ਦਿੱਲੀ ਯੂਨੀਵਰਸਿਟੀ ਦੇ 30 ਪ੍ਰੋਫ਼ੈਸਰਾਂ ਦੀ ਕੋਰੋਨਾ ਨਾਲ ਮੌਤ

ਦਿੱਲੀ ਯੂਨੀਵਰਸਿਟੀ ਦੇ 30 ਪ੍ਰੋਫ਼ੈਸਰਾਂ ਦੀ ਕੋਰੋਨਾ ਨਾਲ ਮੌਤ

ਨਵੀਂ ਦਿੱਲੀ (ਵੀਓਪੀ ਬਿਊਰੋ) – ਕੋਰੋਨਾ ਦੇ ਕਹਿਰ ਨੇ ਤਬਾਹੀ ਮਚਾਈ ਹੋਈ ਹੈ, ਰੋਜ਼ ਹਜ਼ਾਰਾਂ ਦੀ ਗਿਣਤੀ ਵਿਚ ਲੋਕ ਮੌਤ ਦੇ ਮੌਤ ਵਿਚ ਜਾ ਰਹੇ ਹਨ।  ਇਸ ਵਾਇਰਸ ਕਾਰਨ ਦਿੱਲੀ ਯੂਨੀਵਰਸਿਟੀ ਵਿਚ ਪੜ੍ਹਾ ਰਹੇ ਘੱਟੋ ਘੱਟ 30 ਅਧਿਆਪਕਾਂ ਦੀ ਮੌਤ ਹੋਣ ਦੀਆਂ ਖ਼ਬਰਾਂ ਹਨ। ਕੋਰੋਨਾ ਦੀ ਲਾਗ ਨਾਲ ਮਾਰੇ ਗਏ ਅਧਿਆਪਕਾਂ ਦੀ ਇਸ ਗਿਣਤੀ ਵਿੱਚ ਉਹ ਅਧਿਆਪਕ ਸ਼ਾਮਲ ਹਨ ਜੋ ਪੱਕੇ ਸਨ ਜਾਂ ਠੇਕੇ ‘ਤੇ ਪੜ੍ਹਾ ਰਹੇ ਸਨ। ਇੱਥੇ ਹੀ ਬੱਸ ਨਹੀਂ, ਅਧਿਆਪਕਾਂ ਦੇ ਨਾਲ ਯੂਨੀਵਰਸਿਟੀ ਦੇ ਕਰਮਚਾਰੀਆਂ ਦੀ ਗਿਣਤੀ ਵੀ ਕਾਫ਼ੀ ਵੱਡੀ ਹੈ, ਜਿਨ੍ਹਾਂ ਦੀ ਮੌਤ ਕੋਵਿਡ ਕਾਰਨ ਹੋਈ ਹੈ।

ਡੀਯੂ ਅਧਿਆਪਕਾਂ ਦੀ ਮੌਤ ਸੰਬੰਧੀ ਆਪਣੀ ਖ਼ਬਰ ਵਿੱਚ ਲਾਈਵ ਹਿੰਦੁਸਤਾਨ ਨੇ ਕਿਹਾ ਹੈ ਕਿ ਬਹੁਤ ਸਾਰੇ ਅਜਿਹੇ ਅਧਿਆਪਕ ਵੀ ਮਾਰੇ ਗਏ , ਜੋ ਉਨ੍ਹਾਂ ਦੇ ਪਰਿਵਾਰ ਦੀ ਰੋਜ਼ੀ-ਰੋਟੀ ਦਾ ਇਕਲੌਤਾ ਸਰੋਤ ਸਨ। ਇਹ ਸਾਰੀਆਂ ਮੌਤਾਂ 1 ਮਾਰਚ ਤੋਂ 10 ਮਈ ਦਰਮਿਆਨ ਹੋਈਆਂ ਹਨ।

ਦਿੱਲੀ ਯੂਨੀਵਰਸਿਟੀ ਵਿਖੇ ਭੌਤਿਕ ਵਿਗਿਆਨ ਅਤੇ ਖਗੋਲ ਵਿਗਿਆਨ ਵਿਭਾਗ ਦੇ ਪ੍ਰਮੁੱਖ ਵਿਗਿਆਨੀ ਪ੍ਰੋ. ਵਿਨੈ ਗੁਪਤਾ ਦੀ ਵੀ ਕੋਰੋਨਾ ਕਾਰਨ ਮੌਤ ਹੋ ਗਈ।

ਰਿਪੋਰਟ ਦੇ ਅਨੁਸਾਰ, ਡੀਯੂ ਦੇ ਵੱਡੀ ਗਿਣਤੀ ਕਰਮਚਾਰੀਆਂ ਦੀ ਵੀ ਮੌਤ ਹੋ ਗਈ, ਜਦੋਂਕਿ ਸੈਂਕੜੇ ਅਜੇ ਵੀ ਕੋਰੋਨਾ ਨਾਲ ਸੰਕਰਮਿਤ ਹਨ। ਡੀਯੂ ਟੀਚਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਰਾਜੀਬ ਰੇ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਇਸ ਔਖੀ ਘੜੀ ਦੌਰਾਨ ਸਾਡੇ ਸਾਥੀ ਇੱਕ-ਇੱਕ ਕਰਕੇ ਵਿੱਛੜ ਰਹੇ ਹਨ। ਬਹੁਤ ਸਾਰੇ ਸੇਵਾਮੁਕਤ ਅਧਿਆਪਕਾਂ ਦੀ ਵੀ ਕੋਰੋਨਾ ਦੀ ਲਾਗ ਕਾਰਨ ਮੌਤ ਹੋ ਗਈ ਹੈ।

Leave a Reply

Your email address will not be published. Required fields are marked *

error: Content is protected !!