2 ਲੱਖ ਦੇ ਕੇ ਵਿਚਾਰੇ ਨੇ ਮਸਾਂ ਕਰਵਾਇਆ ਵਿਆਹ, ਦੁਲਹਨ ਮਹੀਨੇ ਵਿੱਚ ਹੀ ਕਰ ਗਈ ਕਾਰਾ
ਅਬੋਹਰ (ਵੀਓਪੀ ਬਿਊਰੋ) ਇੱਥੋ ਦੇ ਇਕ ਨੌਜਵਾਨ ਨਾਲ ਬਹੁਤ ਹੀ ਜ਼ਿਆਦਾ ਮਾੜੀ ਹੋਈ। ਦਰਅਸਲ ਕਿਸੇ ਨੇ ਵਿਆਹੁਤਾ ਔਰਤ ਨੂੰ ਅਣਵਿਆਹਿਆ ਕਰਾਰ ਦੇ ਕੇ ਉਸ ਦਾ ਵਿਆਹ ਉਕਤ ਨੌਜਵਾਨ ਨਾਲ ਕਰਵਾ ਦਿੱਤਾ। ਬਦਲੇ ਵਿਚ ਉਸ ਨੇ ਨੌਜਵਾਨ ਤੋਂ 2 ਲੱਖ ਰੁਪਏ ਲੈ ਲਏ ਪਰ ਵਿਆਹ ਦੇ ਇਕ ਮਹੀਨੇ ਬਾਅਦ ਹੀ ਲਾੜੀ ਘਰੋਂ ਸੋਨੇ-ਚਾਂਦੀ ਦੇ ਗਹਿਣੇ ਅਤੇ ਹਜ਼ਾਰਾਂ ਰੁਪਏ ਦੀ ਨਕਦੀ ਲੈ ਕੇ ਭੱਜ ਗਈ।
ਅਜੀਤ ਨਗਰ ਦੇ ਰਹਿਣ ਵਾਲੇ ਪੀੜਤ ਨੇ ਉੱਚ ਪੁਲੀਸ ਅਧਿਕਾਰੀਆਂ ਨੂੰ ਸ਼ਿਕਾਇਤ ਦੇ ਕੇ ਉਸ ਨਾਲ ਵਿਆਹ ਕਰਵਾਉਣ ਵਾਲੀ ਲੜਕੀ ਅਤੇ ਉਸ ਦੇ ਪਰਿਵਾਰਕ ਮੈਂਬਰਾਂ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਕੀਤੀ ਹੈ। ਦੂਜੇ ਪਾਸੇ ਵਿਆਹ ਕਰਵਾਉਣ ਵਾਲੇ ਵਿਅਕਤੀ ਨੇ ਪਹਿਲਾਂ ਲਾੜੀ ਨੂੰ ਵਾਪਸ ਭੇਜਣ ਅਤੇ ਫਿਰ ਤਲਾਕ ਲੈਣ ਦੇ ਨਾਂ ‘ਤੇ ਪੈਸੇ ਮੰਗੇ ਹਨ। ਪੈਸੇ ਨਾ ਦੇਣ ‘ਤੇ ਦਾਜ ਦਾ ਮਾਮਲਾ ਦਰਜ ਕਰਨ ਦੀ ਧਮਕੀ ਦਿੱਤੀ।
