ਵਿਦਿਆਰਥੀ ਕਰਨ ਲੱਗਾ ਬਹਿਸ ਤਾਂ ਤੈਸ਼ ਵਿਚ ਆਏ ਅਧਿਆਪਕ ਨੇ ਕੱਢ ਲਈ ਬੰਦੂ.ਕ ਤੇ ਮਾਰ ਦਿੱਤੀ ਗੋ.ਲ਼ੀ

ਵੀਓਪੀ ਬਿਊਰੋ, ਇੰਟਰਨੈਸ਼ਨਲ-ਕਲਾਸ ਵਿਚ ਅਧਿਆਪਕ ਨਾਲ ਬਹਿਸ ਕਰਨੀ ਵਿਦਿਆਰਥੀ ਨੂੰ ਮਹਿੰਗੀ ਪੈ ਗਈ। ਬਹਿਸਬਾਜ਼ੀ ਦੌਰਾਨ ਗੁੱਸੇ ਵਿਚ ਆਇਆ ਅਧਿਆਪਕ ਆਪੇ ਤੋਂ ਬਾਹਰ ਹੋ ਗਿਆ ਤੇ ਆਪਣੀ ਬੰਦੂਕ ਕੱਢ ਲਈ ਅਤੇ ਬਹਿਸ ਕਰ ਰਹੇ ਵਿਦਿਆਰਥੀ ਉਤੇ ਗੋ.ਲੀ ਚਲਾ ਦਿੱਤੀ।

ਇਹ ਘਟਨਾ ਬੰਗਲਾਦੇਸ਼ ਦੇ ਇੱਕ ਮੈਡੀਕਲ ਕਾਲਜ ਵਿੱਚ ਵਾਪਰੀ। ਆਡਿਟੀ ਸੈਂਟਰਲ ਦੀ ਰਿਪੋਰਟ ਅਨੁਸਾਰ ਇੱਥੇ ਇੱਕ 23 ਸਾਲ ਦਾ ਲੜਕਾ ਪ੍ਰੀਖਿਆ ਦੇ ਰਿਹਾ ਹੈ। ਇਸ ਦੌਰਾਨ ਉਸ ਨੇ ਕਾਲਜ ਦੇ ਲੈਕਚਰਾਰ ਰੇਹਾਨ ਸ਼ਰੀਫ ਨਾਲ ਬਹਿਸ ਕਰਨੀ ਸ਼ੁਰੂ ਕਰ ਦਿੱਤੀ। ਅਧਿਆਪਕ ਦਾ ਗੁੱਸਾ ਵਧਦਾ ਰਿਹਾ ਅਤੇ ਬਿਨਾਂ ਕੁਝ ਸੋਚੇ ਉਸ ਨੇ ਬੰਦੂਕ ਕੱਢ ਕੇ ਵਿਦਿਆਰਥੀ ‘ਤੇ ਗੋਲੀ ਚਲਾ ਦਿੱਤੀ। ਗੋਲੀ ਦਾ ਨਿਸ਼ਾਨਾ ਵਿਦਿਆਰਥੀ ਦੇ ਸੱਜੇ ਗੋਡੇ ਵੱਲ ਸੀ, ਪਰ ਖੁਸ਼ਕਿਸਮਤੀ ਨਾਲ ਗੋਲੀ ਉਸ ਦੀ ਜੇਬ ਵਿੱਚ ਪਏ ਮੋਬਾਈਲ ਫੋਨ ਨੂੰ ਲੱਗੀ। ਹਾਲਾਂਕਿ ਵਿਦਿਆਰਥੀ ਇੰਨਾ ਜ਼ਖਮੀ ਹੋ ਗਿਆ ਕਿ ਉਸ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਉਣਾ ਪਿਆ ਅਤੇ ਉਸ ਦਾ ਆਪ੍ਰੇਸ਼ਨ ਕਰਨਾ ਪਿਆ।

ਸਥਾਨਕ ਅਖਬਾਰ ਢਾਕਾ ਟ੍ਰਿਬਿਊਨ ਮੁਤਾਬਕ ਅਧਿਆਪਕ ਨੇ ਕਲਾਸ ‘ਚ ਮੌਜੂਦ 45 ਵਿਦਿਆਰਥੀਆਂ ਵਿਚਾਲੇ ਗੋਲੀ ਚਲਾ ਦਿੱਤੀ। ਕੁਝ ਵਿਦਿਆਰਥੀ ਮਦਦ ਲਈ ਭੱਜੇ ਤਾਂ ਕੁਝ ਨੇ ਅਧਿਆਪਕ ਨੂੰ ਕਮਰੇ ‘ਚ ਬੰਦ ਕਰ ਦਿੱਤਾ। ਪੁਲਿਸ ਨੇ ਤੁਰੰਤ ਅਧਿਆਪਕ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਅਧਿਆਪਕ ਦੇ ਬੈਗ ਵਿੱਚੋਂ 81 ਗੋਲੀਆਂ, 4 ਮੈਗਜ਼ੀਨ, 2 ਚਾਕੂ ਅਤੇ 10 ਛੁਰੇ ਵੀ ਬਰਾਮਦ ਹੋਏ ਹਨ। ਜਿਸ ਨੇ ਵੀ ਇਸ ਘਟਨਾ ਬਾਰੇ ਸੁਣਿਆ ਉਹ ਦੰਗ ਰਹਿ ਗਿਆ।