ਦੋ-ਫਾੜ ਹੋਈ ਪੰਜਾਬ ਦੀ ਸਿਆਸੀ ਪੰਥਕ ਪਾਰਟੀ ਦਾ ਕੀ ਭਵਿੱਖ?

ਦੋ-ਫਾੜ ਹੋਈ ਪੰਜਾਬ ਦੀ ਸਿਆਸੀ ਪੰਥਕ ਪਾਰਟੀ ਦਾ ਕੀ ਭਵਿੱਖ?

ਵੀਓਪੀ ਬਿਊਰੋ – ਪੰਜਾਬ ਦੀ ਸਿਆਸੀ ਹਵਾ ਨੇ ਨਵੀਂ ਰਫਤਾਰ ਫੜ ਲਈ ਹੈ। ਇਸ ਵਾਰ 102 ਸਾਲ ਪੁਰਾਣੀ ਖੇਤਰੀ ਪਾਰਟੀ 2 ਫਾੜ ਹੋ ਗਈ ਹੈ। ਅਕਾਲ ਤਖ਼ਤ ਦੀ ਭਰਤੀ ਕਮੇਟੀ ਨੇ ਸਾਬਕਾ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੂੰ ਆਪਣਾ ਮੁਖੀ ਚੁਣਿਆ ਅਤੇ ਬੀਬੀ ਸਤਵੰਤ ਕੌਰ ਨੂੰ ਪੰਥਕ ਕਮੇਟੀ ਦੀ ਚੇਅਰਪਰਸਨ ਐਲਾਨਿਆ ਗਿਆ। 1980 ਵਿੱਚ ਵੀ ਅਜਿਹੇ ਹਾਲਾਤ ਪੈਦਾ ਹੋਏ ਸਨ ਜਦੋਂ ਅਕਾਲੀ ਦਲ ਤੋਂ ਵੱਖ ਹੋਣ ਤੋਂ ਬਾਅਦ ਬਣੀ ਪਾਰਟੀ ਨੂੰ ਲੋਕਾਂ ਵਿੱਚ ਮਾਨਤਾ ਮਿਲੀ ਅਤੇ ਅੰਤ ਵਿੱਚ ਅਕਾਲੀ ਦਲ ਦੇ ਧੜੇ ਨੂੰ ਜੋ ਪ੍ਰਧਾਨਗੀ ਸੰਭਾਲ ਰਿਹਾ ਸੀ, ਨਵੀਂ ਪਾਰਟੀ ਵਿੱਚ ਸ਼ਾਮਲ ਹੋਣਾ ਪਿਆ।

ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਗਠਿਤ ਭਰਤੀ ਕਮੇਟੀ ਦੇ ਚੋਣ ਇਜਲਾਸ ਦੌਰਾਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਸਾਬਕਾ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੂੰ ਸਰਬਸੰਮਤੀ ਨਾਲ ਸ਼੍ਰੋਮਣੀ ਅਕਾਲੀ ਦਲ ਦਾ ਪ੍ਰਧਾਨ ਚੁਣਿਆ ਗਿਆ ਹੈ। ਆਲ ਇੰਡੀਆ ਸਿੱਖ ਸਟੂਡੈਂਟ ਫੈਡਰੇਸ਼ਨ ਦੇ ਸਾਬਕਾ ਪ੍ਰਧਾਨ ਭਾਈ ਅਮਰੀਕ ਸਿੰਘ ਦੀ ਧੀ ਬੀਬੀ ਸਤਵੰਤ ਕੌਰ ਨੂੰ ਸਰਬਸੰਮਤੀ ਨਾਲ ਸਿੱਖ ਕੌਂਸਲ ਦਾ ਪ੍ਰਧਾਨ ਚੁਣਿਆ ਗਿਆ ਹੈ।

ਡੈਲੀਗੇਟ ਇਜਲਾਸ ਵਿੱਚ, ਸੰਤਾ ਸਿੰਘ ਨੇ ਪ੍ਰਧਾਨ ਵਜੋਂ ਗਿਆਨੀ ਹਰਪ੍ਰੀਤ ਸਿੰਘ ਦਾ ਨਾਮ ਪੇਸ਼ ਕੀਤਾ। ਉਨ੍ਹਾਂ ਦੇ ਵਿਰੁੱਧ ਕੋਈ ਹੋਰ ਨਾਮ ਪੇਸ਼ ਨਹੀਂ ਕੀਤਾ ਗਿਆ, ਜਿਸ ਕਾਰਨ ਗਿਆਨੀ ਹਰਪ੍ਰੀਤ ਸਿੰਘ ਨੂੰ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣਿਆ ਗਿਆ। ਇਹ ਇਜਲਾਸ ਅੰਮ੍ਰਿਤਸਰ ਸਥਿਤ ਨਿਹੰਗ ਸੰਗਠਨ ਬੁੱਢਾ ਦਲ ਦੇ ਦਫ਼ਤਰ ਬੁਰਜ ਅਕਾਲੀ ਫੂਲਾਸਰ ਵਿਖੇ ਹੋ ਰਿਹਾ ਹੈ।

ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਗਠਿਤ ਭਰਤੀ ਕਮੇਟੀ ਦਾ ਦਾਅਵਾ ਹੈ ਕਿ 12 ਲੱਖ ਤੋਂ ਵੱਧ ਮੈਂਬਰ ਬਣਾਏ ਗਏ ਹਨ। ਲਗਭਗ 12,000 ਡੈਲੀਗੇਟ ਬਣਾਏ ਗਏ ਹਨ। ਇਸ ਦੇ ਨਾਲ ਹੀ ਪ੍ਰਧਾਨ ਦੀ ਚੋਣ ਲਈ ਲਗਭਗ 500 ਡੈਲੀਗੇਟਾਂ ਦੀ ਚੋਣ ਕੀਤੀ ਗਈ ਹੈ। ਚੋਣ ਇਜਲਾਸ ਨਿਹੰਗ ਸੰਗਠਨ ਬੁੱਢਾ ਦਲ ਦੇ ਛਾਉਣੀ ਬੁਰਜ ਅਕਾਲੀ ਫੂਲਾ ਸਿੰਘ ਵਿਖੇ ਹੋਇਆ।

ਹੁਣ ਇੱਥੇ ਕਈ ਸਵਾਲ ਬਣਦੇ ਨੇ ਕਿ ਪੰਥਕ ਸਿਆਸੀ ਪਾਰਟੀ 2 ਫਾੜ ਹੋ ਗਈ ਹੈ। ਲੋਕ ਹੁਣ ਕਿਸ ‘ਤੇ ਵਿਸ਼ਵਾਸ ਜਤਾਉਣਗੇ। ਕੀ ਬਾਦਲ ਧੜਾ ਖੁਦ ਨੂੰ ਸਾਬਿਤ ਕਰ ਸਕੇਗਾ। ਜਾਂ ਫਿਰ ਦੋਵਾਂ ਦੀ ਆਪਸੀ ਲੜਾਈ ਦਾ ਫਾਇਦਾ ਕੋਈ ਤੀਜਾ ਲੈ ਕੇ ਜਾਵੇਗੀ। ਇਹ ਆਉਣ ਵਾਲਾ ਸਮਾਂ ਦੱਸੇਗਾ ਕੀ ਸਿਆਸੀ ਪੰਥਕ ਪਾਰਟੀ ਦਾ ਭਵਿੱਖ ਕੀ ਹੈ।