੈਂਟੇਡ ਰਿਐਲਿਟੀ ਦੀ ਮਦਦ ਨਾਲ ਸੋਲਰ ਸਿਸਟਮ ਨੂੰ ਸਮਝੇਗੀ, ਫਿਰ ਇਸਦਾ ਅਨੁਭਵ ਪੀਐੱਮ ਮੋਦੀ ਨਾਲ ਆਪਣਾ ਅਨੁਭਵ ਸਾਂਝਾ ਕਰੇਗੀ । ਵੋਡਾਫੋਨ ਆਪਣੇ 5G ਟੈਸਟ ਦੌਰਾਨ ਵਰਕਰਾਂ ਦੀ ਸੁਰੱਖਿਆ ਨਾਲ ਸਬੰਧਤ ਪ੍ਰਦਰਸ਼ਨ ਦਿਖਾਏਗਾ । ਇਸ ਵਿੱਚ ਦਿੱਲੀ ਮੈਟਰੋ ਦੀ ਉਸਾਰੀ ਅਧੀਨ ਟਨਲ ਦਾ ਇੱਕ ਜੁੜਵਾਂ ਸੁਰੰਗ ਔਗਮੈਂਟੇਡ ਅਤੇ ਵਰਚੁਅਲ ਰਿਐਲਿਟੀ ਰਾਹੀਂ ਬਣਾਈ ਜਾਵੇਗੀ । ਇਸ ਨਾਲ ਸੰਭਾਵੀ ਖ਼ਤਰੇ ਦਾ ਪਹਿਲਾਂ ਤੋਂ ਅਨੁਮਾਨ ਲਗਾਇਆ ਜਾ ਸਕੇਗਾ ।
