ਪ੍ਰੇਮਿਕਾ ਦੀ ਕਾਰ ‘ਚੋਂ ਡਿੱਗ ਕੇ ਸ਼ਰਾਬੀ ਪ੍ਰੇਮੀ ਦੀ ਹੋਈ ਮੌਤ, ਪਤਨੀ ਨੇ ਸੌਂਕਣ ‘ਤੇ ਕੀਤਾ ਕੇਸ, ਮੰਗਿਆ 70 ਲੱਖ ਦਾ ਮੁਆਵਜ਼ਾ!
ਇਹ ਘਟਨਾ ਵਿਆਹ ‘ਚ ਬੇਵਫਾਈ ਦੀ ਹੈ ਪਰ ਇਸ ਦੇ ਨਤੀਜੇ ਇੰਨੇ ਮਾੜੇ ਨਿਕਲੇ ਕਿ ਲੁਕੀ ਹੋਈ ਪ੍ਰੇਮ ਕਹਾਣੀ ਪੂਰੀ ਦੁਨੀਆ ਦੇ ਸਾਹਮਣੇ ਆ ਗਈ। ਪਤਨੀ ਨੂੰ ਬਿਨਾਂ ਦੱਸੇ ਪਤੀ ਦਾ ਕਿਸੇ ਹੋਰ ਔਰਤ ਨਾਲ ਅਫੇਅਰ ਚੱਲ ਰਿਹਾ ਸੀ। ਪਤਨੀ ਨੂੰ ਇਸ ਗੱਲ ਦਾ ਪਤਾ ਉਦੋਂ ਲੱਗਾ ਜਦੋਂ ਉਹ ਉਸਦੀ ਸੌਕਣ ਦੀ ਕਾਰ ਤੋਂ ਡਿੱਗ ਕੇ ਮਰ ਗਿਆ। ਉਸ ਤੋਂ ਬਾਅਦ ਜੋ ਬਵਾਲ ਹੋਇਆ, ਉਸਦੀ ਉਮੀਦ ਉਸਦੀ ਸਹੇਲੀ ਨੂੰ ਜਮਾਂ ਨਹੀਂ ਸੀ।
ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਰਿਪੋਰਟ ਮੁਤਾਬਕ ਇਹ ਘਟਨਾ ਸਾਲ 2022 ਦੀ ਹੈ। ਵੈਂਗ ਉਪਨਾਮ ਵਾਲਾ ਇੱਕ ਵਿਆਹਿਆ ਆਦਮੀ ਲਿਊ ਉਪਨਾਮ ਵਾਲੀ ਇੱਕ ਕੁੜੀ ਨੂੰ ਮਿਲਿਆ। ਦੋਵਾਂ ਵਿੱਚ ਪਿਆਰ ਹੋ ਗਿਆ ਅਤੇ ਇੱਕ ਐਕਸਟਰਾ ਮੈਰਿਟਲ ਸਬੰਧ ਸ਼ੁਰੂ ਹੋ ਗਿਆ।
ਜੁਲਾਈ 2023 ਵਿੱਚ, ਵੈਂਗ ਅਤੇ ਲਿਊ ਵਿਚਕਾਰ ਰਿਸ਼ਤਾ ਖਤਮ ਕਰਨ ਨੂੰ ਲੈ ਕੇ ਬਹਿਸ ਹੋਈ। ਦੋਵਾਂ ਨੇ ਰੈਸਟੋਰੈਂਟ ਵਿੱਚ ਰਾਤ ਦਾ ਖਾਣਾ ਖਾਧਾ ਅਤੇ ਨਸ਼ੇ ਦੀ ਹਾਲਤ ਵਿੱਚ ਕਾਰ ਰਾਹੀਂ ਜਾ ਰਹੇ ਸਨ। ਪ੍ਰੇਮਿਕਾ ਕਾਰ ਚਲਾ ਰਹੀ ਸੀ, ਜਦਕਿ ਵੈਂਗ ਨਸ਼ੇ ਦੀ ਹਾਲਤ ‘ਚ ਬੈਠਾ ਸੀ। ਇਸ ਦੌਰਾਨ ਉਹ ਚੱਲਦੀ ਕਾਰ ਤੋਂ ਹੇਠਾਂ ਡਿੱਗ ਗਿਆ। ਘਬਰਾ ਗਈ ਪ੍ਰੇਮਿਕਾ ਨੇ ਐਂਬੂਲੈਂਸ ਬੁਲਾਈ ਅਤੇ ਉਸ ਨੂੰ ਹਸਪਤਾਲ ਲੈ ਗਈ ਪਰ ਦਿਮਾਗੀ ਸੱਟ ਕਾਰਨ 24 ਘੰਟਿਆਂ ਬਾਅਦ ਉਸ ਦੀ ਮੌਤ ਹੋ ਗਈ।
ਪੂਰੀ ਘਟਨਾ ਨੂੰ ਜਾਣਨ ਤੋਂ ਬਾਅਦ ਪੁਲਿਸ ਨੇ ਇਹ ਵੀ ਫੈਸਲਾ ਕੀਤਾ ਕਿ ਵੈਂਗ ਨੇ ਸੀਟਬੈਲਟ ਨਹੀਂ ਲਗਾਈ ਹੋਈ ਸੀ, ਇਸ ਲਈ ਉਹ ਕਾਰ ਤੋਂ ਡਿੱਗ ਗਿਆ ਅਤੇ ਇਸ ਘਟਨਾ ਵਿੱਚ ਲਿਊ ਦਾ ਕਸੂਰ ਨਹੀਂ ਸੀ। ਹਾਲਾਂਕਿ ਵੈਂਗ ਦੀ ਪਤਨੀ ਨੇ ਆਪਣੇ ਮਰਹੂਮ ਪਤੀ ਦੀ ਪ੍ਰੇਮਿਕਾ ਤੋਂ 6 ਲੱਖ ਯੂਆਨ ਯਾਨੀ 70 ਲੱਖ 36 ਹਜ਼ਾਰ ਰੁਪਏ ਦਾ ਮੁਆਵਜ਼ਾ ਮੰਗਿਆ ਹੈ। ਜਦੋਂ ਮਾਮਲਾ ਅਦਾਲਤ ਵਿਚ ਪਹੁੰਚਿਆ ਤਾਂ ਜੱਜ ਨੇ ਉਸ ਦੀ ਮੰਗ ਦਾ ਸਮਰਥਨ ਨਹੀਂ ਕੀਤਾ ਪਰ ਉਸ ਦੀ ਪ੍ਰੇਮਿਕਾ ਨੂੰ ਉਸ ਨੂੰ 65 ਹਜ਼ਾਰ ਯੂਆਨ ਯਾਨੀ ਕਰੀਬ 8 ਲੱਖ ਰੁਪਏ ਦੇਣ ਦਾ ਹੁਕਮ ਦਿੱਤਾ। ਅਦਾਲਤ ਨੇ ਵੈਂਗ ਦੀ ਮੌਤ ਲਈ ਪ੍ਰੇਮਿਕਾ ਨੂੰ ਜ਼ਿੰਮੇਵਾਰ ਵੀ ਨਹੀਂ ਮੰਨਿਆ। ਇਹ ਘਟਨਾ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ ਅਤੇ ਲੋਕ ਸਿਰਫ ਇਕ ਗੱਲ ਕਹਿ ਰਹੇ ਹਨ- ਵਿਆਹ ਤੋਂ ਬਾਅਦ ਇਨ੍ਹਾਂ ਅਫੇਅਰਾਂ ਵਿਚ ਨਾ ਪੈਣਾ।