ਮਸ਼ਹੂਰ ਬਾਲੀਵੁੱਡ ਨਿਰਦੇਸ਼ਕ ਦੀ ਬਾਥਰੂਮ ‘ਚੋਂ ਮਿਲੀ ਲਾ+ਸ਼
ਮੁੰਬਈ (ਵੀਓਪੀ ਬਿਊਰੋ)- ਨਾਗਿਨ ਅਤੇ ਜਾਨੀ ਦੁਸ਼ਮਨ ਵਰਗੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕਰਨ ਵਾਲੇ ਮਸ਼ਹੂਰ ਫਿਲਮ ਨਿਰਦੇਸ਼ਕ ਰਾਜਕੁਮਾਰ ਕੋਹਲੀ ਦਾ ਅੱਜ ਦਿਹਾਂਤ ਹੋ ਗਿਆ। ਉਹ 93 ਸਾਲ ਦੇ ਸਨ। ਫਿਲਮ ਨਿਰਮਾਤਾ ਨੂੰ ਅੱਜ ਸਵੇਰੇ 8 ਵਜੇ ਦਿਲ ਦਾ ਦੌਰਾ ਪਿਆ।
ਅੱਜ ਸ਼ਾਮ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ। ਉਹ ਅਦਾਕਾਰ ਅਤੇ ‘ਬਿੱਗ ਬੌਸ’ ਫੇਮ ਅਰਮਾਨ ਕੋਹਲੀ ਦੇ ਪਿਤਾ ਸਨ। ਅਰਮਾਨ ਦੇ ਕਰੀਬੀ ਦੋਸਤ ਵਿਜੇ ਗਰੋਵਰ ਨੇ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਰਾਜ ਕੁਮਾਰ ਸ਼ੁੱਕਰਵਾਰ ਸਵੇਰੇ ਨਹਾਉਣ ਲਈ ਬਾਥਰੂਮ ਗਿਆ ਸੀ ਪਰ ਕਾਫੀ ਦੇਰ ਤੱਕ ਜਦੋਂ ਉਹ ਬਾਹਰ ‘ਚ ਨਹੀਂ ਆਇਆ ਤਾਂ ਉਸ ਦਾ ਲੜਕਾ ਅਰਮਾਨ ਦਰਵਾਜ਼ਾ ਤੋੜ ਕੇ ਅੰਦਰ ਚਲਾ ਗਿਆ। ਜਿੱਥੇ ਉਸ ਦਾ ਪਿਤਾ ਬੇਹੋਸ਼ ਪਿਆ ਮਿਲਿਆ। ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਰਾਜਕੁਮਾਰ ਕੋਹਲੀ ਨੇ 90 ਦੇ ਦਹਾਕੇ ਦੀ ਮਸ਼ਹੂਰ ਅਦਾਕਾਰਾ ਨਿਸ਼ੀ ਨਾਲ ਵਿਆਹ ਕੀਤਾ ਸੀ।
ਨਿਸ਼ੀ ਨੇ ਅਰਮਾਨ ਅਤੇ ਰਜਨੀਸ਼ ਨੂੰ ਜਨਮ ਦਿੱਤਾ। ਰਜਨੀਸ਼ ਦੀ ਤਿੰਨ ਸਾਲ ਪਹਿਲਾਂ ਕਿਡਨੀ ਫੇਲ ਹੋਣ ਕਾਰਨ ਮੌਤ ਹੋ ਗਈ ਸੀ। ਰਜਨੀਸ਼ ਦੀ ਉਮਰ ਸਿਰਫ਼ 44 ਸਾਲ ਸੀ। ਦੱਸ ਦੇਈਏ ਕਿ ਅਰਮਾਨ ਦਾ ਛੋਟਾ ਭਰਾ ਅਪਾਹਜ ਸੀ। ਲੋਕ ਉਸਨੂੰ ਪਿਆਰ ਨਾਲ ਗੋਗੀ ਕਹਿੰਦੇ ਸਨ। ਅਰਮਾਨ ਲਈ ਉਹ ਭਰਾ ਨਾਲੋਂ ਪੁੱਤਰ ਵਰਗਾ ਸੀ। ਰਜਨੀਸ਼ ਦੀ ਦੇਖਭਾਲ ਦੀ ਸਾਰੀ ਜ਼ਿੰਮੇਵਾਰੀ ਅਰਮਾਨ ਦੇ ਮੋਢਿਆਂ ‘ਤੇ ਸੀ।
