ਲੋਕ ਅਕਸਰ ਕਹਿੰਦੇ ਹਨ ਕਿ ਪਿਆਰ ਅੰਨ੍ਹਾ ਹੁੰਦਾ ਹੈ। ਉਹ ਜਾਤ, ਧਰਮ, ਰੰਗ ਅਤੇ ਉਮਰ ਦੀਆਂ ਸੀਮਾਵਾਂ ਤੋਂ ਪਰੇ ਹੈ। ਤੁਸੀਂ ਅਜਿਹੇ ਬਹੁਤ ਸਾਰੇ ਮਾਮਲੇ ਦੇਖੇ ਜਾਂ ਸੁਣੇ ਹੋਣਗੇ ਜਦੋਂ ਲੋਕ ਆਪਣੇ ਤੋਂ 20-30 ਸਾਲ ਛੋਟੀਆਂ ਕੁੜੀਆਂ ਨਾਲ ਪਿਆਰ ਕਰਦੇ ਹਨ ਅਤੇ ਫਿਰ ਬਾਅਦ ਵਿੱਚ ਉਹ ਇੱਕ ਦੂਜੇ ਨਾਲ ਵਿਆਹ ਕਰ ਲੈਂਦੇ ਹਨ। ਅੱਜਕੱਲ੍ਹ ਇੱਕ ਅਜਿਹੀ ਹੀ ਲਵ ਸਟੋਰੀ ਚਰਚਾ ਵਿੱਚ ਹੈ ਪਰ ਇਸ ਕਹਾਣੀ ਵਿੱਚ ਬੁਆਏਫ੍ਰੈਂਡ ਅਤੇ ਗਰਲਫ੍ਰੈਂਡ ਦੀ ਉਮਰ ਦਾ ਫਰਕ ਇੰਨਾ ਹੈ ਕਿ ਤੁਸੀਂ ਜਾਣ ਕੇ ਦੰਗ ਰਹਿ ਜਾਓਗੇ ਅਤੇ ਕਹੋਗੇ ਕਿ ਭਲਾ ਇਸ ਉਮਰ ਵਿੱਚ ਵੀ ਕਿਸੇ ਨੂੰ ਪਿਆਰ ਹੁੰਦਾ ਹੈ।
ਇਹ ਪ੍ਰੇਮ ਕਹਾਣੀ ਚੀਨ ਦੇ ਹੇਬੇਈ ਸੂਬੇ ਦੀ ਹੈ। ਦਰਅਸਲ, ਇੱਥੇ ਰਹਿਣ ਵਾਲੀ ਇੱਕ 23 ਸਾਲ ਦੀ ਕੁੜੀ ਨੂੰ ਇੱਕ 80 ਸਾਲ ਦੇ ਵਿਅਕਤੀ ਨਾਲ ਪਿਆਰ ਹੋ ਗਿਆ ਹੈ, ਜਿਸ ਨਾਲ ਉਸਦੀ ਮੁਲਾਕਾਤ ਇੱਕ ਨਰਸਿੰਗ ਹੋਮ ਵਿੱਚ ਹੋਈ ਸੀ। ਇਹ ਅਜੀਬ ਲਵ ਸਟੋਰੀ ਚੀਨ ਵਿੱਚ ਚਰਚਾ ਦਾ ਵਿਸ਼ਾ ਬਣ ਗਈ ਹੈ। ਵੈੱਬਸਾਈਟ ਓਡੀਟੀ ਸੈਂਟਰਲ ਦੀ ਰਿਪੋਰਟ ਦੇ ਮੁਤਾਬਕ, ਹੇਬੇਈ ਪ੍ਰਾਂਤ ਵਿੱਚ ਇੱਕ ਰਿਟਾਇਰਮੈਂਟ ਹੋਮ ਵਿੱਚ ਇੱਕ ਵਲੰਟੀਅਰ ਵਜੋਂ ਕੰਮ ਕਰਦੇ ਸਮੇਂ ਕੁੜੀ ਦੀ ਮੁਲਾਕਾਤ ਇੱਕ 80 ਸਾਲਾ ਵਿਅਕਤੀ ਨਾਲ ਹੋਈ। ਫਿਰ ਦੋਵੇਂ ਜਲਦੀ ਹੀ ਦੋਸਤ ਬਣ ਗਏ ਅਤੇ ਇਕ-ਦੂਜੇ ਨਾਲ ਗੱਲ ਕਰਦੇ ਹੋਏ ਉਨ੍ਹਾਂ ਨੂੰ ਅਹਿਸਾਸ ਹੋਇਆ ਕਿ ਉਨ੍ਹਾਂ ਦੇ ਬਹੁਤ ਸਾਰੇ ਸਮਾਨ ਸ਼ੌਕ ਸਨ ਅਤੇ ਦੋਵੇਂ ਇਕੋ ਜਿਹੀਆਂ ਚੀਜ਼ਾਂ ਵਿਚ ਦਿਲਚਸਪੀ ਰੱਖਦੇ ਸਨ।
ਲੀ-ਹੌਲੀ ਸਮਾਂ ਬੀਤਦਾ ਗਿਆ ਅਤੇ ਉਨ੍ਹਾਂ ਦੀ ਦੋਸਤੀ ਨੇ ਵੱਖਰਾ ਰੂਪ ਧਾਰਨ ਕਰ ਲਿਆ। ਦੋਹਾਂ ਦੇ ਅੰਦਰ ਇੱਕ ਦੂਜੇ ਪ੍ਰਤੀ ਪਿਆਰ ਦੀ ਭਾਵਨਾ ਪੈਦਾ ਹੋ ਗਈ ਸੀ। ਰਿਪੋਰਟਾਂ ਦੇ ਅਨੁਸਾਰ, ਕੁੜੀ ਨੇ ਕਿਹਾ ਕਿ ਉਹ ਬਜ਼ੁਰਗ ਆਦਮੀ ਦੀ ਪਰਿਪੱਕਤਾ, ਸਥਿਰਤਾ ਅਤੇ ਬੁੱਧੀ ਤੋਂ ਆਕਰਸ਼ਿਤ ਸੀ, ਜਦੋਂ ਕਿ ਬਜ਼ੁਰਗ ਵਿਅਕਤੀ ਕੁੜੀ ਦੀ ਦਿਆਲਤਾ ਅਤੇ ਉਸਦੀ ਸਰੀਰਕ ਸੁੰਦਰਤਾ ਤੋਂ ਪ੍ਰਭਾਵਿਤ ਸੀ। ਇਸ ਕਾਰਨ ਦੋਵੇਂ ਇਕ-ਦੂਜੇ ਨਾਲ ਵਿਆਹ ਕਰਨ ਲਈ ਬੇਤਾਬ ਹੋ ਗਏ, ਪਰ ਸਮੱਸਿਆ ਇਹ ਸੀ ਕਿ ਕੁੜੀ ਦੇ ਪਰਿਵਾਰ ਵਾਲਿਆਂ ਨੂੰ ਉਨ੍ਹਾਂ ਦੇ ਰਿਸ਼ਤੇ ‘ਤੇ ਇਤਰਾਜ਼ ਸੀ, ਕਿਉਂਕਿ ਉਹ ਨਹੀਂ ਚਾਹੁੰਦੇ ਸਨ ਕਿ ਉਨ੍ਹਾਂ ਦੀ ਧੀ ਕਿਸੇ ਅਜਿਹੇ ਵਿਅਕਤੀ ਨਾਲ ਆਪਣੀ ਜ਼ਿੰਦਗੀ ਬਿਤਾਉਣ ਜੋ ਉਸ ਦੇ ਦਾਦਾ-ਦਾਦੀ ਦੀ ਉਮਰ ਦਾ ਹੋਵੇ।
ਹੁਣ ਇਹ ਰਿਸ਼ਤਾ ਪਰਿਵਾਰ ਨੂੰ ਮਨਜ਼ੂਰ ਨਾ ਹੋਣ ਕਾਰਨ ਕੁੜੀ ਨੇ ਆਪਣੇ ਦਿਲ ਦੀ ਗੱਲ ਸੁਣੀ ਅਤੇ ਆਪਣੇ ਮਾਪਿਆਂ ਨੂੰ ਛੱਡ ਕੇ ਵੱਡੀ ਉਮਰ ਦੇ ਵਿਅਕਤੀ ਨਾਲ ਵਿਆਹ ਕਰਵਾ ਲਿਆ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਨ੍ਹਾਂ ਦਾ ਹਾਲ ਹੀ ‘ਚ ਵਿਆਹ ਹੋਇਆ ਹੈ ਪਰ ਇਸ ਵਿਆਹ ‘ਚ ਕੁੜੀ ਦਾ ਪਰਿਵਾਰ ਮੌਜੂਦ ਨਹੀਂ ਸੀ। ਦੋਹਾਂ ਨੇ ਵਿਆਹ ਦੌਰਾਨ ਹਰ ਹਾਲਤ ਵਿਚ ਇਕ-ਦੂਜੇ ਦੇ ਨਾਲ ਰਹਿਣ ਦਾ ਵਾਅਦਾ ਕੀਤਾ। ਹਾਲਾਂਕਿ ਸੋਸ਼ਲ ਮੀਡੀਆ ‘ਤੇ ਲੋਕ ਇਸ ਵਿਆਹ ਤੋਂ ਨਾਖੁਸ਼ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਲੜਕੀ ਨੇ ਪੈਸਿਆਂ ਲਈ ਬੁੱਢੇ ਨਾਲ ਵਿਆਹ ਕੀਤਾ ਹੋਵੇਗਾ, ਜਦਕਿ ਕੁਝ ਲੋਕ ਇਸ ਨੂੰ ਉਮਰ ਤੋਂ ਪਾਰ ਦੀ ਪ੍ਰੇਮ ਕਹਾਣੀ ਕਹਿ ਰਹੇ ਹਨ।
