ਅੱਠ ਸਾਲ ਤੋਂ ਪਤਨੀ ਨਹੀਂ ਬਣਾ ਰਹੀ ਸੀ ਸਰੀਰਕ ਸੰਬੰਧ, ਪਤੀ ਨੇ ਮੰਗ ਲਿਆ ਤਲਾਕ, ਹਾਈ ਕੋਰਟ ਨੇ ਕਿਹਾ-ਇਹ ਤਾਂ ਪਤੀ ‘ਤੇ ਜ਼ੁਲਮ ਆ
ਚੰਡੀਗੜ੍ਹ (ਵੀਓਪੀ ਬਿਊਰੋ) ਪਤੀ-ਪਤਨੀ ਦੇ ਆਪਸੀ ਮਸਲੇ ਦਾ ਹੱਲ ਕਰਦਿਆਂ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਨੇ ਇੱਕ ਮਾਮਲੇ ‘ਚ ਤਲਾਕ ਲਈ ਹਾਮੀ ਭਰੀ ਹੈ। ਇਸ ਮਾਮਲੇ ‘ਚ ਪਤੀ ਨੇ ਤਲਾਕ ਮੰਗਿਆ ਸੀ ਕਿਉਂਕਿ ਉਹ ਲੰਬੇ ਸਮੇਂ ਤੋਂ ਆਪਣੀ ਪਤਨੀ ਨਾਲ ਸਰੀਰਕ ਸੰਬੰਧ ਨਹੀਂ ਬਣਾ ਸਕਿਆ ਸੀ। ਪਤਨੀ ਅੱਠ ਸਾਲਾਂ ਤੋਂ ਪਤੀ ਤੋਂ ਵੱਖ ਰਹਿ ਰਹੀ ਸੀ।
ਪਤੀ ਵਲੋਂ ਤਲਾਕ ਲਈ ਲਾਈ ਪਟੀਸ਼ਨ ‘ਤੇ ਹਰਿਆਣਾ ਦੀ ਰਹਿਣ ਵਾਲੀ ਔਰਤ ਨੇ ਚੁਣੌਤੀ ਦਿੱਤੀ ਸੀ। ਜੋੜੇ ਦਾ ਵਿਆਹ 1999 ‘ਚ ਹੋਇਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦਾ ਰਿਸ਼ਤਾ ਵਿਗੜਨਾ ਸ਼ੁਰੂ ਹੋ ਗਿਆ। ਸਾਲ 2016 ‘ਚ ਪਤੀ ਨੇ ਫੈਮਿਲੀ ਕੋਰਟ ‘ਚ ਤਲਾਕ ਲਈ ਅਰਜ਼ੀ ਦਿੱਤੀ ਸੀ, ਜਿਸ ‘ਤੇ ਫੈਮਿਲੀ ਕੋਰਟ ਨੇ 2019 ‘ਚ ਤਲਾਕ ਦਾ ਹੁਕਮ ਦਿੱਤਾ ਸੀ।
ਪਟੀਸ਼ਨਕਰਤਾ ਦੇ ਪਤੀ ਨੇ ਦੱਸਿਆ ਕਿ ਪਟੀਸ਼ਨਰ ਇਕ ਧਾਰਮਿਕ ਸਮੂਹ ਦਾ ਹਿੱਸਾ ਬਣ ਗਈ ਹੈ ਅਤੇ ਲੰਬੇ ਸਮੇਂ ਤੋਂ ਉਨ੍ਹਾਂ ਵਿਚਕਾਰ ਕੋਈ ਸਬੰਧ ਨਹੀਂ ਹੈ। ਹਾਈ ਕੋਰਟ ਨੇ ਕਿਹਾ ਕਿ ਜੇਕਰ ਕੋਈ ਵਿਅਕਤੀ ਲੰਬੇ ਸਮੇਂ ਤੱਕ ਸਰੀਰਕ ਸਬੰਧ ਬਣਾਉਣ ਤੋਂ ਇਨਕਾਰ ਕਰਦਾ ਹੈ ਤਾਂ ਉਹ ਦੂਜੇ ਪ੍ਰਤੀ ਮਾਨਸਿਕ ਜ਼ੁਲਮ ਦੀ ਸ਼੍ਰੇਣੀ ਵਿੱਚ ਆਉਂਦਾ ਹੈ। ਹਾਈ ਕੋਰਟ ਨੇ ਪਤਨੀ ਦੀ ਪਟੀਸ਼ਨ ਨੂੰ ਰੱਦ ਕਰਦਿਆਂ ਤਲਾਕ ਦੇ ਹੁਕਮ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
