ਪਿਓ ਨੇ ਪੁੱਤ ਦੇ ਕਾਤਲ ਨੂੰ ਜ਼ਮਾਨਤ ਦਿਵਾ ਕੇ ਸਿਰ ‘ਚ ਮਾਰੀਆਂ ਤਿੰਨ ਗੋਲੀਆਂ, ਮਾਂ ਨਾਲ ਸੰਬੰਧ ਬਣਾਉਂਦੇ ਦੇਖ ਲਿਆ ਸੀ ਤਾਂ ਕੀਤਾ ਸੀ ਕਤਲ, ਪਿਓ ਵੀ ਜੇਲ੍ਹ ‘ਚੋਂ ਹੀ ਆਇਆ ਬਾਹਰ
ਲਖੀਮਪੁਰ ਖੇੜੀ (ਵੀਓਪੀ ਬਿਊਰੋ) ਯੂਪੀ ਦੇ ਲਖੀਮਪੁਰ ਖੇੜੀ ਵਿੱਚ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਆਪਣੇ ਬੇਟੇ ਦੇ ਕਤਲ ਦਾ ਬਦਲਾ ਲੈਣ ਲਈ ਇੱਕ ਵਿਅਕਤੀ ਨੇ ਪਹਿਲਾਂ ਵਕੀਲ ਦੀ ਮਦਦ ਨਾਲ ਕਾਤਲ ਨੂੰ ਛੁਡਵਾਇਆ ਅਤੇ ਫਿਰ ਉਸ ਦਾ ਕਤਲ ਕਰ ਦਿੱਤਾ। ਪੁੱਤਰ ਦਾ ਕਾਤਲ ਉਸ ਆਦਮੀ ਦਾ ਨਜ਼ਦੀਕੀ ਰਿਸ਼ਤੇਦਾਰ ਹੀ ਸੀ।
ਮੀਡੀਆ ਰਿਪੋਰਟਾਂ ਮੁਤਾਬਕ ਮਿਤੌਲੀ ਇਲਾਕੇ ‘ਚ 50 ਸਾਲਾ ਕਿਸਾਨ ਦੇ 14 ਸਾਲਾ ਬੇਟੇ ਦਾ ਕਤਲ ਉਸ ਦੀ ਪਤਨੀ ਅਤੇ ਕਰੀਬੀ ਰਿਸ਼ਤੇਦਾਰ ਨੇ ਕਰ ਦਿੱਤਾ ਸੀ। ਸ਼ੁੱਕਰਵਾਰ ਰਾਤ ਨੂੰ 47 ਸਾਲਾ ਸ਼ਤਰੂਘਨ ਲਾਲਾ ਦੇ ਸਿਰ ‘ਚ ਤਿੰਨ ਗੋਲੀਆਂ ਲੱਗੀਆਂ ਅਤੇ ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਪੁਲਿਸ ਮੁਤਾਬਕ ਕਾਸ਼ੀ ਦੀ ਪਤਨੀ ਨੇ ਲਾਲਾ ਦੀ ਮਦਦ ਨਾਲ 2021 ‘ਚ ਆਪਣੇ ਹੀ ਬੇਟੇ ਜਤਿੰਦਰ ਦਾ ਕਤਲ ਕਰ ਦਿੱਤਾ ਸੀ। ਜਦੋਂ ਲੜਕੇ ਨੇ ਕਥਿਤ ਤੌਰ ‘ਤੇ ਦੋਵਾਂ ਨੂੰ ਇਤਰਾਜ਼ਯੋਗ ਹਾਲਤ ‘ਚ ਦੇਖਿਆ। ਉਸ ਸਮੇਂ 50 ਸਾਲਾ ਕਿਸਾਨ ਇੱਕ ਵੱਖਰੇ ਕੇਸ ਵਿੱਚ ਜੇਲ੍ਹ ਵਿੱਚ ਸੀ।
ਪੁਲਿਸ ਨੇ ਕਿਹਾ ਕਿ ਔਰਤ ਅਤੇ ਲਾਲਾ ਨੂੰ ਬਾਅਦ ਵਿਚ ਨਾਬਾਲਗ ਦੀ ਹੱਤਿਆ ਦੇ ਦੋਸ਼ ਵਿਚ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਜੇਲ੍ਹ ਭੇਜ ਦਿੱਤਾ ਗਿਆ, ਪਰ ਕਾਸ਼ੀ ਹਮੇਸ਼ਾ ਆਪਣੇ ਪੁੱਤਰ ਦੀ ਮੌਤ ਦਾ ਬਦਲਾ ਲੈਣਾ ਚਾਹੁੰਦਾ ਸੀ। ਮੰਨਿਆ ਜਾਂਦਾ ਹੈ ਕਿ ਦਸੰਬਰ 2022 ਵਿੱਚ ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ, ਕਾਸ਼ੀ ਨੇ ਲਾਲਾ ਦੀ ਜ਼ਮਾਨਤ ਯਕੀਨੀ ਬਣਾਉਣ ਲਈ ਇੱਕ ਵਕੀਲ ਨੂੰ ਹਾਇਰ ਕੀਤਾ ਸੀ। ਲਾਲਾ ਨੂੰ ਅਪ੍ਰੈਲ ਦੇ ਪਹਿਲੇ ਹਫਤੇ ਜ਼ਮਾਨਤ ਮਿਲ ਗਈ ਸੀ ਅਤੇ ਉਦੋਂ ਤੋਂ ਹੀ ਕਾਸ਼ੀ ਉਸਨੂੰ ਮਾਰਨ ਦਾ ਮੌਕਾ ਲੱਭ ਰਿਹਾ ਸੀ।
ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੇ ਮਾਮਲੇ ‘ਚ ਕਾਸ਼ੀ ਖਿਲਾਫ ਸਬੂਤ ਬਰਾਮਦ ਕਰ ਲਏ ਹਨ। ਸਾਲ 2021 ‘ਚ ਉਨ੍ਹਾਂ ਦਾ 14 ਸਾਲ ਦਾ ਬੇਟਾ ਜਤਿੰਦਰ ਅਚਾਨਕ ਘਰੋਂ ਗਾਇਬ ਹੋ ਗਿਆ ਸੀ। ਕੁਝ ਦਿਨਾਂ ਬਾਅਦ ਉਸ ਦੀ ਲਾਸ਼ ਨਦੀ ਦੇ ਕੰਢੇ ਪਈ ਮਿਲੀ।
