ਵਹੀਲ ਓ ਸਿਟੀ ਅਤੇ ਐਂਟੀ ਕ੍ਰਾਈਮ ਵੱਲੋਂ ਆਜ਼ਾਦੀ ਦਿਹਾੜੇ ਨੂੰ ਸਮਰਪਿਤ ਰੈਲੀ ਕੱਢੀ
ਫਿਰੋਜ਼ਪੁਰ ( ਜਤਿੰਦਰ ਪਿੰਕਲ ) ਵਹੀਲ ਓ ਸਿਟੀ ਅਤੇ ਐਂਟੀ ਕ੍ਰਾਈਮ ਐਂਟੀ ਡਰੱਗਜ਼ ਵਿੰਗ ਵੱਲੋਂ 75 ਵੇ ਆਜ਼ਾਦੀ ਦਿਹਾੜੇ ਨੂੰ ਸਮਰਪਿਤ ਰੈਲੀ ਕੱਢੀ ਗਈ। ਰੈਲੀ ਨੂੰ ਥਾਣਾ ਸਿਟੀ ਦੇ ਇੰਚਾਰਜ ਮੋਹਿਤ ਧਵਨ ਵੱਲੋਂ ਦਿੱਲੀ ਗੇਟ ਵਿਖੇ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ। ਰਾਸ਼ਟਰੀ ਝੰਡੇ ਨਾਲ ਸਜੀਆਂ ਹੋਈਆਂ ਸੈਂਕੜਿਆਂ ਦੀ ਗਿਣਤੀ ਚ ਸਾਈਕਲ ਮੋਟਰਸਾਈਕਲ ਅਤੇ ਕਾਰਾਂ ਨੇ ਰੈਲੀ ਨੂੰ ਚਾਰ ਚੰਨ ਲਗਾ ਦਿੱਤੇ।
ਸਮੀਰ ਮਿੱਤਲ , ਮਨੋਜ ਗੁਪਤਾ , ਕਮਲ ਗਰਗ ਕੰਵਰਜੀਤ ਸਿੰਘ ਜੈਂਟੀ , ਨਿਰਮਲ ਅਰੋਡ਼ਾ ਅਤੇ ਤਰੁਣ ਅਗਰਵਾਲ ਸੀ ਏ ਦੀ ਅਗਵਾਈ ‘ਚ ਦਿੱਲੀ ਗੇਟ ਤੋਂ ਰਵਾਨਾ ਹੋ ਕੇ ਸ਼ਹੀਦ ਊਧਮ ਸਿੰਘ ਚੌਕ ਮੱਲਵਾਲ ਰੋਡ ਫਿਰੋਜ਼ਪੁਰ ਛਾਉਣੀ ਹੁੰਦੇ ਹੋਏ ਹੁਸੈਨੀਵਾਲਾ ਵਿਖੇ ਸ਼ਹੀਦੇ ਆਜ਼ਮ ਸਰਦਾਰ ਭਗਤ ਸਿੰਘ ਜੀ ਸ਼ਹੀਦ ਰਾਜਗੁਰੂ ਜੀ ਅਤੇ ਸ਼ਹੀਦ ਸੁਖਦੇਵ ਜੀ ਦੀ ਸਮਾਧ ਤੇ ਫੁੱਲ ਮਾਲਾ ਚੜ੍ਹਾ ਕੇ ਸ਼ਹੀਦਾਂ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰ ਕੇ ਸਮਾਪਤ ਹੋਈ।
ਪ੍ਰਤੀਕ ਖੁਰਾਨਾ ,ਸੰਜੀਵ ਸਚਦੇਵਾ , ਚੇਤਨ ਗੁਪਤਾ , ਤਰੁਣ ਗੁਪਤਾ , ਸਾਹਿਲ ਗੁਪਤਾ , ਰੋਹਿਤ ਅਗਰਵਾਲ ਨੇ ਸੁਚਾਰੂ ਢੰਗ ਨਾਲ ਰੈਲੀ ਦੇ ਪ੍ਰਬੰਧਾਂ ਨੂੰ ਨੇਪਰੇ ਚਾੜ੍ਹਿਆ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਡਾ ਸ਼ੀਲ ਸੇਠੀ , ਰਿੰਕੂ ਮੋਂਗਾ , ਸੁਨੀਲ ਰਾਜੂ , ਮਨਜੀਤ ਸਿੰਘ, ਲਵਲੀ ਮਿੱਤਲ ,ਅਮਿਤ ਬੁੱਧਵਾਰ , ਤੁਸ਼ਾਰ ਗੁਪਤਾ , ਅਮਿਤ ਧਵਨ ਕਿਹਾ ਕਿ ਅਨੇਕਾਂ ਸ਼ਹੀਦਾਂ ਸੁਤੰਤਰਤਾ ਸੰਗਰਾਮੀਆਂ ਦੀਆਂ ਅਦੁੱਤੀਆਂ ਕੁਰਬਾਨੀਆਂ ਸਦਕਾ ਸਾਡਾ ਦੇਸ਼ ਆਜ਼ਾਦ ਹੋਇਆ ਹੈ ਅਤੇ ਇਸ ਅਵਸਰ ਤੇ ਅਸੀਂ ਆਜ਼ਾਦੀ ਦੇ ਪਰਵਾਨਿਆਂ ਤੇ ਸਮੂਹ ਸ਼ਹੀਦਾਂ, ਸੂਰਬੀਰਾਂ ਤੇ ਵੱਖ-ਵੱਖ ਆਜ਼ਾਦੀ ਦੀਆ ਲਹਿਰਾਂ ਵਿਚ ਹਿੱਸਾ ਪਾਉਣ ਵਾਲੇ ਯੋਧਿਆਂ, ਸੂਰਬੀਰਾਂ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਅੰਤ ਚ ਸਵੈਯਮ ਮਿੱਤਲ, ਨਵੀਨ ਸ਼ਰਮਾ , ਰਾਜੀਵ ਵਧਵਾ , ਪੰਕਜ ਕੌੜਾ , ਸ਼ਿਵਮ ਅਰੋੜਾ ਨੇ ਦੇਸ਼ ਦੀ ਸਰਹੱਦ ਦੀ ਰੱਖਿਆ ਕਰਦੇ ਜਵਾਨਾਂ ਅਤੇ ਲੋਕਾਂ ਨੂੰ ਲੱਡੂਆਂ ਦਾ ਪ੍ਰਸ਼ਾਦ ਵੰਡਿਆ।
