ਘਰਵਾਲੀ ਨਾਲ ਕੁੱਟਮਾਰ ਕਰ ਕੇ ਨੰਨੇ ਬੱਚਿਆਂ ਦਾ ਕਰ’ਤਾ ਕ+ਤਲ, ਪੁਲਿਸ ਲੱਭਣ ਗਈ ਤਾਂ ਮਿਲੀ ਲਾ+ਸ਼
ਨਵੀਂ ਦਿੱਲੀ (ਵੀਓਪੀ ਬਿਊਰੋ) ਪਾਂਡਵ ਨਗਰ ਦੇ ਸ਼ਸ਼ੀ ਗਾਰਡਨ ‘ਚ ਇਕ ਨਾਬਾਲਗ ਭਰਾ-ਭੈਣ ਦਾ ਕਤਲ ਕਰ ਦਿੱਤੇ ਜਾਣ ਅਤੇ ਉਨ੍ਹਾਂ ਦੀ ਮਾਂ ‘ਤੇ ਜਾਨਲੇਵਾ ਹਮਲਾ ਕਰਨ ਦੀ ਖਬਰ ਸਾਹਮਣੇ ਆਈ ਹੈ।ਇਸ ਘਟਨਾ ਵਿਚਾਲੇ ਬੱਚਿਆਂ ਦੇ ਪਿਤਾ ‘ਤੇ ਕਤਲ ਦਾ ਸ਼ੱਕ ਸੀ, ਜਿਸ ਦੀ ਵੀ ਲਾਸ਼ ਆਨੰਦ ਵਿਹਾਰ ‘ਚ ਰੇਲਵੇ ਟਰੈਕ ‘ਤੇ ਮਿਲੀ ਸੀ।
ਮ੍ਰਿਤਕ ਬੱਚਿਆਂ ਦੀ ਪਛਾਣ ਕਾਰਤਿਕ (15) ਅਤੇ ਆਸਥਾ (9) ਵਜੋਂ ਹੋਈ ਹੈ। ਮਾਂ ਸ਼ੰਨੂ ਚੌਰਸੀਆ (40) ਨੂੰ ਗੰਭੀਰ ਹਾਲਤ ‘ਚ ਏਮਜ਼ ‘ਚ ਭਰਤੀ ਕਰਵਾਇਆ ਗਿਆ ਹੈ। ਪੁਲਿਸ ਨੇ ਸ਼ੱਕ ਜ਼ਾਹਰ ਕੀਤਾ ਕਿ ਬੱਚਿਆਂ ਦਾ ਗਲਾ ਘੁੱਟਣ ਤੋਂ ਬਾਅਦ ਸ਼ਿਆਮਜੀ ਨੇ ਉਨ੍ਹਾਂ ਦੀ ਮਾਂ ‘ਤੇ ਭਾਰੀ ਵਸਤੂ ਨਾਲ ਹਮਲਾ ਕੀਤਾ। ਬਾਅਦ ਵਿੱਚ ਉਹ ਘਰ ਨੂੰ ਬਾਹਰੋਂ ਤਾਲਾ ਲਗਾ ਕੇ ਚਲਾ ਗਿਆ। ਸ਼ੁੱਕਰਵਾਰ ਸ਼ਾਮ ਪੁਲਸ ਨੂੰ ਰੇਲਵੇ ਟ੍ਰੈਕ ‘ਤੇ ਇਕ ਲਾਸ਼ ਪਈ ਹੋਣ ਦੀ ਸੂਚਨਾ ਮਿਲੀ। ਸ਼ਨੀਵਾਰ ਨੂੰ ਉਸ ਦੀ ਪਛਾਣ ਸ਼ਿਆਮਜੀ ਵਜੋਂ ਹੋਈ। ਪੁਲਿਸ ਨੂੰ ਸ਼ੱਕ ਹੈ ਕਿ ਉਸ ਨੇ ਕਤਲ ਤੋਂ ਬਾਅਦ ਖੁਦਕੁਸ਼ੀ ਕੀਤੀ ਹੈ।
ਕਤਲ ਤੋਂ ਬਾਅਦ ਕਾਰਤਿਕ ਅਤੇ ਆਸਥਾ ਦੇ ਪਿਤਾ ਸ਼ਿਆਮਜੀ ਚੌਰਸੀਆ ਲਾਪਤਾ ਸਨ। ਸ਼ੱਕ ਜਤਾਇਆ ਜਾ ਰਿਹਾ ਸੀ ਕਿ ਸ਼ਿਆਮਜੀ ਨੇ ਅਪਰਾਧ ਕੀਤਾ ਹੋਵੇਗਾ ਪਰ ਹੁਣ ਉਸ ਦੀ ਲਾਸ਼ ਬਰਾਮਦ ਕਰ ਲਈ ਗਈ ਹੈ। ਸ਼ੱਕ ਹੈ ਕਿ ਦੋਵਾਂ ਬੱਚਿਆਂ ਦਾ ਗਲਾ ਘੁੱਟਣ ਤੋਂ ਬਾਅਦ ਦੋਸ਼ੀਆਂ ਨੇ ਉਨ੍ਹਾਂ ਦੀ ਮਾਂ ‘ਤੇ ਭਾਰੀ ਵਸਤੂ ਨਾਲ ਹਮਲਾ ਕਰ ਦਿੱਤਾ। ਬਾਅਦ ਵਿੱਚ ਇਹ ਸੋਚ ਕੇ ਕਿ ਤਿੰਨੋਂ ਮਰ ਚੁੱਕੇ ਹਨ, ਉਹ ਘਰ ਨੂੰ ਬਾਹਰੋਂ ਤਾਲਾ ਲਗਾ ਕੇ ਭੱਜ ਗਿਆ।
