ਪਤੀ ਦੇ ਲਾਪਤਾ ਹੋਣ ਦੀ ਅਫਵਾਹ ਫੈਲਾ ਪ੍ਰੇਮੀ ਨਾਲ ਰਹਿਣ ਲੱਗੀ, ਗੁਪਤ ਤਰੀਕੇ ਨਾਲ ਪੁਲਿਸ ਨੇ ਕੀਤੀ ਜਾਂਚ ਤਾਂ ਘਿਨੌਣੀ ਕਰਤੂਤ ਦਾ ਹੋਇਆ ਖੁਲਾਸਾ
ਵੀਓਪੀ ਬਿਊਰੋ, ਨੈਸ਼ਨਲ-ਡੇਢ ਸਾਲ ਪਹਿਲਾਂ ਇੱਕ ਔਰਤ ਆਪਣੇ ਪਤੀ ਦੇ ਲਾਪਤਾ ਹੋਣ ਦੀ ਅਫਵਾਹ ਫੈਲਾ ਕੇ ਆਪਣੇ ਪ੍ਰੇਮੀ ਨਾਲ ਦਿਨ ਤੇ ਰਾਤਾਂ ਬਿਤਾਉਣ ਲੱਗੀ। ਉਧਰ, ਪੁਲਿਸ ਨੇ ਮਾਮਲਾ ਤਾਂ ਦਰਜ ਨਹੀਂ ਕੀਤਾ ਪਰ ਸ਼ੱਕ ਹੋਣ ਉਤੇ ਗੁਪਤ ਤਰੀਕੇ ਨਾਲ ਜਾਂਚ ਜਾਰੀ ਰੱਖੀ। ਜਾਂਚ ਕਰਦੇ ਹੋਏ ਪੁਲਿਸ ਨੂੰ ਉਕਤ ਔਰਤ ਦੇ ਘਿਨਾਉਣੇ ਅਪਰਾਧ ਬਾਰੇ ਪਤਾ ਚੱਲਿਆ। ਇਹ ਮਾਮਲਾ ਗੁਜਰਾਤ ਦੇ ਅਹਿਮਦਾਬਾਦ ਦਾ ਹੈ।
ਪੁਲਿਸ ਦੀ ਜਾਂਚ ਵਿਚ ਖੁਲਾਸਾ ਹੋਇਆ ਕਿ ਮਹਿਲਾ ਦਾ ਪਤੀ ਲਾਪਤਾ ਨਹੀਂ ਹੋਇਆ ਸਗੋਂ ਮਹਿਲਾ ਤੇ ਉਸ ਦੇ ਪ੍ਰੇਮੀ ਨੇ ਉਸ ਦੀ ਹੱਤਿਆ ਕਰ ਦਿੱਤੀ। ਪਤੀ ਨੂੰ ਮਾਰਨੇ ਲਈ ਪ੍ਰੇਮੀ ਦੇ ਨਾਲ ਕੌਫੀ ਵਿਚ ਨੀਂਦ ਦੀਆਂ ਗੋਲ਼ੀਆਂ ਮਿਲਾ ਕੇ ਪਿਆਈਆਂ ਸੀ। ਪਤੀ ਦੇ ਬੇਹੋਸ਼ ਹੋਣ ਦੇ ਬਾਅਦ ਔਰਤ ਨੇ ਪ੍ਰੇਮੀ ਦੇ ਨਾਲ ਮਿਲਕਰ ਰੱਸੀ ਨਾਲ ਉਸ ਦਾ ਗਲਾ ਘੋਟਿਆ ਸੀ। ਪਤੀ ਦੀ ਮੌਤ ਮਗਰੋਂ ਲਾ.ਸ਼ ਨੂੰ ਸਾਬਰਮਤੀ ਈਸਟ ਰਿਵਰਫ੍ਰੰਟ ਪੁਲਿਸ ਸਟੇਸ਼ਨ ਵੱਲ ਸੁੰਨਸਾਨ ਇਲਾਕੇ ਵਿੱਚ ਨਦੀ ਦੇ ਕਿਨਾਰੇ ਸੁੱਟ ਦਿੱਤਾ। ਫਿਰ ਪਤੀ ਦੇ ਗਾਇਬ ਹੋਣ ਦੀ ਝੂਠੀ ਅਫਵਾਹ ਫੈਲਾ ਦਿੱਤੀ। ਇਸ ਮਾਮਲੇ ‘ਚ ਕੋਈ ਕੇਸ ਤਾਂ ਦਰਜ ਨਹੀਂ ਹੋਇਆ ਪਰ ਜਾਂਚ ‘ਚ ਜੁਟੀ ਰਹੀ। ਅਹਿਮਦਾਬਾਦ ਗਿਰਕ੍ਰਾਮ ਬ੍ਰਾਂਚ ਨੇ ਪ੍ਰੀਤਮ-ਪ੍ਰੇਮਿਕਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਸੂਤਰਾਂ ਨੇ ਅਹਿਮਦਾਬਾਦ ਆਈਐਮ ਬ੍ਰਾਂਚ ਦੀ ਟੀਮ ਨੂੰ ਦੱਸਿਆ ਕਿ ਸਫ਼ੀਆ ਖਾਤੂਨ ਨੇ ਆਪਣੇ ਪ੍ਰੇਮੀ ਅਹਿਮਦ ਮੁਰਾਦ ਨਾਲ ਮਿਲ ਕੇ ਡੇਢ ਸਾਲ ਪਹਿਲਾਂ ਆਪਣੇ ਪਤੀ ਮੇਹਰਬਾਨ ਖ਼ਾਨ ਦਾ ਕ.ਤ.ਲ ਕਰ ਦਿੱਤਾ ਸੀ ਅਤੇ ਕ.ਤ.ਲ ਤੋਂ ਬਾਅਦ ਲਾ.ਸ਼ ਸਾਬਰਮਤੀ ਨਦੀ ਦੇ ਕੰਢੇ ਸੁੱਟ ਦਿੱਤੀ ਸੀ। ਇਸ ਸੂਚਨਾ ਦੇ ਆਧਾਰ ‘ਤੇ ਕ੍ਰਾਈਮ ਬ੍ਰਾਂਚ ਨੇ ਪ੍ਰੇਮੀ ਜੋੜੇ ਨੂੰ ਗ੍ਰਿਫ.ਤਾਰ ਕਰ ਕੇ ਪੁੱਛਗਿੱਛ ਕੀਤੀ। ਇਸ ਦੌਰਾਨ ਦੋਵਾਂ ਨੇ ਆਪਣਾ ਗੁਨਾਹ ਕਬੂਲ ਕਰ ਲਿਆ। ਪੁੱਛਗਿੱਛ ਦੌਰਾਨ ਪੁਲਿਸ ਨੂੰ ਪਤਾ ਲੱਗਾ ਕਿ ਸਫੀਆ ਅਤੇ ਅਹਿਮਦ ਵਿਚਾਲੇ ਕਰੀਬ 2 ਸਾਲ ਪਹਿਲਾਂ ਪ੍ਰੇਮ ਸਬੰਧ ਬਣ ਗਏ ਸਨ। ਜਿਸ ਵਿੱਚ ਸਫੀਆ ਖਾਤੂਨ ਦਾ ਪਤੀ ਮੇਹਰਬਾਨ ਖਾਨ ਮੁਸੀਬਤ ਬਣ ਰਿਹਾ ਸੀ। ਅਹਿਮਦ ਮੁਰਾਦ ਨੂੰ ਲੈ ਕੇ ਦੋਵਾਂ ‘ਚ ਲੜਾਈ ਹੁੰਦੀ ਰਹਿੰਦੀ ਸੀ।
ਇਸ ਦਾ ਹੱਲ ਕੱਢਣ ਲਈ ਸਫ਼ੀਆ ਨੇ ਡੇਢ ਸਾਲ ਪਹਿਲਾਂ ਇੱਕ ਮੈਡੀਕਲ ਸਟੋਰ ਤੋਂ ਨੀਂਦ ਦੀਆਂ ਗੋਲੀਆਂ ਖਰੀਦੀਆਂ ਅਤੇ ਕੌਫ਼ੀ ਵਿੱਚ ਮਿਲਾ ਕੇ ਆਪਣੇ ਪਤੀ ਮੇਹਰਬਾਨ ਖ਼ਾਨ ਨੂੰ ਬੇਹੋਸ਼ ਕਰ ਦਿੱਤਾ। ਬੇਹੋਸ਼ ਹੋਣ ਤੋਂ ਬਾਅਦ ਪ੍ਰੇਮੀ ਜੋੜੇ ਨੇ ਰਾਤ ਨੂੰ ਮੇਹਰਬਾਨ ਖਾਨ ਦਾ ਰੱਸੀ ਨਾਲ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ। ਲਾਸ਼ ਦਾ ਨਿਪਟਾਰਾ ਕਰਨ ਲਈ ਦੋਵੇਂ ਜਣੇ ਵਾਸਨਾ ਬੈਰਾਜ ਨੂੰ ਜਾਂਦੀ ਕੱਚੀ ਸੜਕ ‘ਤੇ ਗਏ ਅਤੇ ਸਵੇਰੇ ਕਰੀਬ 4.30 ਵਜੇ ਲਾਸ਼ ਨੂੰ ਦਰਿਆ ਦੇ ਕੰਢੇ ਸੁੱਟ ਦਿੱਤਾ। ਬਾਅਦ ਵਿੱਚ, ਲਾ.ਸ਼ ਉੱਤੇ ਖਜੂਰ ਦੀਆਂ ਵੱਡੀਆਂ ਪੱਤੀਆਂ ਰੱਖ ਦਿੱਤੀਆਂ ਗਈਆਂ। ਇਸ ਤੋਂ ਬਾਅਦ ਜਾਂਚ ਦੌਰਾਨ ਪੁਲਿਸ ਨੂੰ ਮੇਹਰਬਾਨ ਦੀ ਲਾ.ਸ਼ ਮਿਲੀ। ਫਿਲਹਾਲ ਮੁਲਜ਼ਮ ਪ੍ਰੇਮੀ ਅਤੇ ਪ੍ਰੇਮਿਕਾ ਖਿਲਾਫ ਸਾਬਰਮਤੀ ਈਸਟ ਰਿਵਰਫਰੰਟ ਪੁਲਸ ਸਟੇਸ਼ਨ ‘ਚ ਮਾਮਲਾ ਦਰਜ ਕਰ ਕੇ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਪੂਰੇ ਮਾਮਲੇ ਬਾਰੇ ਅਹਿਮਦਾਬਾਦ ਕ੍ਰਾਈਮ ਬ੍ਰਾਂਚ ਦੇ ਡੀਸੀਪੀ ਚੈਤੰਨਿਆ ਮੰਡਲਿਕ ਨੇ ਦੱਸਿਆ ਕਿ ਇਹ ਘਟਨਾ ਤੜਕੇ ਸਾਢੇ ਚਾਰ ਵਜੇ ਵਾਪਰੀ ਅਤੇ ਕਤਲ ਤੋਂ ਬਾਅਦ ਲਾ.ਸ਼ ਨੂੰ ਨਦੀ ਦੇ ਕੰਢੇ ਸੁੱਟ ਦਿੱਤਾ ਗਿਆ।
