10 ਮਿੰਟ ਵਿਚ ਚਾਬੀ ਤਿਆਰ ਕਰ ਕੇ ਲਗਜ਼ਰੀ ਕਾਰਾਂ ਚੋਰੀ ਕਰਨ ਵਾਲਾ ਗਿਰੋਹ ਬੇਨਕਾਬ, ਇੰਜੀਨੀਅਰਿੰਗ ਦਾ ਵਿਦਿਆਰਥੀ ਤੇ ਸਾਥੀ ਗ੍ਰਿਫ਼ਤਾਰ
ਮੋਹਾਲੀ (ਵੀਓਪੀ ਬਿਊਰੋ) ਪੁਲਿਸ ਨੇ ਨਕਲੀ ਚਾਬੀਆਂ ਤਿਆਰ ਕਰ ਕੇ ਲਗਜ਼ਰੀ ਗੱਡੀਆਂ ਚੋਰੀ ਕਰਨ ਵਾਲੇ ਗਿਰੋਹ ਦਾ ਭਾਂਡਾ ਭੰਨਿਆ ਹੈ। ਇਹ ਗਿਰੋਹ ਮੁੱਖ ਤੌਰ ‘ਤੇ ਹੁੰਡਈ ਕੰਪਨੀ ਦੀਆਂ ਗੱਡੀਆਂ ਚੋਰੀ ਕਰਦਾ ਸੀ। ਪੰਜਾਬ ਦੇ ਮੋਹਾਲੀ ਵਿਚ ਪੁਲਿਸ ਨੇ ਇੱਕ ਇੰਜੀਨੀਅਰਿੰਗ ਵਿਦਿਆਰਥੀ ਸਮੇਤ ਦੋ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ਦੀ ਗ੍ਰਿਫ਼ਤਾਰੀ ਨਾਲ 11 ਚੋਰੀ ਹੋਏ ਵਾਹਨਾਂ ਦੇ ਮਾਮਲੇ ਹੱਲ ਹੋ ਗਏ ਹਨ। ਮੁਲਜ਼ਮਾਂ ਵਿੱਚੋਂ ਇੱਕ ਅਕੀਲ ਅਹਿਮਦ ਕੋਲ ਇਕ ਖਾਸ ਸਾਫਟਵੇਅਰ ਅਤੇ ਡਿਵਾਈਸ ਸੀ ਜਿਸ ਨਾਲ ਉਹ ਇਨ੍ਹਾਂ ਵਾਹਨਾਂ ਦੀਆਂ ਨਕਲੀ ਚਾਬੀਆਂ ਤਿਆਰ ਕਰਦਾ ਸੀ। ਅਕੀਲ ਵਾਹਨਾਂ ਦੇ ਤਾਲੇ ਤੋੜਨ ਵਿੱਚ ਮਾਹਿਰ ਸੀ। ਫੜੇ ਗਏ ਮੁਲਜ਼ਮਾਂ ਵਿੱਚ ਹਰਿਆਣਾ ਦਾ ਰਹਿਣ ਵਾਲਾ ਅਕੀਲ ਅਹਿਮਦ ਅਤੇ ਮਹਾਰਾਸ਼ਟਰ ਦਾ ਰਹਿਣ ਵਾਲਾ ਸ਼ੇਖ ਰਕੀਫ ਸ਼ਾਮਲ ਹੈ। ਇਸ ਗਿਰੋਹ ਦਾ ਜ਼ੀਰਕਪੁਰ ਥਾਣੇ ਵਿੱਚ ਦਰਜ ਇੱਕ ਕੇਸ ਦੀ ਜਾਂਚ ਦੌਰਾਨ ਪਰਦਾਫਾਸ਼ ਹੋਇਆ ਹੈ।
ਪੁਲਿਸ ਅਨੁਸਾਰ ਇਹ ਵਾਹਨ ਪੁਸ਼ ਬਟਨ ਸਟਾਰਟ ਹਨ। ਇਨ੍ਹਾਂ ‘ਚ ਇਕ ਸੈਂਸਰ ਹੈ ਜੋ ਵਾਹਨ ਨੂੰ ਸਟਾਰਟ ਕਰਨ ‘ਚ ਮਦਦ ਕਰਦਾ ਹੈ। ਮੁਲਜ਼ਮ 10 ਤੋਂ 15 ਮਿੰਟਾਂ ਵਿੱਚ ਗੱਡੀ ਦੇ ਸੈਂਸਰ ਦੀ ਸਮਾਨਾਂਤਰ ਚਾਬੀ ਤਿਆਰ ਕਰ ਲੈਂਦੇ ਸਨ। ਇੰਜੀਨੀਅਰਿੰਗ ਤੋਂ ਬਾਅਦ ਕਈ ਸਾਲ ਕੰਪਨੀ ‘ਚ ਕੰਮ ਕੀਤਾ ਮੁਲਜ਼ਮਾਂ ਨੇ ਜ਼ਿਆਦਾਤਰ ਕ੍ਰੇਟਾ, ਵਰਨਾ ਅਤੇ i20 ਵਾਹਨ ਚੋਰੀ ਕੀਤੇ। ਇਨ੍ਹਾਂ ਨੇ ਪੰਜਾਬ ਤੋਂ 8, ਹਰਿਆਣਾ ਤੋਂ 2 ਅਤੇ ਦਿੱਲੀ ਤੋਂ 1 ਗੱਡੀਆਂ ਚੋਰੀ ਕੀਤੀਆਂ ਹਨ।
ਐਸਐਸਪੀ ਨੇ ਦੱਸਿਆ ਕਿ ਸ਼ੇਖ ਅਹਿਮਦ ਨੇ ਐਮ-ਟੈਕ (ਕੰਪਿਊਟਰ ਸਾਇੰਸ) ਵਿੱਚ ਕੀਤੀ ਹੈ। 2004 ਤੋਂ 2012 ਤੱਕ, ਉਸਨੇ ਗੁਰੂਗ੍ਰਾਮ ਵਿੱਚ ਇੱਕ ਕੰਪਨੀ ਵਿੱਚ ਤਕਨੀਕੀ ਮੁਖੀ ਵਜੋਂ ਕੰਮ ਕੀਤਾ। ਉਸ ਨੂੰ ਕੰਪਨੀ ਨੇ ਗਲਤ ਕੰਮਾਂ ਲਈ ਨੌਕਰੀ ਤੋਂ ਕੱਢ ਦਿੱਤਾ ਸੀ। ਇਸ ਤੋਂ ਬਾਅਦ ਉਹ ਭਰਤਪੁਰ (ਰਾਜਸਥਾਨ) ਵਿੱਚ ਨਾਜਾਇਜ਼ ਮਾਈਨਿੰਗ ਵਿੱਚ ਸ਼ਾਮਲ ਹੋ ਗਿਆ।
ਇਸ ਤੋਂ ਬਾਅਦ ਸਾਲ 2016 ‘ਚ ਕਾਰ ਦੀ ਵਿਕਰੀ-ਖਰੀਦ ਦਾ ਕੰਮ ਸ਼ੁਰੂ ਹੋਇਆ, ਜੋ ਸਾਲ 2021 ਤੱਕ ਚੱਲਿਆ। ਜਿਸ ਤੋਂ ਬਾਅਦ ਉਹ ਕਾਰ ਚੋਰੀ ਕਰਨ ਦੇ ਕੰਮ ਵਿੱਚ ਲੱਗ ਗਿਆ।ਉਸ ਦਾ ਸਾਥੀ ਸ਼ੇਖ ਰਕੀਫ ਪਿਛਲੇ 10 ਸਾਲਾਂ ਤੋਂ ਕਾਰਾਂ ਵੇਚਣ ਦਾ ਕਾਰੋਬਾਰ ਕਰ ਰਿਹਾ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਮੁਲਜ਼ਮਾਂ ਖਿਲਾਫ ਪਹਿਲਾਂ ਵੀ ਚੋਰੀ ਦੀਆਂ ਵਾਰਦਾਤਾਂ ਦੇ ਦੋਸ਼ ਹੇਠ ਮਾਮਲੇ ਦਰਜ ਹਨ। ਇਨ੍ਹਾਂ ਨੂੰ ਰਿਮਾਂਡ ਉਤੇ ਲੈ ਕੇ ਹੋਰ ਚੋਰੀਆਂ ਹੋਰ ਵਾਰਦਾਤਾਂ ਬਾਰੇ ਪਤਾ ਲਾਇਆ ਜਾਵੇਗਾ। ਗਿਰੋਹ ਦਾ ਤੀਜਾ ਮੈਂਬਰ ਸੋਨੂੰ ਫਰਾਰ ਹੈ। ਅਕੀਲ ਇੰਜੀਨੀਅਰਿੰਗ ਦਾ ਵਿਦਿਆਰਥੀ ਹੈ। ਅਜਿਹੇ ‘ਚ ਉਹ ਹੀ ਵਾਹਨਾਂ ਦੀਆਂ ਸਮਾਨਾਂਤਰ ਚਾਬੀਆਂ ਬਣਾਉਂਦਾ ਹੈ। ਪੁਲਿਸ ਬਾਕੀ ਗਿਰੋਹ ਦੇ ਮੈਬਰਾਂ ਦੀ ਵੀ ਭਾਲ ਕਰ ਰਹੀ ਹੈ
