ਵਿਆਹ ਦਾ ਟੈਂਟ ਲਾਉਣ ਨੂੰ ਲੈ ਕੇ ਗੁਆਂਢੀਆਂ ਨਾਲ ਹੋਈ ਲੜਾਈ, ਛੁੱਟੀ ਆਏ ਫੌਜੀ ਨੇ ਵਰ੍ਹਾਈਆਂ ਅੰਨ੍ਹੇਵਾਹ ਗੋਲੀਆਂ, 2 ਦੀ ਮੌ.ਤ ਤੇ ਲਾੜਾ ਵੀ ਜ਼ਖਮੀ
ਯੂ.ਪੀ. (ਵੀਓਪੀ ਬਿਊਰੋ) ਗੋਂਡਾ ਜ਼ਿਲ੍ਹੇ ਦੇ ਛਪੀਆ ਥਾਣਾ ਖੇਤਰ ਦੇ ਇਕ ਪਿੰਡ ‘ਚ ਵਿਆਹ ਦਾ ਟੈਂਟ ਲਗਾਉਣ ਨੂੰ ਲੈ ਕੇ ਹੋਏ ਵਿਵਾਦ ‘ਚ ਫੌਜੀ ਨੇ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਮਿਲ ਕੇ ਗੁਆਂਢੀਆਂ ‘ਤੇ ਗੋਲੀਆਂ ਚਲਾ ਦਿੱਤੀਆਂ। ਗੋਲੀਬਾਰੀ ‘ਚ ਦੋ ਦੀ ਮੌਤ ਹੋ ਗਈ ਜਦਕਿ ਲਾੜੇ ਸਮੇਤ ਪੰਜ ਲੋਕ ਗੰਭੀਰ ਰੂਪ ‘ਚ ਜ਼ਖਮੀ ਹੋ ਗਏ। ਫੌਜੀ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ।
ਛਾਪਿਆ ਥਾਣਾ ਖੇਤਰ ਦੇ ਪਿੰਡ ਮਾਹੁਲੀਖੋਰੀ ਦੇ ਬਾਬੂਰਾਮ ਜੈਸਵਾਲ ਦੇ ਛੋਟੇ ਬੇਟੇ ਅਮਨਦੀਪ ਉਰਫ ਵਿੱਕੀ ਦਾ ਵਿਆਹ ਮੰਗਲਵਾਰ ਨੂੰ ਹੋਣਾ ਸੀ, ਜਿਸ ਦੀਆਂ ਤਿਆਰੀਆਂ ਘਰ ‘ਚ ਚੱਲ ਰਹੀਆਂ ਸਨ।ਇਸ ਦੌਰਾਨ ਭਾਰਤੀ ਫੌਜ ਦੇ ਸਿਪਾਹੀ ਸੀਤਾਰਾਮ ਯਾਦਵ ਨਾਲ ਗਲੀ ‘ਚ ਤਖਤੀ ਲਗਾਉਣ ਨੂੰ ਲੈ ਕੇ ਝਗੜਾ ਹੋ ਗਿਆ।
ਇਸ ਤੋਂ ਗੁੱਸੇ ‘ਚ ਆਏ ਸੀਤਾਰਾਮ ਯਾਦਵ ਨੇ ਬਾਬੂਰਾਮ ਜੈਸਵਾਲ ਦੇ ਪਰਿਵਾਰਕ ਮੈਂਬਰਾਂ ‘ਤੇ ਗੋਲੀਆਂ ਚਲਾ ਦਿੱਤੀਆਂ। ਘਟਨਾ ‘ਚ ਲਾੜੇ ਅਮਨਦੀਪ ਦੀ ਲੱਤ ‘ਚ ਗੋਲੀ ਲੱਗ ਗਈ, ਜਦਕਿ ਮਾਸੀ ਚੰਦਰਪਤੀ (60) ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਸਾਰੇ ਜ਼ਖ਼ਮੀਆਂ ਨੂੰ ਇਲਾਜ ਲਈ ਸੀਐਚਸੀ ਲਿਜਾਇਆ ਗਿਆ ਹੈ। ਡਾਕਟਰਾਂ ਨੇ ਦੋ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਇਸ ਪ੍ਰੋਗਰਾਮ ‘ਚ ਹਿੱਸਾ ਲੈਣ ਲਈ ਹੀ ਜਵਾਨ ਸੀਤਾਰਾਮ ਯਾਦਵ ਛੁੱਟੀ ‘ਤੇ ਆਇਆ ਸੀ।
ਪੀੜਤ ਪਰਿਵਾਰ ਦੀ ਰੀਟਾ ਦੇਵੀ ਨੇ ਦੱਸਿਆ ਕਿ ਮੇਰੇ ਪਤੀ ਰਾਮਦੇਵ, ਲੜਕੀ ਪਿੰਕੀ, ਭਾਬੀ ਚੰਦਰਪਤੀ, ਵੱਡਾ ਬੇਟਾ ਸਤਿਅਮ, ਗੁਆਂਢੀ ਲੜਕੀ ਲਕਸ਼ਮੀ, ਬੇਟੀ ਰਾਮਤੀਰਥ ਅਤੇ ਅਮਨਦੀਪ ਨੂੰ ਗੋਲੀ ਲੱਗੀ ਹੈ। ਇਸ ਘਟਨਾ ਨੇ ਵਿਆਹ ਦੀਆਂ ਖੁਸ਼ੀਆਂ ਨੂੰ ਸੋਗ ਵਿੱਚ ਬਦਲ ਦਿੱਤਾ।
