ਪਾਕਿਸਤਾਨੀ ਕ੍ਰਿਕਟ ਬੋਰਡ ਨੇ ਦਿੱਤੀ ਚਿਤਾਵਨੀ, ਕਿਹਾ- ਅਸੀ ਨਹੀਂ ਖੇਡਣਾ ਏਸ਼ੀਆ ਕੱਪ, ਇਸ ਕਾਰਨ ਕਰ ਰਿਹੈ ਪਾਕਿ ਵਿਰੋਧ
ਨਵੀਂ ਦਿੱਲੀ (ਵੀਓਪੀ ਬਿਊਰੋ) ਪਾਕਿਸਤਾਨ ਕ੍ਰਿਕਟ ਬੋਰਡ ਦੇ ਅਧਿਕਾਰੀਆਂ ਨੇ ਇਸ ਸਾਲ ਹੋਣ ਵਾਲੇ ਏਸ਼ੀਆ ਕੱਪ ਨੂੰ ਸ਼੍ਰੀਲੰਕਾ ‘ਚ ਸ਼ਿਫਟ ਕਰਨ ਦਾ ਵਿਰੋਧ ਕੀਤਾ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜੇਕਰ ਏਸ਼ੀਅਨ ਕ੍ਰਿਕੇਟ ਕਾਉਂਸਿਲ ਨੇ ਉਨ੍ਹਾਂ ਦੇ ਪ੍ਰਸਤਾਵ ਨੂੰ ਸਵੀਕਾਰ ਨਹੀਂ ਕੀਤਾ ਤਾਂ ਉਹ ਇਸ ਏਸ਼ਿਆਈ ਟੂਰਨਾਮੈਂਟ ਦਾ ਬਾਈਕਾਟ ਕਰ ਦੇਣਗੇ। ਪੀਸੀਬੀ ਦੇ ਮੁਖੀ ਨਜਮ ਸੇਠੀ ਨੇ ਮੰਗਲਵਾਰ ਨੂੰ ਦੁਬਈ ਵਿੱਚ ਏਸੀਸੀ ਅਧਿਕਾਰੀਆਂ ਨਾਲ ਮੁਲਾਕਾਤ ਕੀਤੀ ਅਤੇ ਏਸ਼ੀਆ ਕੱਪ ਨੂੰ ਯੂਏਈ ਦੀ ਬਜਾਏ ਸ਼੍ਰੀਲੰਕਾ ਵਿੱਚ ਤਬਦੀਲ ਕਰਨ ਦੇ ਕਦਮ ‘ਤੇ ਇਤਰਾਜ਼ ਜਤਾਇਆ।
ਪੀਸੀਬੀ ਦੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਸੇਠੀ ਨੇ ਜ਼ੋਰ ਦੇ ਕੇ ਕਿਹਾ ਹੈ ਕਿ ਏਸੀਸੀ ਨੂੰ ਏਸ਼ੀਆ ਕੱਪ 2023 ਲਈ ਪਾਕਿਸਤਾਨ ਦੇ ਸੰਸ਼ੋਧਿਤ ਹਾਈਬ੍ਰਿਡ ਮਾਡਲ ਪ੍ਰਸਤਾਵ ਨੂੰ ਸਵੀਕਾਰ ਕਰਨਾ ਚਾਹੀਦਾ ਹੈ ਅਤੇ ਜੇਕਰ ਬਹੁਗਿਣਤੀ ਮੈਂਬਰ ਚਾਹੁੰਦੇ ਹਨ ਕਿ ਇਸ ਨੂੰ ਕਿਤੇ ਹੋਰ ਕਰਵਾਇਆ ਜਾਵੇ ਤਾਂ ਇਸ ਨੂੰ 2018 ਤੋਂ 2022 ਦਰਮਿਆਨ ਯੂਏਈ ਵਿੱਚ ਆਯੋਜਿਤ ਕੀਤਾ ਜਾਣਾ ਚਾਹੀਦਾ ਹੈ। ਸੇਠੀ ਨੇ ਏਸੀਸੀ ਨੂੰ ਬੀਸੀਸੀਆਈ ਦੀ ਚਿੰਤਾ ਬਾਰੇ ਵੀ ਦੱਸਿਆ ਹੈ, ਜਿਸ ਵਿੱਚ ਬੀਸੀਸੀਆਈ ਨੇ ਯੂਏਈ ਦੀ ਗਰਮੀ ਦਾ ਜ਼ਿਕਰ ਕੀਤਾ ਹੈ।
ਬੀਸੀਸੀਆਈ ਨੇ ਏਸੀਸੀ ਨੂੰ ਕਿਹਾ ਹੈ ਕਿ ਸਤੰਬਰ ਵਿੱਚ ਯੂਏਈ ਵਿੱਚ ਖੇਡਣਾ ਬਹੁਤ ਕਠਨ ਹੈ ਕਿਉਂਕਿ ਉੱਥੇ ਬਹੁਤ ਗਰਮੀ ਹੋਵੇਗੀ, ਪਰ ਉਹ ਪਹਿਲਾਂ ਹੀ ਸਤੰਬਰ ਤੋਂ ਨਵੰਬਰ 2020 ਵਿੱਚ ਯੂਏਈ ਵਿੱਚ ਆਪਣੇ ਆਈਪੀਐਲ ਦਾ ਆਯੋਜਨ ਕਰਵਾ ਚੁੱਕੇ ਹਨ। ਇਸ ਤਰ੍ਹਾਂ, ਸੇਠੀ ਨੇ ਏਸੀਸੀ ਨੂੰ ਇੱਕ ਨਵਾਂ ਹਾਈਬ੍ਰਿਡ ਮਾਡਲ ਅਨੁਸੂਚੀ ਦੀ ਪੇਸ਼ਕਸ਼ ਕੀਤੀ ਹੈ ਅਤੇ ਇਹ ਇੱਕ ਅਜਿਹੀ ਪੇਸ਼ਕਸ਼ ਹੈ ਜਿਸਨੂੰ ਉਹਨਾਂ ਨੂੰ ਹੁਣ ਇਨਕਾਰ ਨਹੀਂ ਕਰਨਾ ਚਾਹੀਦਾ ਹੈ। ਪੀਸੀਬੀ ਵੀ ਹੈਰਾਨ ਹੈ ਕਿ ਸ਼੍ਰੀਲੰਕਾ ਕ੍ਰਿਕਟ ਬੋਰਡ ਬੀਸੀਸੀਆਈ ਨੂੰ ਪਿੱਛੇ ਤੋਂ ਸਮਰਥਨ ਦੇ ਰਿਹਾ ਹੈ।
