Fog-Smog ਕਾਰਨ ਘਟੀ ਵਾਹਨਾਂ ਦੀ ਰਫਤਾਰ, ਟਰੇਨਾਂ ਵੀ ਚੱਲ ਰਹੀਆਂ ਹੌਲੀ-ਹੌਲੀ
ਵੀਓਪੀ ਬਿਊਰੋ – ਪੰਜਾਬ ਵਿੱਚ ਧੂੰਏਂ ਨੇ ਸੜਕੀ ਆਵਾਜਾਈ ਤੇ ਰੇਲ ਦੇ ਪਹੀਆਂ ਦੀ ਰਫ਼ਤਾਰ ਮੱਠੀ ਕਰ ਦਿੱਤੀ ਹੈ। ਲੋਕੋ ਪਾਇਲਟਾਂ ਨੂੰ ਧੁੰਦ ਵਿੱਚ ਯਾਤਰੀ ਟਰੇਨਾਂ ਦੀ ਰਫ਼ਤਾਰ 50 ਕਿਲੋਮੀਟਰ ਪ੍ਰਤੀ ਘੰਟਾ ਅਤੇ ਮਾਲ ਗੱਡੀਆਂ ਦੀ ਰਫ਼ਤਾਰ 30 ਕਿਲੋਮੀਟਰ ਪ੍ਰਤੀ ਘੰਟਾ ਰੱਖਣ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ GPS ਫੋਗ ਸੇਫਟੀ ਡਿਵਾਈਸ (FSD) ਲੋਕੋ ਪਾਇਲਟ ਨੂੰ ਧੁੰਦ ‘ਚ ਟਰੇਨ ਚਲਾਉਣ ‘ਚ ਮਦਦ ਕਰੇਗੀ।
ਵਿਜੀਬਿਲਟੀ ਘੱਟ ਹੋਣ ਦੇ ਕਾਰਨ ਸੜਕ ‘ਤੇ ਵੀ ਸਵੇਰ ਅਤੇ ਸ਼ਾਮ ਜਾਂ ਰਾਤ ਸਮੇਂ ਗੱਡੀਆਂ ਦੀ ਰਫਤਾਰ ਕਾਫੀ ਘੱਟ ਹੋ ਗਈ ਹੈ।
ਕਈ ਵਾਰ ਸੜਕ ‘ਤੇ ਸੰਘਣੀ ਧੁੰਦ ਕਾਰਨ ਉਕਤ ਯੰਤਰ ਠੀਕ ਤਰ੍ਹਾਂ ਕੰਮ ਨਹੀਂ ਕਰ ਪਾਉਂਦਾ। ਅਜਿਹੀ ਸਥਿਤੀ ਵਿਚ, ਇਲੈਕਟ੍ਰੀਫਾਈਡ ਟਰੈਕਾਂ ਦੇ ਖੰਭਿਆਂ ‘ਤੇ ਇਕ ਸਿਗਮਾ ਚਿੰਨ੍ਹ ਹੁੰਦਾ ਹੈ, ਜੋ ਦੂਰੋਂ ਚਮਕਦਾ ਹੈ, ਜਿਸ ਨਾਲ ਲੋਕੋ ਪਾਇਲਟ ਨੂੰ ਆਉਣ ਵਾਲੇ ਸਿਗਨਲ ਦੀ ਦੂਰੀ ਦਾ ਅੰਦਾਜ਼ਾ ਲੱਗ ਜਾਂਦਾ ਹੈ। ਇਹ ਦੇਖ ਕੇ ਲੋਕੋ ਪਾਇਲਟ ਟਰੇਨ ਦੀ ਰਫਤਾਰ ਹੌਲੀ ਕਰ ਦਿੰਦਾ ਹੈ ਅਤੇ ਸਿਗਨਲ ‘ਤੇ ਪਹੁੰਚ ਜਾਂਦਾ ਹੈ ਅਤੇ ਸਿਗਨਲ ਕਲੀਅਰ ਹੋਣ ‘ਤੇ ਉਹ ਟਰੇਨ ਨੂੰ ਅੱਗੇ ਵਧਾਉਂਦਾ ਹੈ।
ਰੇਲਵੇ ਡਿਵੀਜ਼ਨ ਫ਼ਿਰੋਜ਼ਪੁਰ ਦੇ ਅਧਿਕਾਰੀਆਂ ਨੇ ਧੁੰਦ ਦੌਰਾਨ ਫ਼ਿਰੋਜ਼ਪੁਰ-ਲੁਧਿਆਣਾ, ਜਲੰਧਰ, ਬਠਿੰਡਾ, ਫ਼ਾਜ਼ਿਲਕਾ ਰੇਲ ਸੈਕਸ਼ਨਾਂ ਅਤੇ ਹੋਰ ਸੈਕਸ਼ਨਾਂ ‘ਤੇ ਯਾਤਰੀ ਰੇਲ ਗੱਡੀਆਂ ਦੀ ਰਫ਼ਤਾਰ 50 ਕਿਲੋਮੀਟਰ ਪ੍ਰਤੀ ਘੰਟਾ ਤੈਅ ਕੀਤੀ ਹੈ। ਅਧਿਕਾਰੀ ਨੇ ਕਿਹਾ ਕਿ ਲੋਕੋ ਪਾਇਲਟਾਂ ਨੂੰ ਵੀ ਕਿਹਾ ਗਿਆ ਹੈ ਕਿ ਉਹ ਉਨ੍ਹਾਂ ਇਲਾਕਿਆਂ ‘ਚ ਟਰੇਨ ਦੀ ਰਫਤਾਰ ਖੁਦ ਤੈਅ ਕਰਨ, ਜਿੱਥੇ ਕਾਫੀ ਧੁੰਦ ਹੈ।
