ਸਿਰਫਿਰੇ ਨੇ 16 ਸਾਲ ਦੀ ਲੜਕੀ ਨੂੰ ਗਲੀ ‘ਚ ਰੋਕ ਕੇ 40 ਵਾਰ ਮਾਰਿਆ ਚਾਕੂ, ਫਿਰ ਵੀ ਮਨ ਨਾ ਭਰਿਆ ਤਾਂ ਸਿਰ ‘ਚ ਪੱਥਰ ਮਾਰ ਕੇ ਕੀਤਾ ਕਤਲ, ਨੇੜੇ ਦੀ ਚੁੱਪ-ਚਾਪ ਲੰਘਦੇ ਰਹੇ ਲੋਕ
ਵੀਓਪੀ ਬਿਊਰੋ – ਨਵੀਂ ਦਿੱਲੀ ਵਿੱਚ ਇੱਕ ਨਾਬਾਲਿਗ ਦੇ ਕਤਲ ਦੀ ਸਨਸਨੀਖੇਜ਼ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ। ਰਾਜਧਾਨੀ ਦੇ ਸ਼ਾਹਬਾਦ ਡੇਅਰੀ ਇਲਾਕੇ ‘ਚ ਸਾਹਿਲ ਨਾਂ ਦੇ ਵਿਅਕਤੀ ਨੇ 16 ਸਾਲਾ ਸਾਕਸ਼ੀ ਦਾ ਚਾਕੂ ਨਾਲ 40 ਵਾਰ ਹਮਲਾ ਕਰ ਕੇ ਅਤੇ ਫਿਰ ਸਿਰ ‘ਚ ਪੱਥਰ ਮਾਰ ਕੇ ਕਤਲ ਕਰ ਦਿੱਤਾ। ਸੀਸੀਟੀਵੀ ਫੁਟੇਜ ‘ਚ ਦੇਖਿਆ ਗਿਆ ਕਿ ਦੋਸ਼ੀ ਲੜਕੀ ਨੂੰ ਗਲੀ ‘ਚ ਰੋਕਦਾ ਹੈ ਅਤੇ ਉਸ ‘ਤੇ ਚਾਕੂਆਂ ਨਾਲ ਹਮਲਾ ਕਰਦਾ ਹੈ।
ਇਹ ਮਾਮਲਾ ਦਿੱਲੀ ਦੇ ਬਾਹਰੀ ਉੱਤਰੀ ਜ਼ਿਲ੍ਹੇ ਦੇ ਸ਼ਾਹਬਾਦ ਡੇਅਰੀ ਥਾਣਾ ਖੇਤਰ ਦਾ ਹੈ। ਕਿਸੇ ਮੁਖ਼ਬਰ ਨੇ ਪੁਲਿਸ ਮੁਲਾਜ਼ਮਾਂ ਨੂੰ ਲੜਕੀ ‘ਤੇ ਹੋਏ ਹਮਲੇ ਦੀ ਸੂਚਨਾ ਦਿੱਤੀ ਅਤੇ ਉਨ੍ਹਾਂ ਨੂੰ ਤੁਰੰਤ ਮੌਕੇ ‘ਤੇ ਆਉਣ ਲਈ ਕਿਹਾ। ਪੁਲਿਸ ਟੀਮ ਨੇ ਮੌਕੇ ‘ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਕੀਤੀ। ਪਤਾ ਲੱਗਾ ਹੈ ਕਿ ਨਾਬਾਲਿਗ ਲੜਕੀ ਗਲੀ ‘ਚੋਂ ਲੰਘ ਰਹੀ ਸੀ ਕਿ ਅਚਾਨਕ ਇਕ ਲੜਕੇ ਨੇ ਉਸ ਨੂੰ ਰੋਕ ਲਿਆ ਅਤੇ ਚਾਕੂ ਨਾਲ ਉਸ ‘ਤੇ ਹਮਲਾ ਕਰ ਦਿੱਤਾ। ਇਸ ਤੋਂ ਵੀ ਉਹ ਸੰਤੁਸ਼ਟ ਨਹੀਂ ਹੋਇਆ ਤਾਂ ਦੋਸ਼ੀਆਂ ਨੇ ਉਸ ‘ਤੇ ਪੱਥਰ ਨਾਲ ਹਮਲਾ ਕਰ ਦਿੱਤਾ।
ਸਾਹਿਲ ਗਲੀ ਵਿੱਚ ਚਾਕੂ ਨਾਲ ਹਮਲਾ ਕਰਦਾ ਰਿਹਾ ਅਤੇ ਕਿਸੇ ਨੇ ਸਾਕਸ਼ੀ ਨੂੰ ਵੀ ਨਹੀਂ ਬਚਾਇਆ। ਪੁਲਿਸ ਜਾਂਚ ਵਿੱਚ ਮ੍ਰਿਤਕ ਦੀ ਪਛਾਣ 16 ਸਾਲਾ ਸਾਕਸ਼ੀ ਅਤੇ ਮੁਲਜ਼ਮ ਦੀ ਪਛਾਣ ਸਾਹਿਲ ਪੁੱਤਰ ਸਰਫਰਾਜ਼ ਵਜੋਂ ਹੋਈ ਹੈ। ਨਾਬਾਲਿਗ ਲੜਕੀ ਈ-36 ਜੇਜੇ ਕਲੋਨੀ ਵਾਸੀ ਜਨਕਰਾਜ ਦੀ ਪੁੱਤਰੀ ਸੀ। ਪੁਲਿਸ ਨੇ ਦੱਸਿਆ ਕਿ ਸਾਹਿਲ ਅਤੇ ਸਾਕਸ਼ੀ ਰਿਲੇਸ਼ਨਸ਼ਿਪ ਵਿੱਚ ਸਨ। ਪਰ ਐਤਵਾਰ ਨੂੰ ਉਨ੍ਹਾਂ ਦੀ ਲੜਾਈ ਹੋ ਗਈ।
