ਭਾਰਤੀ ਹਾਕੀ ਟੀਮ ਦੀ ਕਪਤਾਨ ਸਵਿਤਾ ਪੂਨੀਆ ਵਿਆਹ ਦੇ ਬੰਧਨ ਵਿਚ ਬੱਝੀ, ਕੈਨੇਡੀਅਨ ਸਾਫਟਵੇਅਰ ਇੰਜੀਨੀਅਰ ਨੇ ਦਾਜ ਵਿਚ ਲਿਆ ਸਿਰਫ਼ ਇਕ ਰੁਪੱਈਆ
ਵੀਓਪੀ ਬਿਊਰੋ, ਨੈਸ਼ਨਲ-ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਕਪਤਾਨ ਸਵਿਤਾ ਪੂਨੀਆ ਕੈਨੇਡਾ ਦੇ ਵਿਆਹ ਦੇ ਬੰਧਨ ‘ਚ ਬੱਝ ਗਈ ਹੈ। ਸਵਿਤਾ ਪੂਨੀਆ ਦਾ ਵਿਆਹ ਕੈਨੇਡੀਅਨ ਸਾਫਟਵੇਅਰ ਇੰਜੀਨੀਅਰ ਅੰਕਿਤ ਬਲਹਾਰਾ ਨਾਲ ਹੋਇਆ ਹੈ।
ਦੱਸ ਦੇਈਏ ਕਿ ਅੰਕਿਤ ਨੇ ਬਿਨਾਂ ਦਾਜ ਦੇ ਵਿਆਹ ਕਰ ਕੇ ਸਮਾਜ ਦੇ ਸਾਹਮਣੇ ਇੱਕ ਮਿਸਾਲ ਪੇਸ਼ ਕੀਤੀ ਸੀ। ਉਸ ਨੇ ਦਾਜ ਵਜੋਂ ਸਿਰਫ਼ 1 ਰੁਪਿਆ ਲਿਆ ਹੈ। ਉਨ੍ਹਾਂ ਦੇ ਵਿਆਹ ਸਮਾਗਮ ਵਿਚ ਸਿਰਫ਼ ਪਰਿਵਾਰਕ ਅਤੇ ਨਿੱਜੀ ਰਿਸ਼ਤੇਦਾਰ ਹੀ ਸ਼ਾਮਲ ਹੋਏ।
ਦਰਅਸਲ, ਸਵਿਤਾ ਪੂਨੀਆ ਦਾ ਵਿਆਹ ਅੰਕਿਤ ਬਲਹਾਰਾ ਨਾਲ ਹੋਇਆ ਹੈ। ਅੰਕਿਤ ਕੈਨੇਡਾ ਵਿਚ ਇਕ ਬੈਂਕ ਵਿੱਚ ਸਾਫਟਵੇਅਰ ਇੰਜੀਨੀਅਰ ਹੈ। ਸਵਿਤਾ ਦੇ ਪਿਤਾ ਨੇ ਦੱਸਿਆ ਕਿ ਬੇਟੀ ਦਾ ਵਿਆਹ ਭਾਵੇਂ ਕੈਨੇਡਾ ‘ਚ ਹੋਇਆ ਹੋਵੇ ਪਰ ਉਹ ਭਾਰਤ ‘ਚ ਹੀ ਰਹੇਗੀ। ਉਸ ਦਾ ਟੀਚਾ 2024 ਓਲੰਪਿਕ ਖੇਡ ਹੈ ਅਤੇ ਇਸ ਲਈ ਉਹ ਲਗਾਤਾਰ ਅਭਿਆਸ ਕਰ ਕੇ ਆਪਣੇ ਆਪ ਨੂੰ ਮਜ਼ਬੂਤ ਬਣਾਏਗੀ।
ਸਵਿਤਾ ਦੇ ਪਿਤਾ ਨੇ ਕਿਹਾ ਕਿ ਬੇਟੀ ਦਾ ਵਿਆਹ ਕਰਵਾਉਣਾ ਸਾਡੀ ਸਮਾਜਿਕ ਜ਼ਿੰਮੇਵਾਰੀ ਸੀ, ਅਸੀਂ ਇਸ ਨੂੰ ਪੂਰਾ ਕੀਤਾ ਹੈ।ਇਸ ਬਾਰੇ ‘ਚ ਸਵਿਤਾ ਪੂਨੀਆ ਨੇ ਕਿਹਾ ਕਿ ਵਿਆਹ ‘ਚ ਥੋੜ੍ਹਾ ਹੀ ਸਮਾਂ ਨਿਕਲ ਸਕਿਆ। ਉਹ 26 ਮਾਰਚ ਨੂੰ ਕੈਂਪ ਤੋਂ ਛੁੱਟੀ ‘ਤੇ ਆਈ ਹੈ ਅਤੇ 12 ਅਪ੍ਰੈਲ ਨੂੰ ਦੁਬਾਰਾ ਕੈਂਪ ‘ਚ ਸ਼ਾਮਲ ਹੋਣ ਜਾ ਰਹੀ ਹੈ।
