ਯੂਪੀ ਦੇ ਪੀਲੀਭੀਤ ਵਿੱਚ ਇੱਕ ਥਾਣੇ ਵਿੱਚ ਤਾਇਨਾਤ ਥਾਣੇਦਾਰ ਦਾ ਫ਼ੋਨ ਲੈ ਕੇ ਬਾਂਦਰ ਭੱਜ ਗਿਆ। ਪੁਲਿਸ ਵਾਲੇ ਉਸ ਨੂੰ ਫੜਨ ਲਈ ਪਿੱਛੇ ਤੋਂ ਭੱਜਦੇ ਦੇਖੇ ਗਏ। ਦਰਅਸਲ, ਕੋਤਵਾਲੀ ਬਿਸਾਲਪੁਰ ‘ਚ ਤਾਇਨਾਤ ਇਕ ਇੰਸਪੈਕਟਰ ਸੋਮਵਾਰ ਰਾਤ ਥਾਣਾ ਸਦਰ ਦੇ ਬਾਥਰੂਮ ‘ਚ ਇਸ਼ਨਾਨ ਕਰ ਰਿਹਾ ਸੀ ਕਿ ਅਚਾਨਕ ਇਕ ਬਾਂਦਰ ਉਨ੍ਹਾਂ ਦਾ ਮੋਬਾਇਲ ਫੋਨ ਲੈ ਕੇ ਭੱਜ ਗਿਆ।
ਬਾਂਦਰ ਦੇ ਹੱਥ ਵਿੱਚ ਮੋਬਾਈਲ ਫੋਨ ਦੇਖ ਕੇ ਪੁਲੀਸ ਵਾਲੇ ਵੀ ਉਸ ਦੇ ਪਿੱਛੇ ਭੱਜੇ।ਬਾਂਦਰ ਮੂੰਹ ਵਿੱਚ ਮੋਬਾਈਲ ਲੈ ਕੇ ਦਰੱਖਤ ‘ਤੇ ਚੜ੍ਹ ਗਿਆ। ਖੁਸ਼ਕਿਸਮਤੀ ਇਹ ਰਹੀ ਕਿ ਬਾਂਦਰ ਕੋਲੋਂ ਮੋਬਾਈਲ ਡਿੱਗਿਆ ਨਹੀਂ। ਪੁਲਿਸ ਵਾਲੇ ਕਾਫੀ ਦੇਰ ਤੱਕ ਬਾਂਦਰ ਦੀ ਚਾਪਲੂਸੀ ਕਰਦੇ ਰਹੇ ਪਰ ਬਾਂਦਰ ਪੁਲਸ ਵਾਲਿਆਂ ਨੂੰ ਚਕਮਾ ਦਿੰਦਾ ਰਿਹਾ।
