ਸਿੱਖਾਂ ਨੂੰ ਕਿਰਪਾਨ ਸਣੇ ਹਵਾਈ ਯਾਤਰਾ ਕਰਨ ਦੇ ਫੈਸਲੇ ਸਬੰਧੀ ਹਾਈ ਕੋਰਟ ਨੇ ਸੁਣਾਇਆ ਇਹ ਫੈਸਲਾ…
ਵੀਓਪੀ ਬਿਊਰੋ – ਸਿੱਖ ਯਾਤਰੀਆਂ ਨੂੰ ਕਿਰਪਾਨ ਸਣੇ ਘਰੇਲੂ ਜਹਾਜ਼ਾਂ ਵਿਚ ਉਡਾਣ ਭਰਨ ਸਬੰਧੀ ਫੈਸਲੇ ਬਾਰੇ ਦਿੱਲੀ ਹਾਈ ਕੋਰਟ ਨੇ ਆਪਣਾ ਫੈਸਲਾ ਸੁਣਾਉਂਦੇ ਹੋਏ ਸਿੱਖ ਯਾਤਰੀਆਂ ਨੂੰ 6 ਇੰਚ ਤੱਕ ਵਾਲੀ ਕਿਰਪਾਨ ਰੱਖਣ ਦੀ ਇਜਾਜ਼ਤ ਸਬੰਧੀ ਫੈਸਲੇ ’ਤੇ ਅੰਤਰਿਮ ਰੋਕ ਦਾ ਹੁਕਮ ਦੇਣ ਤੋਂ ਨਾਂਹ ਕਰ ਦਿੱਤੀ। ਚੀਫ਼ ਜਸਟਿਸ ਸਤੀਸ਼ ਚੰਦਰ ਸ਼ਰਮਾ ਅਤੇ ਜਸਟਿਸ ਸੁਬਰਾਮਨੀਅਮ ਪ੍ਰਸਾਦ ਦੀ ਬੈਂਚ ਨੇ ਕਿਹਾ ਕਿ ਇਸ ਸਬੰਧੀ ਕੋਈ ਰੋਕ ਨਹੀਂ ਹੈ।
ਪਟੀਸ਼ਨ ’ਚ ਇਸ ਸਬੰਧ ’ਚ 4 ਮਾਰਚ 2022 ਨੂੰ ਜਾਰੀ ਕੀਤੇ ਨੋਟੀਫਿਕੇਸ਼ਨ ਨੂੰ ਚੁਣੌਤੀ ਦਿੱਤੀ ਗਈ ਹੈ। ਬੈਂਚ ਨੇ ਇਸ ਪਟੀਸ਼ਨ ’ਤੇ ਬਚਾਅ ਪੱਖ ਤੋਂ ਜਵਾਬ ਮੰਗਿਆ ਹੈ। ਪਟੀਸ਼ਨ ’ਚ ਇਕ ‘ਵਿਹਾਰਕ ਹੱਲ’ ਦੀ ਗੁੰਜਾਇਸ਼ ਲੱਭਣ ਲਈ ਲਈ ਇਕ ਕਮੇਟੀ ਬਣਾਉਣ ਦੀ ਮੰਗ ਕੀਤੀ ਗਈ ਹੈ, ਤਾਂ ਜੋ ਉਡਾਣ ਦੌਰਾਨ ਲਿਜਾਈ ਜਾਣ ਵਾਲੀ ਕਿਰਪਾਨ ‘ਉਚਿਤ ਡਿਜ਼ਾਈਨ ਵਾਲੀ ਹੋਵੇ’ ਅਤੇ ਉਸ ’ਚ 4 ਸੈਂਟੀਮੀਟਰ ਤੋਂ ਵੱਧ ਦਾ ਬਲੇਡ ਨਾ ਲੱਗਾ ਹੋਵੇ।
ਵਕੀਲ ਹਰਸ਼ ਵਿਭੋਰੇ ਵੱਲੋਂ ਦਾਇਰ ਪਟੀਸ਼ਨ ’ਚ ਇਸ ਸਬੰਧੀ 4 ਮਾਰਚ 2022 ਨੂੰ ਜਾਰੀ ਕੀਤੇ ਨੋਟੀਫਿਕੇਸ਼ਨ ਨੂੰ ਚੁਣੌਤੀ ਦਿੱਤੀ ਗਈ ਹੈ। ਬੈਂਚ ਨੇ ਇਸ ਪਟੀਸ਼ਨ ’ਤੇ ਬਚਾਅ ਪੱਖ ਤੋਂ ਜਵਾਬ ਮੰਗਿਆ ਹੈ।ਪਟੀਸ਼ਨ ’ਚ ਕਿਹਾ ਗਿਆ ਹੈ ਕਿ ਮੌਜੂਦਾ ਪ੍ਰਵਾਨਿਤ ਮਾਪਦੰਡਾਂ ਤਹਿਤ ਕਿਰਪਾਨ ਨੂੰ ਉਡਾਣਾਂ ’ਚ ਆਗਿਆ ਦੇਣਾ ‘ਹਵਾਬਾਜ਼ੀ ਸੁਰੱਖਿਆ ਲਈ ਖ਼ਤਰਨਾਕ’ ਹੈ ਅਤੇ ‘ਜੇਕਰ ਕਿਰਪਾਨ ਨੂੰ ਸਿਰਫ ਧਰਮ ਦੇ ਲਿਹਾਜ ਨਾਲ ਸੁਰੱਖਿਅਤ ਮੰਨਿਆ ਜਾਂਦਾ ਹੈ, ਤਾਂ ਕਿਸੇ ਨੂੰ ਵੀ ਹੈਰਾਨੀ ਹੋਵੇਗੀ ਕਿ ਫਿਰ ਸਿਲਾਈ/ਬੁਣਾਈ ਦੀਆਂ ਸੂਈਆਂ, ਨਾਰੀਅਲ, ਪੇਚਕਸ ਅਤੇ ਛੋਟੇ ਪੈੱਨ-ਚਾਕੂ ਆਦਿ ਕਿਵੇਂ ਖ਼ਤਰਨਾਕ ਮੰਨ ਲਏ ਗਏ ਹਨ ਅਤੇ ਉਨ੍ਹਾਂ ’ਤੇ ਰੋਕ ਲਾ ਦਿੱਤੀ ਗਈ ਹੈ।’’
