ਚੋਟੀ ਦੀ ਅਦਾਕਾਰਾ ਦੀ ਫੇਕ ਵੀਡੀਓ ਬਣਾ ਕੇ ਕੀਤੀ ਵਾਇਰਲ, ਅਮਿਤਾਭ ਬੱਚਨ ਨੇ ਕਿਹਾ, ਕਾਰਵਾਈ ਹੋਣੀ ਚਾਹੀਦੀ
ਵੀਓਪੀ ਬਿਊਰੋ, ਨਵੀਂ ਦਿੱਲੀ : ਮਸ਼ਹੂਰ ਹਸਤੀਆਂ ਦੀਆਂ ਐਡਿਟ ਕੀਤੀਆਂ ਫੋਟੋਆਂ ਹਰ ਰੋਜ਼ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਇਸ ਵਾਰ ਰਸ਼ਮਿਕਾ ਮੰਦਾਨਾ ਦਾ ਐਡਿਟਿਡ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਵੇਖ ਰਸ਼ਮਿਕਾ ਦੇ ਪ੍ਰਸ਼ੰਸਕ ਭੜਕ ਉਠੇ। ਉਧਰ, ਅਭਿਨੇਤਾ ਅਮਿਤਾਭ ਬੱਚਨ ਨੇ ਵੀ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਹੈ। ਰਸ਼ਮਿਕਾ ਮੰਦਾਨਾ ਦਾ ਡੀਪਫੇਕ ਵੀਡੀਓ ਵਾਇਰਲ ਹੋਇਆ।
ਦਰਅਸਲ, ਸ਼ੁੱਕਰਵਾਰ ਨੂੰ ਰਸ਼ਮਿਕਾ ਮੰਦਾਨਾ ਦਾ ਇੱਕ ਵੀਡੀਓ ਇੰਟਰਨੈੱਟ ‘ਤੇ ਵਾਇਰਲ ਹੋਇਆ ਸੀ। ਕਲਿੱਪ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਅਦਾਕਾਰਾ ਕਾਲੇ ਰੰਗ ਦੇ ਡੀਪ ਨੇਕ ਟਾਈਟ ਜਿਮ ਵੇਅਰ ‘ਚ ਲਿਫਟ ਦੇ ਅੰਦਰ ਆਈ ਸੀ। ਜਿਵੇਂ ਹੀ ਰਸ਼ਮਿਕਾ ਦਾ ਇਹ ਬੋਲਡ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ, ਪ੍ਰਸ਼ੰਸਕਾਂ ਨੂੰ ਗੁੱਸਾ ਆ ਗਿਆ। ਅਸਲ ‘ਚ ਵੀਡੀਓ ‘ਚ ਇਹ ਰਸ਼ਮੀਕਾ ਨਹੀਂ ਬਲਕਿ ਜ਼ਾਰਾ ਪਟੇਲ ਹੈ।
ਵੀਡੀਓ ਪੋਸਟ ਕਰਦੇ ਹੋਏ ਇੱਕ ਯੂਜ਼ਰ ਨੇ ਲਿਖਿਆ, “ਭਾਰਤ ਵਿੱਚ ਡੀਪ ਫੇਕ ਨਾਲ ਨਜਿੱਠਣ ਲਈ ਇੱਕ ਕਾਨੂੰਨੀ ਅਤੇ ਰੈਗੂਲੇਟਰੀ ਫਰੇਮਵਰਕ ਬਹੁਤ ਜ਼ਰੂਰੀ ਹੈ। ਤੁਸੀਂ ਅਦਾਕਾਰਾ ਰਸ਼ਮਿਕਾ ਮੰਦਾਨਾ ਦਾ ਇਹ ਵਾਇਰਲ ਵੀਡੀਓ ਇੰਸਟਾਗ੍ਰਾਮ ‘ਤੇ ਦੇਖਿਆ ਹੋਵੇਗਾ, ਪਰ ਇਹ ਵੀਡੀਓ ਉਸ ਦਾ ਨਹੀਂ, ਸਗੋਂ ਜ਼ਾਰਾ ਦਾ ਹੈ। ਅਮਿਤਾਭ ਬੱਚਨ ਰਸ਼ਮਿਕਾ ਮੰਦਾਨਾ ਦੀ ਫਰਜ਼ੀ ਵੀਡੀਓ ਨੂੰ ਲੈ ਕੇ ਗੁੱਸੇ ‘ਚ ਹਨ
ਅਮਿਤਾਭ ਬੱਚਨ ਵੀ ਰਸ਼ਮਿਕਾ ਮੰਦਾਨਾ ਦੇ ਵਾਇਰਲ ਹੋ ਰਹੇ ਇਸ ਡੀਪਫੇਕ ਵੀਡੀਓ ਤੋਂ ਨਾਰਾਜ਼ ਹਨ। ਬਿੱਗ ਬੀ ਨੇ ਸੋਸ਼ਲ ਮੀਡੀਆ ‘ਤੇ ਗੁੱਸਾ ਜ਼ਾਹਰ ਕੀਤਾ ਹੈ ਅਤੇ ਕਾਨੂੰਨੀ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ। ਮਾਈਕ੍ਰੋ ਬਲੌਗਿੰਗ ਸਾਈਟ ਐਕਸ (ਟਵਿੱਟਰ) ‘ਤੇ ਵਾਇਰਲ ਵੀਡੀਓ ਸ਼ੇਅਰ ਕਰਦੇ ਹੋਏ ਅਮਿਤਾਭ ਨੇ ਲਿਖਿਆ, “ਹਾਂ, ਇਹ ਕਾਨੂੰਨੀ ਤੌਰ ‘ਤੇ ਮਜ਼ਬੂਤ ਮਾਮਲਾ ਹੈ।”
ਇੰਨਾ ਹੀ ਨਹੀਂ ਬਿੱਗ ਬੀ ਨੇ ਵਾਇਰਲ ਵੀਡੀਓ ਦੀ ਸੱਚਾਈ ਦੱਸਦੇ ਹੋਏ ਇਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ, ਜਿਸ ‘ਚ ਜ਼ਾਰਾ ਪਟੇਲ ਨਜ਼ਰ ਆ ਰਹੀ ਹੈ। ਕਲਿੱਪ ਦੇ ਨਾਲ, ਅਮਿਤਾਭ ਨੇ ਕੈਪਸ਼ਨ ਵਿੱਚ ਲਿਖਿਆ, “ਜਾਣਕਾਰੀ।”
